(ජේ.කේ එල්ල චාමින්ද)
 
රුපියල් කෝටි දෙකක් පමණ වටිනාකමින් යුත් අයිස් නැමති මත්කුඩු කිලෝ දෙකක් සමග මත්කුඩු ජාවාරම්කරුවෙකු අද (06) පස්වරුවේ දි අත්අඩංගුවට ගත් බව ගාල්ල පොලිසියේ කොට්ඨාස අපරාධ විමර්ශන අංශය පවසයි.
 
හික්කඩුව පිංකන්ද ප්‍රදේශයේ දී සැකකරු අත්අඩංගුවට ගෙන ඇත.සැකකරුගේ නිවසේ තිබී මෙම මත්කුඩු තොගය සොයා ගත් බව පොලිසිය පවසයි.
 
ඔහු කාලයක් තිස්සේ මෙම ජාවාරම කරගෙන ගොස් ඇත. මීට දින කිහිපයකට පමණ ඉහතදී පොලිස් විශේෂ කාර්ය බළකාය මගින් අයිස් මත් කුඩු කිලෝ එකක් සමග මොහුගේ ගෝලයකු අත්අඩංගුවට පත්වී ඇති බවද මූලික පොලිස් පරීක්ෂණවලදී අනාවරණය වී තිබේ.