ක්ලීන් ශ්‍රී ලංකා ගැසට්ටුව එළියට

(ජේ.ඉඳුරුවගේ)

රජය මගින් ක්‍රියාත්මක කිරීමට නියමිත "ක්ලීන් ශ්‍රී ලංකා" වැඩ සටහන සැලසුම් කර ක්‍රියාත්මක කිරීම සඳහා වන ජනාධිපති කාර්ය සාධක බලකාය ස්ථාපිත කර එහි සාමාජිකයන් පත් කරමින් ජනාධිපති අනුර කුමාර දිසානායක මහතා විසින් අති විශේෂ ගැසට් පත්‍රයක් ප්‍රකාශයට පත් කෙරිණි .

ඒ අනුව " ක්ලීන් ශ්‍රී ලංකා" ජනාධිපති කාර්ය සාධක බලකායේ සාමාජිකයන් ලෙස ජනාධිපති ලේකම් එන්.එස්.කුමානායක ,යුද හමුදාපති,ගුවන් හමුදාපති ,නාවික හමුදාපති, වැඩ බලන පොලිස්පති ඩබ්ලිව් .එල්.ඒ.සමන් ප්‍රියන්ත ,නාගරික සංවර්ධන අධිකාරියේ සභාපති ඉන්ජිනේරු කුමුදුලාල් ද සිල්වා, අයි.එස්.ජයරත්න ,ගිහාන්ද සිල්වා, සන්ධ්‍යා සල්ගාදු, ආචාර්ය ගාමිණී බටුවිටගේ, ආචාර්ය අනුරුද්ධ ගමගේ, දිල්රුක් වනසිංහ, දීපාල් සූරියආරච්චි , සිසිර අමරබන්දු, ක්‍රිශාන්ත කුරේ, ජයතු පෙරේරා ,රුවන් වීරසූරිය , දයාන් කරුනාරත්න යන මහත්වරුන් හා නිලධාරීන් ජනාධිපතිවරයා විසින් පත් කරනු ලැබ සිටිති.

මෙම කාර්ය සාධක බලකායේ සභාපති ලෙස ජනාධිපති ලේකම් එන්.එස්.කුමානායක මහතාද, ලේකම් හා කැඳවුම්කරු ලෙස ජනාධිපති ජෙෂ්ඨ අතිරේක ලේකම් ජී.එම්.ආර්.ඩී.අපෝන්සු මහතාද පත්කල බව ගැසට් නිවේදනයේ සඳහන්වේ.

සමාජීය,පාරිසරික හා ආචාර ධර්මීය පිබිදීමක් මගින් සමාජය වඩා දියුණු මට්ටමකට ඔසවා තැබීමේ අරමුණු ඉටුකර ගැනීම සඳහා " ක්ලීන් ශ්‍රී ලංකා" වැඩසටහන සැලසුම් කිරීම ,මෙහෙයවීම , ක්‍රියාත්මක කිරීම මෙන්ම එහි කාර්යන් ඉටු කිරීම පිළිබඳව ප්‍රගතිය කලින් කලට ජනාධිපතිවරයාට ඉදිරිපත් කිරීමද මෙම කාර්ය සාධක බලකායට පවරා ඇත.

අදහස් (8)

ක්ලීන් ශ්‍රී ලංකා ගැසට්ටුව එළියට

අරවින්ද මොනරවිල Friday, 20 December 2024 09:01 AM

බඩ ගින්නේ ඉඳලා හරි කරන්න ඕනෑ වැඩක්, මේ රට ලස්සනට පිළිවෙලකට තබා ගැනීම සහ ජනතාවට ශීලාචාර හා ආචාරශීලි කිරීම...!

: 4 24

යෝගා Friday, 20 December 2024 10:04 AM

2015දී රනිල්ගේ පුබුදමු ශ්‍රී ලංකා වෙනත් නමකින්!! ඇත්තටම මාර ගුරු ගෝල සම්බන්ධයක්නේ රනිල් අනුර අතර තියෙන්නේ...!

