මාතර මිලියනපතියන්ටත් අස්වැසුම

(ක්‍රිෂාන් ජීවක ජයරුක්)

දකුණු පළාතේ ඇතැම් අස්වැසුම ප්‍රතිලාභීන්ට ඔවුන්ගේ ආධාර මුදල් ලැබෙන බැංකු ගීණුම් හිමි ශාඛාවේම රුපියල් මිලියන තුන හතරේ ස්ථාවර තැන්පතු ගිණුම් තිබෙන බව දකුණු පළාත් ඉඩම් කොමසාරිස් සේනක පල්ලියගුරුගේ මහතා මාතර දිස්ත්‍රික් සංවර්ධන කමිටු රැස්වීමේ දී පැවසීය.

කර්මාන්ත හා ව්‍යාවසාය සංවර්ධන අමාත්‍ය සහ මාතර දිස්ත්‍රික් සංවර්ධන කමිටු සම සභාපති සුනිල් හදුන්නෙත්ති මහතාගේ ප්‍රධානත්වයෙන් එම රැස්වීම පැවැත්විණි.

මාතර දිස්ත්‍රික් ලේකම් කාර්යාලීය ශ්‍රවණාගාරයේ පැවති රැස්වීමේ දී අස්වැසුම සමාජ සූබ සාධන ප්‍රතිලාභ වැඩසටහනේ ප්‍රගතිය පිළිබඳව සාකච්ඡා කරන අවස්ථාවේ දී එම කරුණු අනාවරණය විය.

එහිදී වැඩිදුරටත් අදහස් දැක්වු සේනක පල්ලියගුරුගේ මහතා මෙසේ ද කීය.

“මම මේ විෂයට අදාල රාජ්‍ය නිලධාරියෙකු නොවුනත් මෙතන ඊට අදාල නිලධාරීන් ඉන්න නිසා රජයට බදු ගෙවන පුරවැසියකු ලෙස මේ දේ කියන්න කැමතියි. මොකද මගේ පඩියෙනුත රුපියල් පහලොස් දහසක් බදු විදියට කැපෙනවා.මගේ මිතුරන් කිහිප දෙනෙකුම ඉන්නවා බැංකු කලමණාකරුවන් ලෙස සේවය කරන.ඔවුන් මට වගකීමෙන් කියා තිබෙනවා සමහර අස්වැසූම් ප්‍රතිලාභ ලබා ගැනීමට තමන්ගේ බැංකුවට එන අයට රුපියල් මිලියන තුන හතර ස්ථාවර තැන්පතු තිබෙන බව. අස්වැසුම මුදල් මාසිකව ගන්න ගමන් සමහරු ඒ ස්ථාවර තැන්පතු වල මාසික පොලියත් ලබා ගන්නවා. අස්වැසුම ගීණුම හීමි ප්‍රතිලාභියාගේ ජාතික හැදුනුම්පත් අංකය යටතේම එම ස්ථාවර තැන්පත් ගිණුමත් තිබීම විශේෂයි.බැංකු වලට මේ තොරතුරු දෙන්න යාන්ත්‍රණයක් නෑ.ඒ නිසා ඒ පිළිබඳවත් අවධානය යොමු කිරීම වැදගත්”

ඊට පිළිතුර ලෙස අමාත්‍ය සුනිල් හදුන්නෙත්ති මහතා ප්‍රකාශ කලේ දැනට අස්වැසුම් ප්‍රතිලාභ ලබා ගන්නා සියලුම ප්‍රතිලාභීන් ගේ නාම ලේඛනය ප්‍රාදේශීය ලේකම් කොට්ඨාස මට්ටමින් නැවත සමාලෝචනය කිරීම සදහා ලබා දෙන ලෙසයි.

අදහස් (9)

මාතර මිලියනපතියන්ටත් අස්වැසුම

බකල ජයා Thursday, 12 December 2024 06:13 PM

ඉතින් ලංකා වැසියන්ට ඕන සිස්ටම් චේන්ජ් එකක්ලු. ළමයි ඉපදෙන්නත් කලින් ඉඳලා හොර ලිපින හදන, හොර වතුර ලයිට් බිල් හදන, පුළුවන් විදියට රජයේ සල්ලි වංචා කරන, ඉපදෙන කොට හොරෙක් විදියට ලෝකෙ එළිය දකින ළමයි හදන අපිට ඕනෑ සිස්ටම් චේන්ජ් එකක්....!

: 0 7

අමල් Thursday, 12 December 2024 06:29 PM

සමහරවිට මිලියනපතියන් අසවැසුම ගත්තේ ටිල්වින් එක්ක රුපියල් 50,000 කට ABBA ෂෝ එක බලන්න වෙන්න බැරිද?

: 6 2

Maheshika Thursday, 12 December 2024 07:53 PM

පළාත් ඉඩම් කොමසාරිස්තුමාගේ අදහස සියයට දාහක්ම නිවැරැදියි කියන්න පුළුවන්... අපේ ප්‍රදේශයේ වුණත් එහෙම අය ඉන්නවා. ලැබෙන ආදායම් බැංකුවේ නොදා පෙට්ටගම්වල පුරවනවා... මේ මුදල් රටේ සංචරණයට මහ බැංකුවෙන් නිකුත්කළා වුණත් කිසිම ප්‍රයෝජනයක් නැතුව අහුමුලුවල දිරාපත් වෙනවා. ඇන් ඇම් ඇමැතිවරයා කළා වගේ ක්‍රමයක් කළොත් ඒවා එළියට ඒවි. එතුමා කළ එක් ක්‍රමයක් වුනේ තැන්පතු සඳහා 20% ක පොලියක් දෙන බැංකුවක් ආරම්භ කිරීම තමයි... එහෙම කරන්න බැරි නම් තොරතුරු දෙන අයට තෑගි ක්‍රමයක් සකසා නාස්තිවෙන මුදල් රැකගන්න.

