රුමේනියාවේ බුකාරස්ට් නගරයේ දඩාවතේ බල්ලකුගේ සංඛ්‍යාව දහස් ගණනින් වැඩි වී තිබෙන බැවින් එම සතුන් මරා දැමීමට කි‍්‍රයා මාර්ග ගැනීම සඳහා එරට පාර්ලිමේන්තුව ඡන්දයක් පවත්වා තිබේ.

226 දෙනෙක් ඊට කැමැත්ත පළ කළ අතර 23 දෙනෙක් විරුද්ධ වුහ. 21 දෙනෙක් පැමිණ සිටියේ නැත. මේ සම්බන්ධයෙන් ජන මත විමසුමක් ඔක්තෝබර් 6 වෙනිදා පැවැත් වීමට නියමිතව තිබිණ. නමුත් එරට ජනාධිපති එම ජන මත විමසුම අහෝසි කර පාර්ලිමේන්තු තීරණය අනුව කටයුතු කිරීමට පියවර ගෙන තිබේ.

බුකාරෙස්ට් කාන්තාවක්, ජපාන ජාතික සංචාරකයෙක් සහ 4 හැවිරිදි පිරිමි දරුවකු දඩාවතේ යන බල්ලන් සපා කෑමෙන් මිය ගොස් තිබීම මෙම පියවර ගැනීම සඳහා බලපෑම් කර ඇත. බල්ලන් සපා කෑම නිසා මාස 8ක් ඇතුළත බුචරස්ට්හි රෝහල් ගත වූවන් 9760 ක් වාර්තා වී තිබේ.

මෙම යෝජනාවට විරෝධය දක්වමින් එරට ජනතාව තම සුනඛයින්ද රැුගෙන විත් පාර්ලිමේන්තුව ඉදිරිපිට උද්ඝෝෂන පවත්වන බව වාර්තා වේ. ඔවුන් ‘සාපරාධි අධිකරණය. ඔබලටත් බල්ලන්ට වගේම ඉරණමක් අත් වේ’ යනුවෙන් කෑ ගසමින් විරෝධය දක්වා ඇත.

බල්ලන් මරා දමනවා වෙනුවට වෙනත් විකල්ප ක‍්‍රමයක් අනුගමනය කර සත්ව යුක්තිය සුරකින ලෙස රොමේනියානු සත්ව සුබ සාධන සංගමය ජනාධිපතිවරයාට යෝජනා ඉදිරිපත් කර ඇත.