(විමුක්ති එස් රුද්‍රිගු)

පසුගිය වසරේදී  වැඩිම දරු උපත්වාර්තා වන්නේ ඉන්දියාවෙන් බව විෂුවල් කැපිටලිස්ට් වෙබ් අඩවිය පුරෝකතනය කළේය.

බිළිඳු බිළිඳියන් කෝටි 13.23 ඉකුත් වසරේ මෙලොව එළිය දැක ඇති බව ද එම වෙබ් අඩවිය වාර්තා කරයි. 

දෙවැනි ස්ථානයට වැඩිම ළදරු උපත් සංඛ්‍යාවක් වාර්තා වී ඇත්තේ චීනයෙන් බවත් තෙවැනි ස්ථානයට වැඩිම ළදරු උපත් සංඛ්‍යාවක් පාකිස්තානයෙන් වාර්තා වී ඇති බවත් එම වෙබ් අඩවිය පවසයි.

මෙම වසරේදී ඉන්දියාවේ ළදරු උපත් කෝටි 2.31 ක් වාර්තා වී ඇති බවත් චීනයෙන් ළදරු උපත් ලක්ෂ 87 ක් වාර්තා වී ඇති බවත් එම වෙබ් අඩවිය පුරෝකතනය කළේය.

එසේම පකිස්තානයේ පසුගිය වසරේදී ළදරු උපත් ලක්ෂ 69 ක් වාර්තා වී තිබෙන බවද එම වෙබ් අඩවිය ප්‍රකාශ කළේය.

වැඩිම බිළිඳු බිළිඳියන් පිරිසක් මෙළොව එළිය දැක ඇත්තේ ආසියාවේ බවත් ආසියාවේ පසුගිය වසරේදී බිළිඳු බිළිඳියන් කෝටි 6.51 ක් උපත ලබා ඇති බවත් විෂුවල් කැපිටලිස්ට් වෙබ් අඩවිය පැවැසුවේය.

බිළිඳු බිළිඳියන් කෝටි 4.71 ක් අප්‍රිකාවේ උපත ලබා ඇති බවත් යුරෝපයේ බිළිඳු බිළිඳියන් ලක්ෂ 62 ක් සහ උතුරු ඇමෙරිකාවේ ලක්ෂ 76 ක් උපත ලබා ඇති බවත් එම වෙබ් අඩවිය පෙන්වා දුන්නේය.