පැවැත්ම උදෙසා තවත් අයකු ගොදුරුකැර ගන්නා සත්ත්ව ලෝකය බියකරු අනුකම්පා විරහිත ස්ථානයකි. නිරිතදිග එංගලන්තයේ ඩොයට් හි අබෝට්ස්බරි කලපුවේ ගොදුරු හොයා කිමිදුණු දියකාවකු සමඟ ආඳකු සිය ජීවිතය වෙනුවෙන් කරන අවසන් අරගලය රිචඩ් ඔස්ටින්ගේ කැමරාවේ සටහන් වූයේ මේ අයුරිනි.

දිය යට දී ගොදුර ඩැහැගන්නට උත්සාහ ගන්නා දිය කාවා ඉහළට මතුවන්නේ තමන් අල්ලාගත් ආඳා හොටෙන් ඩැහැගෙනය. නමුත් ආඳා දියකාවාගේ හොටයේ හිරවී සිටිමින් කරන දැඟලීම නිසා දියාකාවාගෙන් ආඳා ගැලවී යයි. එසේ වුව ද දියකාවා ආඳාට ඉඩක් දෙන්නේ නැත. තම හොටයෙන් ආඳා යළි ඉහළ අවකාශයට විසිකැර දමයි. ජලයෙන් ඉහළට විසිවී යන ආඳා තම හැඩය වෙනස් කරමින් වෙනත් තැනක් ඉලක්කකැර ගනිමින් යළි ජලයට ම වැටෙන්නට උත්සාහ ගත්ත ද දියකාව තම ගොදුර අතහරින්නේ නැත. දඟර ගැසුණු ආදා යළි සුරැකිව අල්ලා ගනී. නමුත් දිගින් දිගට ම ගැලවීමේ උත්සාහයක යෙදෙන ආඳා නැවතත් දියකාවාගේ හොටයෙන් ගැලවී යන්නට  සමත් වුව ද නැවතත් දියකාවාගේ ශක්තිමත් හොටයට හිරවන්නේ ගැලවීමක් නොමැති අයුරිනි.

ඔස්ටින් පවසන්නේ විනාඩි පහක පමණ සටනකින් පසු පරාජය වූ ආඳා දියකාවාගේ සවස ආහාරය වූ බවයි.

Diyakawa (1)

Diyakawa (4)

Diyakawa (3)

Diyakawa (6)

Diyakawa (2)