: 29 8

සෙනෙවිරත්න Friday, 20 December 2024 11:39 AM

ඉතාම කාලොචිත අදහසක්,තමන්ගෙ ගෙදර කුණු කලමණාකාරය සඳහා ක්‍රමෝපායන් හඳුන්වාදිය යුතුයි, පළාත් පාලන පාලනය ස්ථාපිත කලපසු ක්‍රමවත්ව වර්ග කල කසළ දැනට වඩා හොඳින් රැගෙනයාමට කටයුතු කල යුතුය . ඉන්පසු මහාමාර්ගවලට ගංගා ඇළදොළ වලට කසළ බැහැර කරනවුන් අල්ලා දැනට වඩා අධික දඩ නියම කිරීම සිරගත කිරීම කල යුතුය.

: 3 26

සෙනෙවිරත්න Friday, 20 December 2024 11:43 AM

ප්ලාස්ටික් බෝතල යොගට් කප් කිරි පැකට් නිෂ්පාදකයන්ට තම දවටන බහාලුම් ආපසු කැඳවීමට බලකෙරෙන නීති සකස් කල යුතුය. නැත්නම් ඒ සඳහා පලාත්පාලන ආයතනවලට ගෙවීම් කල යුතුය. අර කොළපාට කිරි පැකට් මහමඟ දමා යාම කොතරම් ගුජුප්සාජනක ක්‍රියාවක්දැයි දෙමාපියන් සහ ළමුන් කල්පනා කල යුතුය.

: 3 24

Roshan Friday, 20 December 2024 06:41 PM

ප්ලාස්ටික් පමණක් නොවෙයිනේ කුඩා ප්‍රමාණයේ දරුවන්ට දෙන බිස්කට් වැනිදේ. කුඩා ප්‍රමාණයේ (කාලෙ බෝතල්) අරක්කු බෝතල් හා සමහර වෙළෙන්දෝ රාත්‍රියේ කඩේ වැසුවාට පසුව ඉතිරිවන ඉඳුල් පාරට ගෙනැවිත් දානවා. අනුන්ගේ ගෙවල් ඉදිරියේ දාලා යනවා. සමහර කුණු කවර අනුන්ගේ ඉඩම්වලට දානවා. සමහර පළාත් පාලන ආයතනවල නිලධාරින් ඔවුන්ගේ ගොඩනැඟිලිවල වැහිපීලි පාරට හරවා මගීන්ට කරදරකාරි ලෙසට කටයුතු කරනවා. ප්‍රධාන මාර්ගවල හරියාකාර කාණු සකසා නොමැතිකම නිසා පළාත් පාලන ආයතන සතු මාර්ග, ඇල මාර්ග බවට පත්වෙනවා. ඒ සමගම තැනක් නොතැනක් නොබලා බුලත් කෙළ ගසා යනවා. හරිම පිළිකුලක් ඇතිවෙනවා. ඇත්තෙන්ම පාසලේ එක වසරේ සිට 10 වසර අවසන් වෙනතුරුම පරිසරය සුරැකීම ගැන ඉගැන්වීම් කරන්න පුළුවන් නම් අවුරුදු 10 කින්වත් රට ලස්සන කරන්න පුළුවන් වේවි. පරිසරයට හානි කරන අයට ක්ෂණිකව දඩයක් නියමකර ලැබෙන ආදායම් අදාල පළාත් පාලන ආයතනයේ නඩත්තුවට ගන්නවා නම් පහසුවෙන්ම පරිසරය පිරිසිදු කරන්න පුළුවන්...

: 0 0

සෙනෙවිරත්න Friday, 20 December 2024 11:51 AM

ඕස්ට්‍රේලියාවේදී මා දුටු දෙයක් නම් එහි කිසිම වෙළඳ සලක භාණ්ඩයක් රැගෙනයාමට ෂොපින් මලු නොදීමයි. භාණ්ඩ ගත් අය ඒ සඳහා මලු රැගෙන ආ යුතුය. එසේම යෝගට් වලට හැඳි නොසපයන බැවින් යෝගට් මහමඟ කා කෝප්පය පාරේ දමා නොයයි.ආහාර ඇසුරුම් සියල්ල ප්‍රතිචක්‍රිකරණය කල හැකි ලෙස නිපදවා ඇති බැවින් සහ ඒවා රැගෙන යන බැවින් පරිසරයට හානියක් නැත. ෂොපින් මලු නිශ්පදෙකයන්ගේ රැකියාවට වඩා රටේ ජනතාවගේ සෞඛ්‍යය සහ යහපත් පුරුදු වැදගත්ය.ඔවනට මෙම ක්ෂේත්‍රයේ වෙනත් කාර්යන් සොයාගත හැක.මෙයද කලොත් කල හැකිවන්නේ මෙම රජයට පමණි.

