මඩුවා මිනිසුන් ලවා ලණුව ගලවාගනී

සිරුරේ මසට කාවැදී සිරවී තිබුණු රැහැනක් නිසා වේදනාවෙන් පීඩා විදිමින් සිටි යෝධ මඩුවෙක් පිහිටක් පතා කොස්ටාරිකාව ආසන්න මුහුදේ කිමිදෙමින් සිටි කිමිදුම්කරුවන් පිරිසක් අසලට පැමිණියේය.

කිමිදුම්කරුවෝ මුලින් බියට පත් වුවද මඩුවාගේ සිරුරේ පැටලී තිබූ රැහැනද,එය ඉවත් කරන්නැයි ඉල්ලන අයුරින් මඩුවා අවට පිහිනූ අයුරුද දුටු විට ඔවුන්ගේ බිය පහ විය.

මඩුවා පිහිනමින් සිටියදීම කිමිදුම්කරුවෝ රැහැනෙන් අල්ලා ඇද එය ගලවා දැමූහ.

තමන් මිදුණු බව දැන කරණම් කිහිපයක් ගසා සතුට පෙන්වූ මඩුවා වෙනතක් බලා පිහිනා ගියේය.

මඩුවාගෙන් ගලවාගත් රැහැන කිමිදුම්කරුවන් අත සුරැකිව රැදී තිබුණි.එය මේ පුදුම අත්දැකීමේ සිහිවටනයක් ලෙස ඔවුහු තබා ගත්හ.

මේ සියල්ල වීඩියෝ පටිගත කිරීමටත් කණ්ඩායමේ සිටි කිමිදුම්කරුවෙක් සමත් වූවේය.එම වීඩියෝව දැන් අන්තර්ජාලයට එක්කර ඇත.

අදහස් (0)

මඩුවා මිනිසුන් ලවා ලණුව ගලවාගනී

සලීත් Wednesday, 17 September 2014 03:25 AM

අප එකිනෙකා ඇන කොටාගන්න කාලයක අපිට හොඳ ආදර්ශයක්. (නදී)

: 0 0

හොද-නරක Wednesday, 17 September 2014 01:28 PM

මඩුවාට පමණක් නොව සෑම පන ඇති සත්වයෙක්ම මරණයට බියයි, එම නිසා තමන් තමා ගැන සිතමින් අනෙකාද තමන් මෙන් සිතන්න කියා මම සාමාන්‍ය පෙළ පන්තියේදී ධම්ම පදයෙන් ඉගෙන ගතිමි. සතුන් සැමවිටම පහර දෙන්නේ බිය නිසාය. සතුන් ගැන උනන්දුවෙන් ඉන්නේ නැතිව පාඩුවේ සිටිනම් උන්ගෙන් පහර ලබන්නේ නැත.(අ)

: 0 0

අනිල් Wednesday, 17 September 2014 08:13 AM

හිතන්න පුළුවන් මාලුවෙක් මඩු මාලු කෑම නතරකරමු (අ)

: 0 0

ඩයනා Thursday, 18 September 2014 06:31 AM

හ්ම්ම්ම්, හොද වෙලාවට මු ආනමඩුව පැත්තට ඉපදුනේ නැත්තේ? (නදී)

: 0 0

තබිත Thursday, 18 September 2014 06:42 AM

මේ මත්ස්‍යා උදව්වක් ලබා ගත හැකි තැනකට ඒමට තරම් බුද්දිමත් වීම ගැන පුදුමයි. (නදී)

: 0 0

උපාලි Wednesday, 17 September 2014 02:18 AM

අප එකිනෙකා ඇන කොටාගන්න කාලයක මේ සතෙකුට පවා කරුණාව දැක්වූ යහපත් මිනිසුන් අපිට ආදර්ශයක්. (නි)

: 0 0

කුමාර් Wednesday, 17 September 2014 10:41 AM

මඩු මාලු කෑම නතර කරමු කීවට "ලංකාවේ එක එකාගේ මාළු කන එක" නතරවෙන්නේ කවදාද ? (නදී)

: 0 0