: 0 7

Jay Thursday, 12 December 2024 08:09 PM

මෙතැන ඇවිල්ලත් ෆෝන් එක කොටනවා...!

: 0 4

Tharindu Friday, 13 December 2024 03:06 PM

ඔන්න ඔය ෆෝන් කෙරුවාව තමයි ලොකුම හෙනේ... ගොඩක් අය ඉන්නේ ෆෝන් එකේ..

: 0 6

Samantha03 Thursday, 12 December 2024 08:29 PM

බොරුවට කැපිලා පෙනිලා ලකුණු දාගන්න හදන නිලධාරියෙක්, මිනිහෙක්ගේ මිලියන දශක තුනක තැම්පතුවලින් අවුරුද්දටම ලැබෙන්නේ කීයද? සමහරවිට වන්දියක් වගේ දෙයකින් ලැබුණු මුදලක් වෙන්න පුළුවන්...

: 8 0

Tharindu Friday, 13 December 2024 02:14 AM

වරක් මම ග්‍රාම නිලධාරී සහතිකයක් ලබා ගැනීමට ගිය විට එහි පැමිණ සිටි පරීක්‍ෂණ නිලධාරීන් පිරිසක් සදහන් කරා ඔවුන් කළ සමික්ෂණයෙන් පෙනුමෙන් විශාල නිවාස ගේට්ටු දමා යාන වාහන තිබෙන අය පාවා මේ අස්වැසුම ලබා ගන්නා රෙපොර්තු ලේඛණයේ සිටින බව...ග්‍රාම නිලධාරියාට දීමට උත්තර නැතිව සිටියා..

: 1 7

Lalla Friday, 13 December 2024 07:28 AM

මේ කතාව ඇත්ත. ගම්වල හොඳ ආදායම තියෙන අයට අවුරුදු ගණන් සමෘද්ධිය ලැබුණා. අස්වැසුමත් එසේමයි.අනෙක් කාරණය මේ අය කිසිම වැඩක් කරන්න උත්සාහ කරන්නේ නෑ.සහණාධාර කපයි කියල. මේ සහනාධාර පෝලිම්වල ඉන්න තරුණ පරපුර නිකමුන් වීම වලක්වන්න බෑ නිකම්ම සල්ලි කීයක්හරි ලැබෙනතාක්.

: 1 5

Bunny Preena Friday, 13 December 2024 09:39 AM

කිසිම ලැජ්ජාවක් නැති ජාතියක්... ගොඩේ තියන රුපියල වුණත් නහය වහලා දිවෙන් ගන්න අය තමයි... මොවුන්ගේ නම් හෙළිකරන්න ඕනෑ

: 0 12

ඔබේ අදහස් එවන්න

දියත

කොළඹ පුරපති පුටුවට ලොක්කෙකුගෙන් කැපිල්ලක්

2025 මැයි මස 09 349 0

කොළඹ මහනගර සභාවේ බලය පිහිටුවීම සඳහා එක්සත් ජාතික පක්ෂය සහ ශ්‍රී ලංකා පොදු ජන පෙරමුණ සමග එකතු වීමට සමගි ජන බලවේගයේ නායකයෙකු අදිමදි කිරීම හේතුවෙන් විප

චමුදිතට - කීර්තිට වාරණයක්

2025 මැයි මස 09 1170 0

විජයදාස රාජපක්ෂ මහතාට අපහාසයක් සිදුවන අසත්‍ය, වෛරී සහ ද්වේශ සහත ප්‍රකාශ හා සාකච්ඡා සමාජ මාධ්‍ය ඔස්සේ අන්තර්ජාලයට මුදා හැරීම වළක්වමින් චමුදිත සමරවික

ප්‍රධාන පොලිස් පරීක්ෂක මහකුමාර මහතා දිවියට සමුදෙයි

2025 මැයි මස 09 671 0

වසර පහළොවකට වැඩි කාලයක් පොලිස් මාධ්‍ය කොට්ඨාශයේ රාජකාරී කළ ප්‍රධාන පොලිස් පරීක්ෂක මහ කුමාර මහතා අද (9) උදෑසන අභාවප්‍රාප්ත විය.

ජොන්ස්ටන්ට පොහොට්ටුවේ ලොකු පුටුවක්

2025 මැයි මස 09 1975 0

හිටපු අමාත්‍ය ජොන්ස්ටන් ප්‍රනාන්දු මහතා ශ්‍රී ලංකා පොදුජන පෙරමුණේ මෙහෙයුම් ප්‍රධානියා ලෙස පත් කරනු ලැබ සිටි.

වලල්ලාවිට හිටපු සභාපති උදේනිට ඇප

2025 මැයි මස 09 245 0

වලල්ලාවිට ප්‍රාදේශීය හිටපු සභාපති පාලන කාලයේ විකිණීම සඳහා සංවර්ධනය කරනු ලබන ඉඩම්වලට අනුමැතිය දීමට රුපියල් 6730000.00 අල්ලසක් ලබා ගත්තේ යැයි කියන සිද්ධියක්

වලල්ලාවිට හිටපු ප්‍රා. සභාපති අත්අඩංගුවට

2025 මැයි මස 09 345 0

වලල්ලාවිට ප්‍රාදේශීය සභාවේ හිටපු සභාපති අතු කෝරළ දොන් උදේනි ප්‍රියංග මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කණ්ඩායමක් විසින් අද (9