මිලදීගත් අල පෙති වල මුදල් නැවත ඉල්ලමින් කඩ හිමියා හපා කෑ කාන්තාවක් පිළිබඳ එංගලන්තයෙන් වාර්තා වේ.

ඇය හේලි ජෝන්ස් නම් 33 හැවිරිදි කාන්තාවකි.

පෝල්ස් අයිසෝ නිඞ්ස් (67) රීඞ්ලි නමින් කුඩා අවන්හලක් පවත්වා ගෙන යයි. දිනක් ඔහුගේ අවන් හලට පැමිණි හේලි පවුම් 1.35 ක් (රුපියල් 289 ක්) ගෙවා අල පෙති මිල දී ගත්තාය.

මිනිත්තු කිහිපයකට පසු නැවත අවන් හලට පැමිණි ඇය අල පෙති කෑමට පිළිකුල් බව කියමින් ඇයගේ මුදල් නැවත ඉල්ලීය. පෝල්ස් එය ප‍්‍රතික්ෂේප කිරීමත් සමග කුපිත වූ ඇය ඔහුගේ අත හැපීමට පටන් ගත්හ. එපමණක් නොව නියපොතු වලින් ඔහුගේ කන තුවාල කරමින් ඔහුට පයින්ද පහර දුන්නා. ඒ අතරම ඇය මුදල් කවුළුව වෙතටද යාමට තැත් කරත් පෝල්ස් මඟ හරස් කරමින් සිට ගත්තේය.

ඔවුන්ගේ කෑ ගැසීම ඇසී එතනට පැමිණි පෝල්ස්ගේ බිරිඳ සහ තවත් කිහිප දෙනෙක් ඔහු ඇයගෙන් බේරා ගත්හ. සිද්ධිය දැනගත් වහාම එතෙනට පොලිසිය පැමිණියත් ඒ වන තුරුත් හේලි අවන් හලේ ඉදිරිපිට සිට අසභ්‍ය ලෙස බැණ වඳිමින් සිටියාය.

තදින්ම මත්දව්‍ය වලට ඇබ්බැහි වූ ඇය දැන් පොලිස් අත්අඩංගුවේ සිටියි. මේ සිද්ධියෙන් පසු රෝහල් වල සහ උසාවිල රස්තියාදු වීමට සිදු වී ඇති නිසා තමන්ට වෙළඳාමවත් නිසි ලෙස කිරීමට නොහැකි වන බව පෝල්ස් පැවසයි.