2021 වසරට සාපේක්ෂව 2022 වසරේ දී වීසා අයදුම් කිරීම් ප්රමාණයේ තුන් ගුණයක පමණ වැඩිවීමක් නිරීක්ෂණය කෙරෙයි.
කොවිඩ් සීමා ලිහිල් කිරීම, ජාත්යන්තර ගමනාගමන සීමා මායිම් ලිහිල් කිරීම ආදී කාරණා හේතුවෙන් 2021 වසරට සාපේක්ෂව 2022 වසරේ දී ශ්රී ලංකාවේ සිට වීසා අයදුම් කිරීම් ප්රමාණය සුවිශේෂී වර්ධනයක් පෙන්නුම් කෙරෙයි. රජයන් සහ රාජ්ය තාන්ත්රික තානාපති මෙහෙයන්ට තාක්ෂණික සේවා සැපයීමේ විශේෂඥයෙක් මෙන්ම පරිබාහිර සේවා ලබාගැනීමේ පදනම් මත ක්රියාත්මක වන ලෝකයේ විශාලතම ආයතනයක් ලෙස ප්රකට VFS Global ආයතනයේ දත්තවලට අනුව 2019 පූර්ව වසංගත අවධියට සාපෙක්ෂව 2022 වසර තුළ දී වීසා අයදුම් කිරීමේ සියයට 68ක වේගවත් වර්ධනයක් පෙන්නුම් කරනවා සේම 2021 ජාත්යන්තර ගමනාගමන සීමා මායිම් ලිහිල් කිරීමෙන් පසු 2022 වසරේ දී එය තුන් ගුණයක සුවිශේෂී වර්ධනයක් බව පෙන්වා දෙයි.
VFS Global ආයතනයේ දකුණු ආසියාව භාර ප්රධාන මෙහෙයුම් නිලධාරී ප්රබුද්ධ සෙන් මෙසේ පැවසීය, “අපට ඉතා අධික වීසා ඉල්ලීම් ප්රමාණයක් ලැබීමේ ප්රවණතාවක් ශ්රී ලංකාවෙන් මෙන්ම දකුණු ආසියාතික කලාපයේම දක්නට පුළුවන්. 2022 වසරේ සිට විශාල පිරිසක් සිය රටවලින් පිටට යාමට වීසා අයදුම් කිරීමේ ප්රවණතාව අපට දක්නට ලැබෙනවා. එසේම මෙය මේ වසර දක්වාම මේ පවතින ශීඝ්රතාවයෙන්ම ඉහළ යයි කියලත් අප විශ්වාස කරනවා. මේ ප්රවණතාව ඉදිරියටත් මෙසේම පවතී යැයි අපට නිරීක්ෂණය කළ හැකි නිසා අප වීසා අයදුම් කරන අපේ සේවාදායකයන්ගෙන් කාරුණික ඉල්ලීමක් කරන්න කැමතියි. ඔබ ඔබේ වීසා අයදුම් කිරීම හැකි ඉක්මනින් සහ කලින් සිදු කරගන්න උත්සහ කරන්නේ නම් අවසාන මොහොතේ සිදුවිය හැකි අපහසුතාවලින් වැළකී ඉන්න පුළුවන් වෙයි.”
කොවිඩ් වසංගතයෙන් පසුව විවිධ ප්රවණතා මතුවූ අතර සංචාරකයන්ගේ හුරුපුරුදු ද වෙනස්වීම සිදුවිය. එසේ වෙනස් වූ තවත් එක් කාරණයක් වූයේ තමන්ටම සුවිශේෂීකරණය වූ සමීප සේවා සපයා ගැනීමයි. නිවසටම පැමිණ වීසා ලබාගැනීමේ සේවා සැපයීම Visa At Your Doorstep (VAYD) මඟින් සංචාරකයන්ට තමන් කැමති ස්ථානයකට ගෙන්වා ගෙන වීසා සේවා අයදුම් කිරීමේ පහසුව තිබෙයි. එසේම 2019 වසරට සාපෙක්ෂව 2022 දී එම ඉල්ලීම් ප්රමාණය දෙගුණයක් විය. එක්සත් රාජධානියට වීසා අයදුම්කරන්නන්ට මෙම සේවාව ලංකාව තුළ දී ලබා ගත හැක. එසේම VFS Global ආයතනය ශ්රී ලංකාවේ සහ මාලදිවයිනේ ආණ්ඩුවේ සේවාදායකයන් 19 කටත් ආණ්ඩුව නියෝජනය කරන සේවාදායකයන් 17 දෙනකුටත් සේවා සපයයි.
සිසුන්ගේ සංචාර සමය මාස කිහිපයකින් ආරම්භවීමට නියමිත බැවින්, කාර්යබහුලත්වය අවම කිරීමට ශ්රි ලංකාවේ VFS Global මධ්යස්ථානය සිය සේවා කාලය තවත් පැය කිහිපයකින් දීර්ඝ කර තිබේ. එසේම ආයතනය විසින් මාලදිවයින් ශිෂ්යයන්ගේ වීසා කටයුතු වඩාත් වේගවත්ව සිදුකිරීම වෙනුවෙන් මාලදිවයිනේ මාලේ අගනගරයේ ද තාවකාලික වීසා සැකසුම් මධ්යස්ථානයක් ස්ථාපිත කර තිබේ.
595
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ශ්රී ලංකාවේ ප්රමුඛ පෙළේ රක්ෂණ සමාගමක් වන HNB ජෙනරල් ඉන්ෂුවරන්ස් (HNBGI) සමාගම පසුගියදා සම්පත් බැංකුව සමඟ සහයෝගීතාවකට එළඹෙමින් සම්පත් ක්රෙඩිට් කාඩ්පත් හ
දිවයිනේ ප්රමුඛ පෙළේ කිරි හා ඒ ආශ්රිත නිෂ්පාදන සිදු කරන සමාගමක් වන රසෝදා ඩේරීස් පෞද්ගලික සමාගම කාර්මික සංවර්ධන මණ්ඩලය (IDB)සංවිධානය කළ ජාතික ව්යාපාර ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ශ්රී ලංකාවේ සිට වීසා අයදුම් කිරීම් වර්ධනයක්