ස්වාධීන රූපවාහිනි නාළිකාවේ විකාශය වන 'නෙරංජනා' ටෙලිනාට්‍යයේ 'නෙරාංජනා' ලෙසත්, ස්වර්ණවාහිනි නාළිකාවේ විකාශය වන 'යකඩ කහවුණු' ටෙලිනාට්‍යයේ 'දෙවින්දි' හා දෙරණ රූපවාහිනි නාළිකාවේ විකාශය වන 'දේදුන්නයි ආදරේ' ටෙලිනාට්‍යයේ 'දෙවුණි' ලෙසත් මේ දිනවල ඔබ හමුවට එන රශිපබා සංදිපනි නව පරපුර අතර වඩාත් ජනප්‍රිය ටෙලිනාට්‍යය නවක නිළියකි. මේ දිනවල ඇය තරමක් කාර්යබහුල වී සිටින අතර, ඒ පිළිබඳව 'සාරවිට' අපි ඇයගෙන් තොරතුරු විමසුවෙමු.

"අ.පො.ස උසස් පෙළ විභාගයට පෙනී සිටින දරුවන් වෙනුවෙන් රඟදක්වන 'සිංහබාහු' හා 'රත්නාවලි' වේදිකා නාට්‍ය්‍ය සමගින් රටපුරා පැවැත්වෙන දර්ශන සඳහා එක්වෙනවා. ඒ නිසා මගේ රංගන කටයුතුවලට අමතරව ඒ වැඩවලට ටිකක් කාර්යබහුල වෙලා තියෙනවා. ඊට අමතරව දැනට විකාශය වෙන ටෙලිනාට්‍යය හා ඉදිරියේදී විකාශය වීමට නියමිත ටෙලිනාට්‍යය කිහිපයකත් රූපගත කිරීම් කටයුතුවලට දායක වෙනවා."