( පුෂ්පකුමාර මල්ලවආරච්චි සහ තිලකරත්න දිසානායක)

මහා පරිමාණ හෙරොයින් ජාවාරමේ නිරතව සිටි සැකකරුවන් 4 දෙනකු රුපියල් ලක්ෂ 15 පමණ වීදි වටිනාකමක් සහිත හොරොයින් ‍තොගයක් සමග අත්අඩංගුවට ගත් බව බස්නාහිර පළාත් දිසා බුද්ධි කොට්ඨාසය කියයි.

මෙසේ අත්අඩංගුවට ගෙන ඇත්තේ මීරිගම බොකලගම, මහව , කොටුගොඩ හා ගම්පහ පදිංචිකරුවන් පිරිසකි.

හෙරොයින් ග්‍රෑම් 9 මිලි ග්‍රෑම් 860 ක ප්‍රමාණයක් සමඟ අත්අඩංගුවට පත්වූ මීරිගම බොකලගම ප්‍රදේශයේ පදිංචිකරු හෙරොයින් ජාවාරමේ යෙදීම සම්බන්ධයෙන් අත්අඩංගුවට පත්ව මීට මාස කිහිපයකට පෙර බන්ධනාගාරයෙන් ඇපමත නිදහස්ව පැමිණ ඇති පුද්ගලයෙකු බව හෙලිවී ඇත.

 මෙම සැකකරු හෙරොයින් බෙදා හැරීමේ යෙදී සිටියදී ඒ සදහා යොදාගත් යතුරු පැදියද සමග අත්අඩංගුවට ගෙන ඇත්තේ උග්ගල්බොඩ ප්‍රදෙශයේදීය.   ඔහු සමග අත්අඩංගුවට පත්වූ මහව පදිංචිකරු සතුව හොරොයින් මිලිග්‍රෑම් 80ක් සමගද කොටුගොඩ පදිංචිකරුවා මිලිග්‍රෑම් 120ක් සමගද අත්අඩංගුවට පත්වී ඇත.