IMG-LOGO

2024 ජුනි මස 25 වන අඟහරුවාදා


ගුවන්තොටේ අසංවර වූ දේශපාලකට දඬුවම් නැද්ද?

ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්‍රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදුම්මවාගෙන කටයුතු කරන මේ මන්ත්‍රීලා ඇමැතිලා තමන්ට පමණක් නොව තමන්ගේ පවුලේ අය සම්බන්ධයෙන් වුවද නීතියට වැඩ කිරීම සලකන්නේ මදි පුංචිකමක් හැටියටය. එවිට ඔවුන්ගේ කට පමණක් නොව අතපය ද ක්‍රියාත්මක වෙයි. බලය තිබියදී මොළය නැතිව හැසිරෙන මේ සමහර දේශපාලනඥයන් ආණ්ඩුවේ ප්‍රතිරූපයට ද සිදුකරන්නේ මහත් හානියකි.

කටුනායක ගුවන් තොටුපොළේදී පසුගිය දිනක අලුයම් කාලයේ මෙවැනි හිස උදුම්මවාගත් රාජ්‍ය අමාත්‍යවරයකු හැසිරුණු ආකාරය ගුවන්තොටේ කාර්යභාර නිලධාරීන්ද මහත් අපහසු තත්වයකට ඇද දැමුවේය. ඔහුගේ බිරිඳ ඇතුළු පිරිසක් පිටරටකට යාමට පැමිණි අවස්ථාව එහි නිලධාරීන් සමඟ ආරවුලක් ඇතිකර ගැනීමට හේතුවක් කරගත්තේ ඇයිදැයි තේරුම් ගැනීම ද අපහසුය. ඔහුට කේන්ති ගිය බව පැවසෙන්නේ ගිනිඅවිද සහිතව පැමිණ සිටි ආරක්ෂකයන්ට ගුවන් තොටුපොළ තුළට පිවිසීමට අවසර  ලබාදීම ප්‍රතික්ෂේප කිරීම හේතුවෙන් බව ද කියැවෙයි. ජාත්‍යන්තර ගුවන් තොටුපොළක් ඇතුළට ගිනි අවි සහිතව ඇතුළු වීමට අවසර ඇත්තේ ආරක්ෂක සේවාවල නිලධාරීන්ට පමණක් බව නොදන්නා අමාත්‍යවරුන් සිටීම ගැන අපට දැනෙන්නේ ලජ්ජාවකි.

ගිනිඅවි සහිත ආරක්ෂකයන් පිරිවරා ගෙන ගමන් බිමන් යාමට අපේ රටේ ඇතැම් දේශපාලකයන්ට තිබෙන ‘උණ’ රටේ පොදු මහජනතාවගේ දැඩි පිළිකුලට හේතු වන බව ඔවුන් නොදැන සිටීම අවාසනාවකි. තමන්ට පමණක් නොව තමන්ගේ බිරිඳට ද තවත් සමීප ඥාතීන්ට ද මේ රාජ්‍ය අමාත්‍යවරයාගේ ආරක්ෂකයන්ගේ සේවය ලබාදී තිබෙන බවක් ද කටුනායක සිද්ධියේදී පෙනී යයි. තමන්ගේ බලතලවල සීමා මායිම් නොදැන කටයුතු කිරීමට කිසිදු ඇමැතිවරයකුට හැකියාවක් නැත. එසේම බලතල සහ වරප්‍රසාද ලබාදී ඇත්තේ මහජන සේවා සැපයීමේදී එල්ල විය හැකි බාධා, හිරිහැර මගහැර කටයුතු කිරීමට මිස තමන්ගේ බිරිඳට පිටරට යාමේ පහසුකම් සැලසීමට හෝ ගුවන් තොටුපො​ළේ සේවකයන්ගේ කනපැලීමට නොවන බව මේ දේශපාලකයන් නොදන්නවා නම් ඔවුන්ට ඒ බව කියාදීම කතානායකවරයාගේ වගකීමක් බවද පෙන්වා දෙමු.

