Aluthgama A. Samathasena. Tuesday, 20 March 2018 02:33 AM

වැලි,ගල් හා මැටි පැටවූ ටිපර් රථ පාරේ ධාවනය වන්නේ කිසිම මාර්ග නීතියක් ගණනකටවත් ගෙන නොවේ.ඉන්දියාවට දොස් කියනවා නොවෙයි.සමහර ඉන්දියානු ට්‍රක් රථ බර පටවාගෙන වේගෙන් ගොස් නවත්වන විටදී ,හරිහැටි තිරිංග ක්‍රියා කරන්නේ නැත.වාහනය පරණ වනවිට තත්වය වඩාත් නරක අතට හැරේ.ජපන් වාහන එසේ නොවේ.ට්‍රක් රථ රියදුරන් මෙසේ හිතුමනාපයට බියක් සැකක නැතිව කටයුතු කරනුයේ ඇතැම් පොලිස් නිලධාරීන් ඔවුන්ගේ සාක්කුවේ සිටින නිසාවෙනි.මෝටර්රථ වලින් ත්‍රයිමාසිකව මුදල් ලබාගන්නා සමහර පොලිස් නිලධාරීන් සිටින රටකි මෙය.එබැවින් රටවාහන සම්බන්ධ නිලධාරීන් ගැන රහස් පොලීසියේ විශේෂ අවධානය යොමුවිය යුතුය.නැතහොත් වැඩිකල් නොගොස් පොලීසිය අර සතාගේ තත්වයට වැටෙනු ඇත.පොලිස් සේවයේ ගරුත්වයට හානි කරන්නන්ද,නිලධාරීන්ට අල්ලස් දෙන්නන්හටද නිසි දඩුවම් දීම කාලෝචිතය.