(අංජුල මහික වීරරත්න)

මාකඳුරේ කෘෂිකර්ම පර්යේෂණායතනය විසින් නිෂ්පාදනය කරන පණු කොම්පොස්ට් පොහොර සඳහා ගොවි ජනතාවගෙන් ඉහළ ඉල්ලුමක් පවතින බව එම කෘෂිකර්ම පර්යේෂණායතනයේ කෘෂි විද්‍යාඥ ප්‍රියංගා දිසානායක මහත්මිය පැවසුවාය.

කෘෂිකර්ම අමාත්‍ය මහින්ද අමරවීර මහතා මාකඳුරේ කෘෂි පර්යේෂණායතනයේ කටයුතු නිරීක්ෂණය සඳහා සහභාගී වූ අතර එහි දී පණු කොම්පොස්ට් පොහොර නිෂ්පාදනය කෙරෙන ඒකකයේ කටයුතු නිරීක්ෂණය කළේය.

පරිසරයේ බහුලව වෙසෙන Eisenia Fitida නැමැති ගැඩවිල් විශේෂය යොදා ගනිමින් මෙම කොම්පොස්ට් පොහොර නිපදවනු ලබයි. සාමාන්‍ය කොම්පොස්ට් හදන ක්‍රියාවලියට වඩා වේගවත්ව පණු කොම්පොස්ට් ක්‍රියාවලිය වේගවත් වන අතර පණුවන් මගින් සිදුවන ජීර්ණ ක්‍රියාවලිය වේගවත් වන නිසා පණු කොම්පොස්ට් නිෂ්පාදනය වේගවත් බව කෘෂිකර්ම පර්යේෂනායතනය පවසයි.

මේ වනවිට මාසයකට මෙම පණු කොම්පොස්ට් මෙට්‍රික් ටොන් තුනක් පමණ මාකඳුරේ කෘෂි පර්යේෂණාතයතනය විසින් නිපදවනු ලබන අතර ඒවා ගොවීන්ට ලබා දෙන අතර පර්යේෂණායතනයේ වගා කර ඇති බෝග සදහා ද යොදනු ලබයි.