ඇමරිකාවේ නිව්යෝක් නුවර දුම්රියන්හි කලිසම්ක් නොමැතිව ගමන් කිරීමේ’ වාර්ෂික මෝඩ උත්සවය දහස් ගණනකගේ  සහභාගීත්වයෙන්  13 වැනි වරටත්  පැවැත්විණි.

ශීත සෘතුවේ මැද භාගයේ පැවැත්වෙන මෙම අවස්ථාවට සහභාගිවන්නන් සියල්ල කබා, තොප්පි, අත් මේස් දමා  උඩු කයට ඇඳ සිටියත්, යටට ඇඳිය යුත්තේ යට ඇඳුම පමණි. මෙහි විශේෂත්වය එයයි.

එසේම සහභාගිවන්නන් අනෙක් අය හා කතා කිරීම තහනම් වන අතර දුම්රියේ මොන දේ සිදු වුවත් ඔවුන් සාමන්‍ය ලෙස හැසිරිය යුතු බව සංවිධායකයෝ  කියති.

මෙය පළමුව 2002 වසරේ නිව්යෝක් නගරයේ පිරිමි ළමයින් හත් දෙනෙකු  කළ පොඩි විහිළුවක් දුර දිග ගොස් දැන් එය මෝඩකමේ උත්සවයක් නමින් අන්තර්ජාතිකව පවත්වන උත්සවයක් බවට පත් වී ඇත. රටවල් 25 ක පමණ ජාතිකයෝ උත්සවයට එක්වෙති.