බි‍්‍රතාන්‍යයේ විලියම් කුමරුගේ බිරිය කැතරින් (කේට්) මිඞ්ල්ටන් ආදිපාදවරිය ගැබ්ගෙන සිටින බව බකිංහැම් මාලිගය ඊයේ (4) නිවේදනය කළේය. ගැබිනියක වීමේ ලක්ෂණ පෙන්නුම් කිරීමත් සමඟ 30 වැනි වියෙහි පසුවන කේට් කුමරිය පෙරේදා සවස රෝහල් ගත කළ බවත් එහිදී ඇය ගැබිනියක බව තහවුරු වූ බවත් වාර්තා වේ. කේට් කුමරිය ගැබ් ගැනීමේ පී‍්‍රතිමත් පුවත විලියම් කුමරු විසින් මාධ්‍යවෙත නිකුත් කරනු ලැබුවේ ඊයේ උදෑසනය. බි‍්‍රතාන්‍ය වැසියන් පමණක් නොව රජ පෙළපත ඉදිරියට ගෙන යෑමට පුතකු හෝ දුවක හෝ ලැබීම ගැන දෙවැනි එලිසබත් මහ රැජින ඇතුළු රජ පවුලේ සැවොම ඉමහත් පී‍්‍රතියට පත් වූ බවත් විදෙස් පුවත් සේවා වාර්තා කරයි. විලියම් කුමරු සහ කේට් කුමරිය අතිනත ගත්තේ 2010 වසරේ දීය. බි‍්‍රතන්‍යයේ කිරීටයට මීළඟ හිමිකරු හෝ හිමිකාරිය වනු ඇත්තේ විලියම් කුමරුගේ සහ කේට් කුමරියට ලැබෙන පුතා හෝ දියණියයි. කේට් කුමරිය ගැබිනියක වීමේ පුවතට බි‍්‍රතාන්‍ය මාධ්‍යවලින් ද විශාල ප‍්‍රසිද්ධියක් ලැබුණි. ඊයේ මුද්‍රණය වූ ඇතැම් පුවත්පත්වල ඒ ගැන කතු වැකි පවා පළ වී තිබුණි.