ඉන්දීය සුරූපිනියක නොවූණද ඇගේ රූපය ඉන්දීයානු සම්භවයක් සහිත යුවතියකගේ පෙනුමට සමානය. නිරූපණයට පැමිණ කෙටිකාලයක් වුවද ඈ ඒ පිළිබඳ හැදෑරීමට මෙන්ම නිරූපණය තුළ ජීවත්වීමට කැමැත්තක් දක්වන්නීය. කෞෂල්‍යා රෝෂිනි නම් වන ඇය "සාරවිට" හැඩකිරීමට මෙලෙසින් සම්බන්ධ කරගත්තෙමු.

ඔයා ගැන පොඩි හැඳින්වීමක් කළොත්?

මගේ නම කෞෂල්‍යා රෝශිනි. මගේ පවුලේ එකම දරුවා මං. දැනට නිරූපණ ක්ෂේත්‍රයේ කටයුතු කරනවා. ඉදිරියේදී රංගනයටත් දායක වෙන්නේ බලාපොරොත්තු වෙනවා.

නිරූපණයට එකතු වෙන්නේ කොයි කාලේද?

දැනට මං මේ ක්ෂේත්‍රයට ඇවිත් අවුරුදු එකහමාරක් පමණ වෙනවා. මෙකෙත් ඒ ගමන ගැන ගොඩක් සතුටු වෙනවා.

නිරූපණය ගැන මොකද හිතෙන්නේ?

නිරූපණ ක්ෂේත්‍රයට අද හොඳ තැනක් හිමිවෙලා තියෙනවා. හොඳ අවබෝධයකින් වැඩ කරගෙන යනවානම් ගොඩක් හොඳයි. සමහර අය ඉතිං වැරදි ආකාරයෙනුත් බලනවා. ඒක ඉතිං සමාජයේ හැටි ඒක හදන්න බැහැනේ.

නිරූපණයෙන් ඔබ කැමති පැත්තක් තියෙනවාද?

මං ගොඩක් Bridle පැත්තට තමයි කැමති.

මියුසික් වීඩියෝ පැත්තට දායක වෙලා නැද්ද?

දායක වෙලා තියෙනවා. ඉදිරියේදී දැකගන්න පුළුවන්.

ඇයි නිරූපණයට එකතු වෙන්නේ? පොඩි කාලේ තිබ්බ හීනයක්ද?

ඔව්. හැමෝගේම පොඩි කාලේ ඉඳන් තියෙන බලාපොරොත්තු තියෙනවානේ. මගෙත් එහෙම තිබුණු ලොකුම බලාපොරොත්තුවක් තමයි. නිරූපිකාවක් වෙන්න. ඉතිං අද ඒ බලාපොරොත්තුව මං ඉෂ්ට කරගෙන තියෙනවා. ඉතිං ඒක ගැන ගොඩක් සතුටුයි.

වෘත්තීමය වශයෙන් නිරූපිකාවක් වෙන්නද ආශාව තියෙන්නේ?

ඔව්. මම වෘත්තීමය වශයෙන් නිරූපිකාවක් වෙන්න තමයි කැමැත්ත තියෙන්නේ.

ඉදිරි කටයුතු මොනාද?

මියුසික් වීඩියෝ කීපයකටත් ආරධනා ලැබිලා තියෙනවා. රංගනය පැත්තටත් ආරාධනා ලැබිලා තියෙනවා. ඒ වැඩකටයුතුත් එක්ක කාලය ගෙවිලා යයි.

කවුරු හරි මතක් කරන්න පිරිසක් ඉන්නවාද?

අනිවාර්යයෙන්ම ඔව්, මං මේක අවස්ථාවක් කරගන්නවා ඒ සඳහා. මගේ අම්මයි, තාත්තයි මගේ හැමදෙයකටම මගෙත් එක්ක ඉන්නේ. ඒ වගේම මගේ යාළුවෝ සැමදෙනාටමත් ස්තූති කරනවා.

ඩිලාන් ක්‍රිෂාන්ත