(ශාන්ත ප්‍රදීප් කුමාර කුලරත්න)

උසස් පෙළ විභාගයට ඉදිරිපත් වීමට නියමිත පාසල් දැරියක  මහරගම නගර සභා පරිශ්‍රයේ පිහිටි පුස්තකාලයට පාඩම් කරන අතරතුර  එහි නිළධාරීන් කිසිදු වග විභාගයකින් තොරව ඇය පුස්තකාලයේ සිටියදී දොරගුළු වසා පිටව යාම හේතුවෙන් එම සිසුවිය පැය භාගයක පමණ කාලයක් පුස්තකාලයේ සිර වී සිට ඇතැයි මහරගම නාගරික මන්ත්‍රීනි රසිකා ගුණසිංහ (පො.එ.පෙ) මහත්මිය පැවසුවාය.

පසුව සිසුවිය කෑ ගසා ඇති අතර ඒ බව පුස්තකාලය ආසන්නයේ අතුරු මාර්ගයක ගමන් කරමින් සිටි දෙදෙනකුට ඇසී ඔවුන් පැමිණ නගර සභා නිලධාරීන් දැනුවත් කිරීමෙන් පසුව සිසුවිය පිටතට ගෙන ඇති බව මන්ත්‍රීවරිය වැඩිදුරටත් කීවාය.

පාඩම් කිරීමෙන් අනතුරුව සිසුවිය පිටව යාමට පැමිණි අවස්ථාවේදී දොරගුළු වසා තිබෙනු දැක බියවී කෑ ගසා ඇති අතර ඒ බව පුස්තකාලය අසල අතුරු මාර්ගයක ගමන් කරමින් සිටි දෙදෙනෙකුට ඒ බව ඇසී පැමිණ සභා පරිශ්‍රයේ සිටි නිළධාරීන්ට දන්වා තිබේ.

එම අවස්ථාවේදී සභා පරිශ්‍රයේ රැඳී සිටි කම්කරුවන් දෙදෙනකු අවසරයකින් තොරව ඉහළ මහලයට නැග ඇති බවත් දොරවල් විවෘත කොට සිසුවිය පිටතට ගැනීමෙන් පසුව එහි සිටි කම්කරුවන් ජංගම දුරකථනයකින් වීඩියෝ ගත කර ඇති බවද මන්ත්‍රීවරිය කීවාය.