කෙසේ වුවද අපේ රටේ පවතින දේශපාලන සංස්කෘතිය අනුව අවසානයේ වරද  පැටවෙන්නේ වැරැද්ද සිදුකළ දේශපාලනඥයාට නොව ඔහුගේ නීති විරෝධී ක්‍රියාවෙන් අගතියට පත් පාර්ශ්වයට බව අපගේ ඉතිහාසය පෙන්වා දෙයි. අදාළ සිද්ධිය සම්බන්ධයෙන් මේ වන විටද රාජ්‍ය අමාත්‍යවරයා තමන්ගේ වරප්‍රසාද කඩ වී යැයි පැමිණිලි කර ඒ ගැන වහාම සොයා බලන්නැයි දන්වා නැත්නම් ඒ ගැන පුදුම විය යුතුය. බොහොමයක් අවස්ථාවල සිදුවී ඇත්තේ දේශපාලකයාගෙන් හෝ ඔහුගේ හෙංචයියන්ගෙන් හෝ ප්‍රශ්න කිරීම නොව වැරැද්දෙන් බැට කෑ පිරිසගෙන් කටඋත්තර ගැනීම මිස ඒ ගැන දේශපාලකයාගෙන් විමසීම නොවේ. මෙවැනි වැරදි යළි යළිත් මැති ඇමැතිවරුන් අතින් සිදුවන්නේ එකී අසාධාරණ යුක්තිය පසිඳලීම් ක්‍රියාවලිය හේතුවෙන් බව කනගාටුවෙන් වුවද පෙන්වා දිය යුතු ය.

මෙරට සිටි කීර්තිමත් දේශපාලනඥයකු වූ ලක්ෂ්මන් කදිරගාමර් මහතා වරක් බ්‍රිතාන්‍ය – ශ්‍රී ලංකා සමාජයේ රාත්‍රි භෝජන සංග්‍රහයක් අවසානයේ කළ කතාවකදී මන්ත්‍රීවරුන් සම්බන්ධයෙන් අපූරු සඳහනක් කර තිබිණි. එය මෙසේ විය. ‘‘බ්‍රිතාන්‍යයේදී මන්ත්‍රීවරුන්ට ගරු මන්ත්‍රීතුමනි කියා ආමන්ත්‍රණය නොකරයි. එහෙත් ඉන් වැඩි දෙනෙක් ගරු තත්වයට සුදුස්සෝ වෙති. එහෙත් ශ්‍රී ලංකාවේ මන්ත්‍රීවරුන්ට ආමන්ත්‍රණය කරන්නේම ගරු මන්ත්‍රීතුමනි කියාය. එහෙත් ඇතැම්හු ‘‘ගරු කියා ඇමතීමට සුදුස්සෝ නොවෙති.’’ ගුවන්තොටේ පිස්සු නැටූ රාජ්‍ය ඇමැතිවරයා තමන් ‘‘ගරු තත්වය ලැබීමට සුදුසු අයකුදැයි තම හෘදය සාක්ෂියෙන් විමසිය යුතු නොවේද? මෙය මෙරට පොදු ජනතාව අසන ප්‍රශ්නයකි.

(***)



අදහස් (7)

ගුවන්තොටේ අසංවර වූ දේශපාලකට දඬුවම් නැද්ද?

wedage Friday, 17 May 2024 02:09 PM

පොලිස් ඇමැති මේ ගැන මොකද කියන්නේ?

:       0       30

sanjeeva Friday, 17 May 2024 03:00 PM

මැරවිරුවාට ඇත නොතබනු !!

:       0       19

channa Friday, 17 May 2024 10:06 PM

බොහෝ විට මෙවැනි හැසිරීමට හේතුව නම් නූගත්කමයි.

:       0       27

anura ekanayake Sunday, 19 May 2024 04:36 PM

නුසුදුස්සන් යවපු අයට තමයි ගහන්න ඕනෑ. මොවුන් බලෙන් පාර්ලිමේන්තු ගියේ නෑනේ...

:       0       14

vijayanthiMonday, 20 May 2024 12:17 PM

කුජීතයි . අප්‍රසන්නයි.

:       0       8

lahiru Monday, 20 May 2024 08:18 PM

දඬුවම් නැහැ. ඒ ගොල්ලෝ ප්‍රභූවරු. ඒ මදිවට මහජන නියෝජිතයෝ... තේරෙන්නේ නැතිද?

:       0       5

wedage Tuesday, 21 May 2024 02:40 PM

ඩයනාට ඇප ලැබිලා තියෙන්නේ CID එක එනකොට සැඟවුණු නිසාද?

:       0       3

ඔබේ අදහස් එවන්න

කතුවැකිය

තෙල් සංස්ථා වංචාව වසර 8 ක්ම යටගැහීම
2024 ජුනි මස 24 146 0

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 115 1

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 121 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 590 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 152 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 229 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 240 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1449 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3222 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site