(නිශාන්ත කුමාර)

 
ඉතිහාසයේ කිසිදු දිනක සිදු නොවූ අයුරින්  වියලුව, මහියංගණය, බදුල්ල හා ඒ අවට ප්‍රදේශයන්හි පුවක් මිල ඉහළ ගොස් ඇති අතර මේ වන විට පුවක් ගෙඩි තුනක් රුපියල් 100 අලෙවි  වන බව ජනතාව පවසති.
 
ඒ අනුව  සති කිපයකට පෙර රුපියල් 30 ක ට අලෙවිවූ බුලත් විටක මිලද රුපියල් 50-75 ක් දක්වා ඉහළ ගොස් ඇතැයි ජනතාව පවසති .
 
මීට මාස දෙකකට පමණ පෙර රුපියල් 2-5 ත් පහත් අතර පැවති පුවක් ගෙඩියක මිල සති කීපයක දී රුපියල් විස්සක් දක්වා ඉහළ ගිය අතර     මේ වන විට පුවක් ගෙඩියක මිල රුපියල්  35 කි.
 
මෙම ප්‍රදේශයන්හි බහුතරයක් දෙනා හේන් සහ කුඹුරු වගාවෙන් ජීවත් වන අතර ඔවුහු බහුතරයයක් දෙනා විට   පරිභෝජනය කරති. මෙම තත්වය යටතේ තම කුඹුරු යාය හා හේන් වල කුලී වැඩ සඳහා පැමිණෙන ජනතාවට  නිරන්තරයෙන් විට සැපයීමට සිදු වන අතර තමුන්ට ඒ සඳහා විශාල අමතර මුදලක් යෙදවීමට සිදුව ඇතැයි ද ජනතාව පෙන්වා දෙති.
 
   මේ අයුරින් පුවක් මිල ඉහළ යෑමට නිශ්චිත හේතුවක් නොමැති බවද ඔවුන් පෙන්වා දෙති.