(අංජුල මහික වීරරත්න)

කතරගම ඇසල මහ පෙරහරට සහභාගී වීම සඳහා නැගෙනහිර සිට පා ගමනින් එන බැතිමතුන්ට අවශ්‍ය සියලු පහසුකම් සලසන ලෙස කෘෂිකර්ම වන ජීවී සහ වන සංරක්ෂණ අමාත්‍ය මහින්ද අමරවීර මහතා වනජීවී අධ්‍යක්ෂ ජනරාල්වරයාට උපදෙස් දුන්නේය.

බැතිමතුන්ට පානීය ජලය ඇතුළු පහසුකම් සලසන අතර වනසතුන්ගෙන් ආරක්ෂාවීම සඳහා ද විශේෂ වැඩපිළිවෙළක් සකසන ලෙස අමාත්‍යවරයා උපදෙස් දුන්නේය.

මේ කටයුතු සඳහා අවශ්‍ය මූල්‍ය ප්‍රතිපාදන ද වෙන් කර තිබෙන බවත් පෙරහර කාලසීමාව අවසන් වන තෙක් යාල වනාන්තරයේ මෙම වැඩපිලිවෙල ක්‍රියාත්මක කරන ලෙසත් අමාත්‍යවරයා පවසා තිබේ.

ඓතිහාසික ඇසල මහ පෙරහැරට මෙවරත් නැගෙනහිර පළාතේ සිට දහස් ගණනක් බැතිමත්හු යාල වනාන්තරය හරහා පා ගමනින් පැමිණෙමින් සිටිති.