වසංගත කාලයකදී වරින්මේ වර ලෙඩ රෝග හිස එසවීමට හැකියි.එබැවින් මේ දිනවල කොවිඩ් සහ ඩෙංගු නොවන වෙනත් උණ රෝගී තත්ත්වයක් පැතිර යමින් පවතී. රුධිර පරීක්ෂාවලදී කොවිඩ් සහ ඩෙංගු නෙගටිවු වුවද මෙය ඉන්ෆ්ලුවන්සා තත්ත්වයක් විය හැකියි. එසේත් නැත්නම් වයිරස් උණක් වීමට පිළිවන. උණ යනු රෝග ලක්ෂණයක් වන බැවින් දින 03කට වඩා උණ ගතිය පවතී නම් හැකි ඉක්මනින් සම්පූර්ණ රුධිර පරීක්ෂාවකට භාජන විය යුතුයි.
වර්තමානයේදී යළිත් වතාවක් කොවිඩ් සේම ඩෙංගු රෝගයද උත්සන්න වී යමින් පවතින මොහොතකදී වරින් වර වයිරස් රෝග මතුවීම සාමාන්ය දෙයකි.
පුද්ගලයකුට උණ ගැණුනු විගසින්ම එය කොවිඩ් හෝ ඩෙංගු රෝගය යැයි නිශ්චිතවම පූර්ව නිගමනවලට එළැඹීමටද නුපුළුවන. එසේ නොවේයැයි පැවසීමට හැකියාවක්ද නැත.මන්ද ඩෙංගු රෝගීන් වුවද ඇන්ටිජන් පරීක්ෂාවේදී කොවිඩ් පොසිටිව් වීමට පුළුවන. එසේම කොවිඩ් රෝගීන්ට වුවද ඩෙංගු වැළඳීමේ ප්රවනතාවක් පවතී.
රටේ පැවැති අධි වසංගත තත්ත්වය කැපී පෙනෙන ලෙස මර්දනය වී පැවැති අවස්ථාවකම යළිඳු වතාවක් කොවිඩ් තත්ත්වයේ වර්ධනයක් පෙන්නුම් කිරීම කනගාටුවට කරුණකි. එහි ප්රතිඵලයක් ලෙස කොළඹ ළමා රෝහලේ ස්ථාපිත කොවිඩ් ළමා වාට්ටු 03න්ම රෝගීන් 51 දෙනකු පමණ පසුගිය බදාදා වනවිට වාර්තා විණි. තවද බ්රහස්පතින්දා වනවිට සුව අතට හැරුණු රෝගීන් 18 දෙනකු පමණ නියමිත ප්රතිකාර අවසන් කොට රෝහල් නේවාසික ප්රතිකාර ලැයිස්තුවෙන් ඉවත් විණි.
දින 03කට වඩා පවතින උණ තත්ත්වය හේතුවෙන් රුධිර පරීක්ෂාවලට යොමු වූ රෝගීන්ගේ වාර්තා සමීක්ෂණයේදී කොවිඩ් නොවුණද බොහොමයක්ම ඩෙංගු තත්ත්වය බවට සනාථ වී ඇත. මේ අනුව කොවිඩ් සේම අප ඉදිරියේ ඇති ඩෙංගු අවදානමද දැඩි බවද මතක තබා ගත යුතුයි.
සාමාන්ය වයිරස් උණ තත්ත්වයක් නම් එය දින 03කට අඩු කාලයකදී පහව යන අතර කල් අල්ලා උණ ගතිය නොපවතී. කොවිඩ්, ඩෙංගු සේම වයිරස් උණකදී වුව වෛද්ය උපදෙස්වලට අනුගතව කටයුතු කිරීම අත්යවශ්ය වේ. නිසි වෛද්ය නිර්දේශයකින් තොරව ඖෂධ භාවිතය, ස්ව අභිමතය පරිදි ඖෂධ වර්ග මාරු කිරීම සේම මාත්රාව වෙනස් කිරීමද නොකළ යුතුවේ.
වයිරස් උණ තත්ත්වයකදී වුව ලබා ගත හැකි එකම ඖෂධය වනුයේ පැරසිටමෝල් පමණි. එයද පැය 6න් 6ට නියමිත මාත්රාව නිසි පරිදි විය යුතුයි. වෛද්ය නිර්දේශය මත නියමිත මාත්රාවම පමණක් වීම අවධාරණය කෙරෙන අතර කුඩා දරුවකු නම් වයස සහ බර අනුව නියමිත මාත්රාව ලබා දිය හැකියි.
උණ රෝගියාට මූලිකවම අවැසි වනුයේ හොඳ විවේකයකි. ඝන ආහාර වෙනුවට දිරවීමට පහසු ආහාර, දියර ආහාර ලබා දීමට පුළුවන. එසේම මේ කාලය ඇතුළත පිරිසුදු ජලයද පානය කිරීමට ලබා දෙන්න. උණ රෝගියා වැඩිහිටි පුද්ගලයකු නම් රෝගී තත්ත්වය පවතින කාලය තුළ නිවසින් බැහැරට නොගොස් නිවසේම රැඳී හිඳීමට වගබලා ගන්න. කුඩා දරුවකු උණ තත්ත්වයෙන් පෙළේ නම් පාසල් , පෙර පාසල් නොයවා නිවසේ රඳවා ඇඳ විවේකය ලබා දෙන්න.
සුවපහසු පරිසරය, වෛද්ය උපදෙස් සේම මනා විවේකය රෝගියාට ලබා දීමෙන් රෝගී තත්ත්වය ඉතා ඉක්මනින්ම දුරුවී සුවපත් වීමට හේතුවක් වනු ඇත.
-සටහන- මාධවී ධර්මරත්න
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
මේ වනවිට පරිගණක භාවිතය ඉතා බහුල වී තිබේ. දෛනික ක්රියාකාරකම් මෙන්ම රැකියාවල කටයුත ද ඉතා පසු කරන මෙවලමක් වන පරිගණකය වැඩ පහසු කරනවා වුවත් එය පුද්ගල කායි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසංගත කාලේ පැතිරෙන වයිරස් උණෙන් රැකෙමු