කොටදෙනියාව සිසුවාට පහරදුන් අයගේ වංහුං ඉල්ලයි

කොටදෙනියාව සේයා දැරිය පැහැරගෙන ගොස් මරා දැමීයැයි පාසල් සිසුවකු අත්අඩංගුවට ගෙන පහරදුන් බවට ඔහු විසින්ම හඳුනාගෙන ඡායාරූප ඉදිරිපත් කර ඇති පොලීසියේ සිව්දෙනාගේ නම් සහ නිලතල අධිකරණයට ඉදිරිපත් කරන ලෙස ශ්‍රේෂ්ඨාධිකරණය අද (30) පොලිස්පතිවරයාට නියෝග කළේය.

ශ්‍රේෂ්ඨාධිකරණය මෙසේ නියෝග කරනු ලැබුවේ කොටදෙනියාව සේයා දැරිය පැහැරගෙන අපයෝජනය කර මරා දැමීමේ සිද්ධියට කිසිදු සම්බන්ධයක් නැති තමා අත්අඩංගුවට ගෙන,වරද පිළිගන්නා ලෙසට බල කරමින් අමානුෂික ලෙෂ පහර දෙමින් දින ගණනාවක් පොලීසියේ රඳවා ගෙන සිටීමෙන් සිය මූලික අයිතිවාසිකම් උල්ලංඝණය කර ඇති බවට තීරණය කර ඒ වෙනුවෙන් රුපියල් කෝටියක වන්දි මුදලක් ලබා දෙන ලෙස ඉල්ලා එම පාසල් සිසුවා ගොනුකළ මූලික අයිතිවාසිකම් පෙත්සම සලකා බැලූ අවස්ථාවේදීය.

අගවිනිසුරු ප්‍රිසාත් ඩෙප් ,අනිල් ගුණරත්න සහ නලින් පෙරේරා යන මහත්වරුන් හමුවේ පෙත්සම කැඳැවිණි.

කොටදෙනියාව පොලිස් ස්ථානාධිපති සුජිත් උයද කුමාර ,මීගමුව සහකාර පොලිස් අධිකාරී ජයන්ත අතුකෝරළ, අපරාධ පරීක්ෂණ දෙපාර්තමේන්තුවේ අධ්‍යක්ෂ සුදත් නාගහමුල්ල, පොලිස්පති සහ නීතිපතිවරයා මෙම පෙත්සමේ වගඋත්තරකරුවෝ වෙති.

පෙත්සම්කාර සිසුවා වෙනුවෙන් සාලිය පීරිස් සහ තිෂ්‍ය වේරගොඩ නීතීඥවරු පෙනී සිටියහ.

අදහස් (0)

කොටදෙනියාව සිසුවාට පහරදුන් අයගේ වංහුං ඉල්ලයි

දේව් Tuesday, 30 August 2016 06:33 PM

පොලිසියේ හදන්න හුඟක් දේ තියෙනවා. කලින් චණ්ඩි වැඩ කළ අයටත් විරුද්ධව පැමිණිලි අවශ්‍යයි. (නි)

: 0 0

ටිකිරි Tuesday, 30 August 2016 11:46 PM

යහපාලනයක් ඇති නිසා මේවා මෙහෙම කරන්න පුළුවන් (නි)

: 0 0

සම්පත් පතිරණ Wednesday, 31 August 2016 05:59 AM

ඔව් ඔව් යහපාලනය නිසා හූ කීමත් වරදක් වෙලා (බ)

: 0 0

සමන් Tuesday, 30 August 2016 01:29 PM

මේ පුතා සටන් කරන්නේ ජනතා ප්‍රජාතන්ත්‍රවාදය වෙනුවෙන්. පුද්ගලික සටනක් නොවේ. පුතාට අපේ ආශිර්වාදයත් හිමි වෙනවා. මේ වගේ සිදුවීම් ලක්ෂ ගානකින් එකක් විතරයි මේ. (අ)

: 0 0

අනුරාධ Tuesday, 30 August 2016 01:55 PM

මේ වගේ පොලිසියක් එක්ක රටක් දුවන්න බෑ.කරන්නේ ප්‍රශ්න විසදනවා වෙනුවට ඒවා අවුල් කරලා කාව හරි අල්ලලා දීල අත හෝදගන්න එක. ඇත්තට ලෝකේ ඉන්න අකාර්යක්ෂම පොලිසියක් කියුවත් වැරදි නෑ. (අ)

: 0 0

බෙනට් Tuesday, 30 August 2016 02:49 PM

ඇයි මේ ළමය ඒ කාලේ හිටපු පොලිසිය බාර ඇමති , පොලිසිය බාර ලේකම් දෙන්නව මේකට ඇතුල් කලේ නැත්තේ .? මේ වගේ මුළු රටක් කලබල වෙන ප්‍රශ්නකදී සැකකරුවන් අත්අඩංගුවට ගැනීමේදී ඒ දෙන්නත් ප්‍රශ්නයට මැදිහත්වෙන බව නීතිවේදීන් දන්නේ නැද්ද ? (අ)

: 0 0