කැරලිකරුවන් හා එක්වීමට සිරියාව බලා යෑමට පැමිණි මාලදිවයින් ජාතික කාන්තාවක හා පුද්ගලයින් දෙදෙනෙකු මාලදිවයින බලා පිටුවහල් කිරීමට ශ්‍රී ලංකාව පියවර ගනිමින් සිටින බව මාලදිවයිනේ පොලිස් ආරංචි මාර්ග සඳහන් කරයි.

මෙම තිදෙනා මාලදිවයිනේ සිට ශ්‍රී ලංකාවට පැමිණ එතැනින් තුර්කියටත් අනතුරුව සිරියාවටත් ගමන් කිරීමට සැළසුම් කර ඇතැයි හෙළිවී තිබේ.

තම රෝගාබාධ වලට ප්‍රතිකාර ගැනීම සඳහා පැමිණි බවත් නමුත් තිබෙන පහසුකම් ගැන සෑහීමකට පත්නොවන නිසා තුර්කිය බලා යෑමට සූදානම් වන බවත් මොවුන් තිදෙන ශ්‍රි ලංකා බළධාරීන් හමුවේ කියා තිබේ.

ඔවුන් ගැන සැකසිතා ඇත ශ්‍රි ලංකා බළධාරීන් පොලිස් බුද්ධි අංශය ඔස්සේ මාලදිවයිනේ සංවිධානාත්මක අපරාධ මර්දන දෙපාර්තමෙන්තුවට මේ බව දැනුම්දී තිබේ.එහි ප්‍රතිඵලයක් ලෙස ශ්‍රී ලංකාවේ මාලදිවයින් තානාපති කාර්යාලයෙන් ලැබුණු නියෝගයක් මත මොවුන් තිදෙනා අත්අඩංගුවට ගෙන ඇත.

පසුව සිදුකෙරුණු පරීක්ෂණ වලදී කාන්තාව කණ්ඩායමේ සිටි එක් පුද්ගලයෙකුගේ බිරිඳ බවත් ඇය ඒ වන විට 7 මස් ගැබිණියක බවත් සොයාගෙන තිබේ.අනෙක් පුද්ගලයාට පහරදීම් හා දේපළ අලාභ හානි කිරීම් සම්බන්ධව පොලිස් වාර්තාවක්ද තිබෙන බව  අනාවරණයව ඇත.

සිරියා අගමැති බෂීර් අල් අසාඩ්ට එරෙහිව කැරලි ගසා සිටින මාලදිවයින් සම්භවයක් ඇති බිලාඩ් අල් ෂාම් මීඩියා කල්ලියට බැදීම සදහා මොවුන් සිරියාව බලා යන්නට උත්සාහ කර ඇතැයි සැක කෙරේ.