උපත්පාලන පෙත්තක් පුරුෂයන් වෙනුවෙන් නිපද වූ බව පර්යේෂකයෝ කියති. එම පෙත්ත නිපදවීමට පෙර උපත් පාලනය කිරීමේ ක්‍රමයක් ලෙස පුරුෂ ‍හෝමෝන වෙනස් කිරීම හෝ ශුක්‍රාණු උදාසීන කිරීම සිදු කළ ද නව තාක්ෂණයේදී සිදුවන්නේ තාවකාලිකව වාසෙත්තමී සැත්කම හා සමාන ක්‍රමයකි. මෙම නව උපත්පාලන පෙත්තෙන් සිදුවන්නේ ලිංගික එක්වීමක දී ශුක්‍රාණු පිටවීම වැළැක්වීමයි.

කාන්තාවන් සදහා භාවිතාවන උපත්පාලන ක්‍රමවලදී හෘදයාබාධ වැළදීමේ අවධානම, අඝාතය හා ලේ කැටි ඇතිවීම වැනි අතුරු ආබාධ හටගන්නා බැවින් මෙම ක්‍රමය වඩාත් සාර්ථක වනු ඇතැයි විද්‍යාඥයන්ගේ මතය වී තිබේ.

මේ පුවත කාන්තාවන්ට එතරම් සතුටුදායක නොවනු ඇතැයි ද පර්යේෂකයෝ කියති. 2011 වර්ෂ‍යේ දී ඇන්ග්ලියා රස්කින් විශ්වවිද්‍යාලයේ කරන ලද සමීක්ෂණයකින් සොයාගෙන ඇත්තේ කාන්තාවන්ගෙන් අඩකට වැඩි පිරිසක් පිරිමින්ට උපත්පාලන පෙති ලබාදී සම්බන්ධයෙන් එතරම් විශ්වාසයක් නොදක්වන බවයි. මේ පෙත්ත දිනපතා ගැනීම පිරිමින් විසින් අමතක කරනු ඇතැයි ද ඒ හේතුවෙන් අනවශ්‍ය ගැබ් ගැනීම් සිදවනු ඇතැයි ද සමීක්ෂණයට ලක්වූ කාන්තාවන් බහුතරයකගේ අදහස වී ඇත.

වෛද්‍ය

වෛද්‍ය සබටිනෝ වෙන්ටුරා සහ ඕස්ට්‍රේලියාවේ ඔහුගේ පර්යේණ කණ්ඩායම පවසන්නේ මේ නව පෙත්ත මගින් ශුක්‍රාණු නිදහස් කරන ප්‍රෝටීන වර්ග‍ දෙකක් අවහිර කරනු ලබන බවයි. එමගින් ශුක්‍රාණු මරණයට පත්කිරීමට ‍හෝ හෝමෝන වල තත්ත්වය වෙනස් කිරීමට ගන්නා ඖෂධ මගින් ඇතිවිය හැකි අතුරු ආබාධ වලින් වැළකී සිටිය හැකි බව ද ඔවුන් පෙන්වාදෙයි.

වෛද්‍ය වෙන්ටුරා වැඩිදුරටත් මෙසේ පවසයි.

'' මෙහි සුවිශේෂීත්වය වන්නේ මේ තාක්ෂණය මගින් මිනිසාගේ ලිංගික ක්‍රියාකාරීත්වයට බලපෑමක් සිදුවන්නේ නැහැ. එමෙන් ම පෙති ගැනීම නැවැත්වූ විට නැවත සඵල බව ලැබෙනවා. පුරුෂයන්ගේ හෝ‍ර්මෝන ක්‍රියාකාරීත්වය වෙනස් කරමින් ගැබ් ගැනිම් නැවැත්වූ ක්‍රමයක් තිබුණා. එයින් ලිංගික අතුරු ආබාධ සහ ශුක්‍රාණු ක්‍රියාකාාරීත්වය හීනවීම වැනි ගැටළු තිබුණා. නමුත් මේ ක්‍රමයෙන් ඒ ගැටළු ඇතිවන්නේ නැහැ.

මේ පෙති භාවිතා කරන පුරුෂයකු ලිංගික තරල විසර්ජනය කළ ද එහි ශුක්‍රාණු අඩංගු නොවේ. ෂෙෆීල්ඩ් විශ්වවිද්‍යාලයේ සාඵල්‍යතාව පිළිබද විශේෂඥ ආචාර්ය ඇලන් පැසි පවසන්නේ මේ සොයාගැනීම පිළිබද විශ්වාසයක් ඇතත් එය තවදුරටත් දියුණු කළ යුතු බවයි.