ආදරය වූ කලී මානව ජීවිතය හා බැඳුන අපූරු වූ සංසිද්ධියකි. මෙවන් අපූර්ව වූ ආදරයට ජාතියක්, ආගමක්, කුලයක්, වර්ණයක් හෝ දේශසීමාවක් නොමැත. එමෙන්ම ආදරය සඳහා කාලයක් ද නොමැත. ඒ නිසාම සසරපුරා ආත්මයෙන් ආත්මයට පෙරුම්පුරා ගෙනවිත් නැවත ආදරයෙන් මුණගැසෙන ආදරවන්තයින් පිළිබඳව අපට ඉතිහාසය පුරාවට මෙන්ම වර්තමානයේද අහන්නටත් දකින්නටත් ලැබී ඇත. සඳ දිය මංකඩ ටෙලි රූ සිත්තම නිර්මාණය වනුයේද එවන් පදනමක් මත සිටය.

හිමාලි සිරිවර්ධන, ජගත් චමිල, ගිරිරාජ් කෞශල්‍ය ඇතුළු නළු නිළියන් රැසක් රඟන සඳ දිය මංකඩ විජිත මංජුල සිංහපෘථිවිගේ අධ්‍යක්ෂණයකි. නවරත්න ගමගේ සංගීත අධ්‍යක්ෂණය කළ මෙම ගී පද රචනා ගයා රම්‍යා අල්විස් සහ නිලාර් එන් කාසිම්ගෙනි. සඳ දිය මංකඩ ජාතික රූපවාහිනියෙන් විකාශය වේ.