කෘත්‍රිම ස්වසනය දී තම පස් මස් වියැති ඥාති පුත‍්‍රයා වන සෙබස්තියන්ගේ ජීවිතය බේරා ගැනීමට ඔහුගේ නැන්දණිය වූ පැමෙලා රූසෝ සමත් වූවාය.

මියාමි නගරයේ මාර්ගයක මෝටර් රථයේ ගමන් කරමින් සිටියදී දිගින් දිගටම හැඞීමට ගත් සෙබස්තියන් එක්වනම හැඞීම නතර කළ බවත් කුමක් හෝ වරදක් සිදුවී ඇතැයි සිතූ තමා වාහන තදබදය මධ්‍යයේම රථය නතර කර පිටතට පැන සෙබස්තියන්ගේ අසුන වෙත වහා ගිය බවත් ඇය කියන්නීය.

සෙබස්තියන් නිල් පැහැ ගැන්වී සිටියේයැයිද ඔහු හුස්ම නොගන්නා බව දුටු තමා කළ යුතු අන් කිසි දෙයක් සිහියට නොආ තැන සෙබස්තියන් මාර්ගය මතට ගෙන ඔහුට කෘත්‍රිම ස්වසනය දීමට පටන්ගත්තේ යැයිද ඇය පවසන්නීය.

ඇයගේ උත්සාහය ඵල දරමින් සෙබස්තියන් යළි හුස්ම ගැනීම ආරම්භ කර ඇත.

තදබදයේ සිරවී සිටි අනෙක් රියැදුරෝ ද ඇයගේ කරදරය දැක සහයට පැමිණ ඇත්තාහ.

ඔවුන්ගේ සහයෙන් කුඩා සෙබස්තියන් රෝහල් ගත කර ඇත්තේය.

සෙබස්තියන් දැන් සිටින්නේ සුවය ලබමින්.නැන්දණියගේ ඉක්මන් තීරණයත් අවට සිටියවුන්ගේ කැපවීමත් නිසා ඔහු ජීවිතය යළී ලැබීය.