( සමන් විජය බංඩාර)

වෑන් රියක් සමග දෙදරු පියකු(47) දින 5 ක් තිස්සේ අතුරුදහන් වී ඇතැයි කියමින් ඔහුගේ බිරිඳ හෙම්මාතගම පොලිසියට පැමිණිල්ලක් කළාය.

බටන්ගලවත්ත, ගිනිහප්පිටියේ පදිංචි වත්තේගෙදර උදයලත් ගාමිණි සේනාධීර නමැත්තා එසේ අතුරුදන්වී ඇති අතර ඔහු පසුගිය ජුලි 11 වැනිදා ඔහුගේ රුපියල් ලක්ෂ 26 ක් පමණ වටිනා වෑන් රියෙන් පිටත්ව ගොස් ඇතැයි ඔහුගේ බිරිඳ කියන්නීය.

ඔහු අතුරුදන්වූ දින සවස සිය වාහනය කෝපිවත්ත ප්‍රදේශයේ අයකුට විකුණා ඇතැයි ආරංචි වූ බවද එම වාහනය මිලදී ගත් බව කියන අය මුණගැසීමට ගිය බවද ඒ පිළිබඳ සැකයක් තමාට ඇති බවද ඇය පවසා සිටියාය.

හෙම්මාතගම පොලිසිය පවසන්නේ ‍මේ සම්බන්ධයෙන් පරීක්ෂණ පවත්වන බවත් අදාළ පුද්ගලයා අතුරුදන්වූ බව කියන දිනයේම ඔහුගේ නිවස ආසන්නයේ ජිවත් වු විවාහක කාන්තාවක් ද අතුරුදහන් වී තිබීම සම්බන්ධයෙන් සැකයක් පවතින බවයි.

අසල්වැසි කාන්තාව අතුරුදන්වීම සම්බන්ධයෙන් ද ඇගේ සැමියා හෙම්මාතගම පොලිසියට පැමිණිලි කර ඇතැයි කියති.