හල්දුම්මුලේලේ කැලිපාණාවල ගම නොපෙනී යයි

(සමන් පාලිත නානායක්කාර)

හල්දුම්මුල්ල ප්‍රාදේශීය ලේකම් කොට්ඨාසයට අයත් කැලිපාණාවල අස්වැද්දුම කන්ද අද විශාල ප්‍රදේශයක් නාය ගිය බවත් එහි පදිංචිව සිටි අය ඉවත් කරගෙන තිබූ බැවින් පවුල් විසිපහක පුද්ගලයන් අනූ හත් දෙනකුගේ ජීවිත බේරාගත් බවත් හල්දුම්මුල්ල ප්‍රාදේශීය ලේකම් ඒ. කේ. ජේ . ප්‍රියංගිකා මහත්මිය පැවසුවාය.

නාය යාමේ මූලික ලක්ෂණ පහළ වීමත් සමඟ පදිංචි ස්ථානවලින් පවුල් විසි පහක් විගසින් ඉවත් කරගත් බවත් උදෑසන එම නිවාසවල තිබූ බඩුමුට්ටු ද ඉවත් කරගෙන තිබුණු බවත් ප්‍රාදේශීය ලේකම් ප්‍රියංගිකා මහත්මිය කීවාය.

ජාතික ගොඩනැගිලි පර්යේෂණ සංවිධානය එම ස්ථානයේ කළ භූමි පරික්ෂාවකින් පසුව අධි අවධානම් කලාපයක් ලෙස නම් කළේය.

මෙම නාය යාමට අක්කර තිහක පමණ ප්‍රදේශයක් ගොදුරු වී ඇති බවත් කුඹුරු යායක්ද නායට යටවී ඇති බවත් ප්‍රදේශවාසීහු පවසති.

පැවති අධික වර්ෂාව සමග නාය යාම සිදු වී තිබේ.

මේ වන විට නිවාස හයක් නොපෙනී ගොස් ඇති බවත් අනික් නිවාස ගොදුරු කරගනිමින් සුන් බුන් සමග නාය පහළට තව දුරටත් ගලමින් තිබෙන බවත් ප්‍රදේශ වාසීහු පවසති.

අදහස් (7)

හල්දුම්මුලේලේ කැලිපාණාවල ගම නොපෙනී යයි

duminda Sunday, 10 December 2023 08:50 AM

කඳුකර ප්‍රෙද්ශවල ඉන්න ජනතාවගේ ක්‍රියාකාරකම් මේ ණයවලට බලපානවා. මේ වගේ සිදුවීම් ගැන දැනුවත් කරලා ඔය ප්‍රෙද්ශවල ඉන්න අයගෙන් පරිසරයට වෙන හානිය වළකා ගන්න ඉක්මන් වැඩ පිළිවෙළක් අවශ්‍යයි.

: 3 44

ABSunday, 10 December 2023 08:33 PM

පසුගිය දශකය තුළ ලංකාවේ කඳු නායයාමට ප්‍රධානතම හේතුවක් වූයේ උමං මාර්ග තැනීම සඳහා කරන්නා වූ කැණීම්වලදී සිදු කරන්නාවූ පිපිරුම්, සිදුරු විදීම, සහ ඒවාට පුපුරණ ද්‍රව්‍ය පැටවීම. පිපිරීම පුපුරුවා හැරීම මගින් ඇතිවන්නා වූ පොලවේ දෙදරීම ප්‍රධාන හේතුන් වේ. සංවර්දනය අවශ්‍ය වුවද සංවර්ධන කටයුතු කිරීමේදී සිදුවන හානියේ බලපෑම මතුවන්නේ කාලයකට පසුව වේ. ඉදිරියේදී කඳුකර ප්‍රදේශයේ කැණීම් කටයුතු කරන්නේද යන්න පිළිබඳව තීරණ ගැනීම කාලගුණ වෙනස්වීම් පිළිබඳව තීරණ ගැනීම සමග සම්බන්ධ විය යුතුම වේ...!

: 3 6

රංබොඩ Sunday, 10 December 2023 09:33 AM

විද්‍යානුකූලව තහවුරු කරගෙන ජීවිත රැසක් බේරාගත් සැමට රටේම ස්තුතිය පුදකළ යුතුයි.

: 2 85

Rasika Sunday, 10 December 2023 10:11 AM

නොපමාව ක්‍රියාකරමින් ජීවිත රැසක්බේරාගත් නිලධාරීන්ට අපගේ ප්‍රණාමය! මෙවැනි විශිෂ්ඨ ක්‍රියාවක් සිදුවූයේ ප්‍රථම වතාවට නේද? මීට පෙර අසන්නට සිදුවූයේ ජීවිත නැතිවීම් විතරයි...

: 0 87

Chandana Dissanayake Sunday, 10 December 2023 06:43 PM

ජීවිත රැසක් බේරාගත් සැමට රටේම ස්තුතිය පුදකළ යුතුයි...

: 0 38

G K Dissanayaka Tuesday, 12 December 2023 08:58 PM

නියමයි ප්‍රියන්ගිකා...!

: 0 5

G. K. Ekanayake Thursday, 14 December 2023 11:15 PM

ප්‍රියංගිකා මහත්මියට ආපදා කළමනාකරණ අමාත්‍යාංශයේ ලේකම් තනතුර දෙන්න වටිනවා...

: 0 2

ඔබේ අදහස් එවන්න

එසැණ පුවත්

ගින්නට හසු වූ තිදරු පියා මරුට

2025 මැයි මස 11 441 0

කොස්ලන්ද මීරියබැද්ද ප්‍රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.

‘තුවාල වූ අය බේරගන්න උපරිමය කරන්න‘

2025 මැයි මස 11 1295 0

කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්‍රදේශයේ රෝහල් වලටත

රැඳවියන්ට වෙසක් තෑග්ගක්

2025 මැයි මස 11 348 0

වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