අධ්‍යාපන පීඨවලට බඳවාගැනීමේ සම්මුඛ පරීක්ෂණ 12 දා සිට

2015 අ.පො.ස. (උ.පෙළ) ප්‍රතිඵල මත 2017 වර්ෂය සඳහා ජාතික අධ්‍යාපන විද්‍යාපීඨවලට ශික්ෂණලාභීන් බඳවාගැනීමේ සම්මුඛ පරීක්ෂණය මාර්තු මස 12 වන සඳුදා දින සිට ආරම්භ කිරීමට නියමිතය.

බඳවාගැනීමේ ගැසට් නිවේදනය ප්‍රකාරව දිස්ත්‍රික් පදනමින් බඳවා ගැනීමට නියමිත සංඛ්‍යාව මෙන් තුන් ගුණයක අයදුම්කරුවන් ප්‍රමාණයක් ඔවුන්ගේ සුදුසුකම් අනු පිළිවෙළට අදාළ ජාතික අධ්‍යාපන විද්‍යාපීඨ මගින් සම්මුඛ පරීක්ෂණය සඳහා කැඳවන බවද අධ්‍යාපන අමාත්‍යාංශය නිවේදනය කළේය.

දිවයින පුරා පිහිටි ජාතික අධ්‍යාපන විද්‍යාපීඨ 19 ක පාඨමාලා 27 ක් සඳහා අයදුම්කරුවන් 4,745ක් මෙවර බඳවා ගැනීමට නියමිතය.

- 044

අදහස් (2)

අධ්‍යාපන පීඨවලට බඳවාගැනීමේ සම්මුඛ පරීක්ෂණ 12 දා සිට

Himaali Tuesday, 27 February 2018 11:33 AM

මේවායේ සුදුස්සන් තේරෙනවාදයි දන්නේ දෙවියන් පමණි. අසුව දශකයේ අග භාගයේ කොළඹ දිස්ත්‍රික්කයෙන් දෙවැනි තැන ලැබූ මාව ඉංග්‍රීසි පීඨ ගුරු විභාගයෙන් කප්පාදු වුනේ ඉතාම පහත් අයුරින්. පාඩුව සිසුන්ටයි . මගේ ඉංග්‍රීසි දැනුමින් භාගයක් නැති සමහරු ඒ ව්භාගයෙන් ගුරු පීඨ වලට රිංගා ගත්තේ පස්සා දොරින්. අද මම විදේශ රටක හොඳ රැකියාවක . පාඩුව අර නුසුදුස්සන් ගෙන් ඉගෙන ගත් දරුවන්ට.

: 0 55

ජයසේකර Wednesday, 28 February 2018 03:58 PM

ඒක නම් ඇත්ත.. කොතන ගියත් සුදුසුකම් තියෙන කෙනා එළියේ. නිකමුන් ඇතුලේ.

: 0 9