"රස්තම්" චිත්‍රපටය සාර්ථක වීම හේතුවෙන් ඒ සඳහා උදවු උපකාර කළ සැමට "රස්තම්" චිත්‍රපටයේ ප්‍රධාන නළු චරිතයට පණ පෙවූ ආක්ෂේ කුමාර් ස්තුතිය පළ කර ඇතැයි "බොලිවුඩ් ඔෆ් ලයිෆ්" වෙබ් අඩවිය සඳහන් කර සිටියි. එමෙන්ම ඔහු විශේෂ ස්තුතියක් සිය සමීපතම සිනමා නළුනිළියන් වන සුපිරි නළු සල්මාන් ඛාන්, ආලියා භාට් හා රන්වීර් සිංට ලබාදී ඇත. ඒ ඔවුන් තිදෙනා "රස්තම්" චිත්‍රපටයේ ප්‍රචාරක වැඩසටහන් එක්ව චිත්‍රපටය කෙරෙහි රසික අවධානය වැඩිපුර යොමු කරන්නට සමත්වූ බව ආක්ෂේ මෙම වෙබ් අඩවියට පවසා තිබේ.

මේ වනවිට ඉන්දීය රුපියල් කෝටි 100ක ආදායම ඉක්මවා උපයාගෙන ඇති මෙම චිත්‍රපටය මේ වසරේ වැඩි ආදායමක් උපයාගත් බොලිවුඩ් චිත්‍රපට අතලොස්ස අතරට එක්ව ඇත. එමෙන්ම මේ වසරේ ඉන්දීය රුපියල් කෝටි 100ක් උපයාගත් ආක්ෂේගේ තෙවැනි චිත්‍රපටය මෙය වන අතර. "එයාර් ලිෆ්ට්" හා "හවුස්ෆුල්" තුන්වැනි චිත්‍රපට අනෙකුත් ඉන්දීය රුපියල් කෝටි 100ක් උපයාගත් චිත්‍රපට දෙක අතරට එක් වෙයි.