( තිළිණි ද සිල්වා සහ රංජන් කටුගම්පොළ )
ශ්රී ලංකා රූපවාහිනී සංස්ථාව මගින් විකාශය කළ "ඉරා අඳුරු පට" නැමැති වැඩසටහන හදිසියේ අතරමග නතර කිරීම තුළින් එම ආයතනය එම වැඩසටහනේ ප්රේක්ෂකයින් වූ නිදහස් මාධ්ය ව්යාපාරයේ හිටපු කැඳවුම්කරු උවිදු කුරුකුලසූරිය ඇතුළු දෙදෙනෙකු මූලික මිනිස් අයිතිවාසිකම් උල්ලංඝනය කිරීමක් සිදුකර ඇතැයි තීන්දු කළ ශ්රේෂ්ඨාධිකරණය එම පෙත්සම්කරුවන් දෙදෙනාට රුපියල් 30, 000/- බැගින් වන්දි මුදල් ගෙවන්නැයි රජයට නියෝග කරන ලදී.
තවද පෙත්සම්කරුවන් දෙදෙනාගේ මූලික මිනිස් අයිතිවාසිකම් උල්ලංඝනය කිරීම වෙනුවෙන් රුපියල් 50,000 බැගින් වන්දි ගෙවන්නැයි අදාළ පෙත්සම් වල දෙවැනි වගඋත්තරකරු ලෙස නම් කර සිටි ශ්රී ලංකා රූපවාහිනී සංස්ථාවේ හිටපු සභාපති හා අධ්යක්ෂ ජනරාල් ආචාර්ය ආරියරත්න ඇතුගල මහතාටද අධිකරණය නියෝගය කළේය.
නිදහස් මාධ්ය ව්යාපාරයේ හිටපු කැඳවුම්කරු යූ.එන්.එස්.පී. කුරුකුලසූරිය සහ ජේ.කේ.ඩබ්ලිව් .ජයසේකර යන මහත්වරුන් දෙදෙනා විසින් ඉදිරිපත් කළ මූලික අයිතිවාසිකම් පෙත්සම් දෙකක විභාගය අවසන් කරමින් ප්රියන්ත ජයවර්ධන සහ එල්.ටී.බී.දෙහිදෙණිය යන ශ්රේෂ්ඨාධිකරණ විනිසුරුන්ගේ එකඟත්වයෙන් ශ්රේෂ්ඨාධිකරණ විනිසුරු බුවනෙක අළුවිහාරේ මහතා මෙම තීන්දුව ලබා දෙන ලදී.
මෙම පෙත්සමේ වගඋත්තරකරුවන් ලෙස ශ්රී ලංකා රූපවාහිනී සංස්ථාව , එවකට එහි සභාපති ධූරයේ කටයුතු කළ ආචාර්ය ආරියරත්න ඇතුගල , එවකට සිටි ජනමාධ්ය අමාත්ය අනුර ප්රියදර්ශන යාපා , හිටපු ජනමාධ්ය අමාත්ය මංගල සමරවීර , ජනමාධ්ය අමාත්ය කෙහෙළිය රඹුක්වැල්ල , නීතිපති ඇතුළු 7 දෙනෙකු නම් කරනු ලැබ තිබිණි.
පෙත්සම්කරුවන් සිය පෙත්සම් වලින් සඳහන් කර සිටින්නේ 2008 වසරේ නොවැම්බර් මස 4 වන දා විකාශය කෙරුණු "ඉරා අඳුරු පට" නැමැති වැඩසටහන අතරමග හදිසියේ නතර කර දැමීමට එවකට රූපවාහිනි බලධාරීන් පියවර ගත් බවයි.
මේ තුළින් ආණ්ඩුක්රම ව්යවස්ථාව මගින් සහතික කර තිබෙන නීතිය ඉදිරියේ සමාන සැලකිලි ලැබීමට තිබෙන මූලික මිනිස් අයිතිය රූපවාහිනී බලධාරීන් විසින් උල්ලංඝනය කර තිබෙන බවට තීන්දුවක් ලබාදෙන ලෙස ඉල්ලමින් පෙත්සම්කරුවන් සිය පෙත්සම් ඉදිරිපත් කර තිබුණි.
දීර්ඝ නඩු විභාගයකින් පසුව ප්රියන්ත ජයවර්ධන, එල්. ටී. බී. දෙහිදෙණිය යන විනිසුරුවරුන්ගේ එකඟත්වය ඇතිව ශ්රේෂ්ඨාධිකරණ විනිසුරු බුවනෙක අලුවිහාරේ මහතා විසින් තීන්දු කළේ මෙම ක්රියාව තුළින් රූපවාහිනී බලධාරීන් පෙත්සම්කරුවන්ගේ මූලික අයිතිවාසිකම් උල්ලංඝනය කර තිබෙන බවයි.
ඒ අනුව පෙත්සම්කරුවන් දෙදෙනාගේ මූලික මිනිස් අයිතිවාසිකම් උල්ලංඝනය කිරීම වෙනුවෙන් අදාළ වන්දි මුදල් ගෙවන්නැයි ශ්රේෂ්ඨාධිකරණය වගඋත්තරකාර පාර්ශව වලට නියම කෙරිණි.
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ජාතික ආපදා සහන සේවා මධ්යස්ථානය දිස්ත්රික් ලේකම් කාර්යාලවලට රුපියල් කෝටි තිස්තුනක වියදමින් බෙදා දුන් ට්රැක්ටර් බවුසර් 191කින් 5ක් දිස්ත්රික් ලේ
පලස්තීනයට එක්සත් ජාතීන්ගේ කවුන්සිලයේ නිත්ය සාමාජිකත්වය ලබා දීම සඳහා සාමාජිකයන් විශාල පිරිසකගේ එකඟත්වයෙන් එක්සත් ජාතීන්ගේ සංවිධානය ආරක්ෂක කවුන්ස
කැනඩාවේ ඔටාවා නගරයේදී එකම පවුලේ සාමාජිකයන් පස් දෙනෙකු සහ එම පවුලේ හිතවතෙකු ඝාතනය කිරීම සම්බන්ධයෙන් චෝදනා එල්ල වී සිටින ශ්රී ලාංකික තරුණයෙකු වන ෆෙබ්
එක්සත් ජාතික පක්ෂ හිටපු පාර්ලිමේන්තු මන්ත්රී සහ හිටපු නියෝජ්ය අමාත්ය පාලිත තෙවරප්පෙරුම මහතාගේ දේහයට ජනාධිපති රනිල් වික්රමසිංහ මහතා අවසන් ගෞරව
ලංකා විදුලිබල මණ්ඩලයේ විදුලි උත්පාදනය සම්ප්රේෂණය බෙදා හැරීම සහ සැපයීමට අදාල මණ්ඩලයේ වත්කම් හා බැරකම් සංස්ථාගත කරන ලද සීමාසහිත සමාගම් සතු කරනු ලැබිය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රූපවාහිනී වැඩසටහන නතර කළාට 80,000 ක් බැගින් වන්දි
Sunil Milano Thursday, 18 February 2021 08:34 AM
මේ මහත්වරුන් තවමත් ජීවතුන් අතරද?