: 2 26

karolis Friday, 20 December 2024 05:06 PM

කොච්චර එපා කිව්වත් ශ්‍රී පාදේ කුණු අත ඇරලා එන ලංකාවේ මිනිස්සු හදන්න වෙන්නේ දැඩි දඬුවම් වලින්...

: 0 18

de silva Friday, 20 December 2024 08:18 PM

අනුර සහෝදරයා ක්ලින්, ශ්‍රී ලංකා ගැන කතාකරන්න ඉස්සර සොයලා බලන්න ප්‍රමාණවත් තරම් කසල බඳුන් තිබෙන්නේ රටේ මොන නගරේද කියලා? කොහේවත් නැහැ, නමුත් වාසනාවට අතළොස්සක් හැරුණු විට ලංකාවේ මිනිස්සු ඉන්දියාවේ මිනිස්සු වගේ කුණු පාරේ තැන තැන විසි කරන්නේ නැහැ ... පගාවක් නොදී රස්තියාදු නොවී වැඩක් කරගන්න පුළුවන් රජයේ කාර්යාල රටේ නැහැ.. නිකන් බොරුවට කියව කියවා ඉඳලා හරියන්නේ නැහැ. ඉදිරි මාස දෙක තුළ සැලසුම් කරලා. ඉදිරි වසර දෙක තුළ රාජ්‍ය සේවය පිරිසිදු කරලා පෙන්වන්න.

: 1 3

ඔබේ අදහස් එවන්න

දියත

ඩෙංගු, චිකන් ගුන්යා රෝගීන්ගේ වැඩිවීමක්

2025 මැයි මස 05 48 0

මෙරටින් චිකන් ගුන්යා ඩෙංගු සහ ඉන්ෆ්ලුවෙන්සා රෝගීන් වාර්තාවීම සීඝ්‍රයෙන් ඉහළ ගොස් ඇතැයි සෞඛ්‍ය අංශ පවසයි.

මැතිවරණ රාජකාරියට පොලිසියේ 65,000ක්

2025 මැයි මස 05 59 0

පළාත් පාලන ඡන්දය පැවැත්වෙන හෙට (6) දින ඡන්ද මධ්‍යස්ථානවල සහ ජනතාවගේ ආරක්ෂාව සඳහා පොලිසියේ හැට පන්දහසක් යොදවන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස

ජී2ජී ක්‍රමයෙන් දේශීය ඖෂධ කර්මාන්තය අනතුරේ

2025 මැයි මස 05 343 2

යෝජිත ජී2ජී ආනයන ක්‍රමය යටතේ රටවල් 7කින් ඖෂධ ආනයනය කිරීමේ තීරණය නිසා දේශීය ඖෂධ කර්මාන්තය බිද වැටීමේ අවධානමක් මතුවී ඇති බව ශ්‍රී ලංකාවේ ඖෂධ කර්මාන්ත සංග

බැංකු හෙට පෙරවරු 11.00ට වසයි

2025 මැයි මස 05 199 0

පළාත් පාලන මැතිවරණය හේතුවෙන් සියලුම බැංකු හෙට (6) පෙරවරු 11.00 දක්වා පමණක් විවෘතව තබන බව ලංකා බැංකු සේවක සංගමය පැවසීය.

මාතර බන්ධනාගාර කලබලයේදී සොරාගත් දුරකතන 49ක් සොයාගනී

2025 මැයි මස 05 383 0

මාතර බන්ධනාගාරය තුළ ඇතිවු නොසන්සුන්තාවය අතරතුරදී එහි ගබඩා කාමරය කඩා රැදවියන් විසින් සොරා ගත් ජංගම දුරකතන 49 ක් අත් විලංගු 05 හා ඒවායෙහි යතුරු 24 ක් එම බන්ධ

ලංගමේට බස් 500ක් අරන් කෝටි 301ක් පිනට දීලා

2025 මැයි මස 05 1003 3

ශ්‍රී ලංකා ගමනාගමන මණ්ඩලයට ඉන්දියාවෙන් බස් රථ 500 ක් මිලදී ගැනීමට මුල් ඇස්තමේන්තුගත වටිනාකමට වඩා වැඩි මුදලක් වැය කිරීමෙන් මණ්ඩලයට 2023 වර්ෂයේදී රුපියල්