සෑම වසරකම දෙසැම්බර් මස 25 වැනිදා ඇමරිකා ගුවන්ආරක්ෂක මධ්යස්ථානයට සුවිශේෂි දිනයකි. ඇමරිකා ගුවන නිරීක්ෂණය කිරීමේ නිරතව සිටින එහි නිලධාරීන් එදිනට විශේෂ මෙහෙයුමක් ආරම්භ කරයි.
ඇමරිකා ගුවන් ආරක්ෂක මධ්යස්ථානය දෙසැම්බර් මස 25 වැනිදා දියත් කරන විශේෂ වැඩසටහනකට අනුව එහි වෙබ් අඩවියට පිවිසෙන්නකුට නත්තල් සීයා ලෝකය වටා ගමන් කරන අයුරු සිතියමකින් දැක බලා ගත හැකිය. මේ සිතියම සෑම පැයකට වරක්ම යාවත්කාලීන වීමයි. නත්තල් සීයා වරක් බලන විට සිටියේ යුරෝපයේ නම් ඊළග වර බලන විට සිටින්නේ ආසියාවේ විය හැකිය.
සිතියම බලන අතර ඕනෑම අයකුට ඇමරිකා ගුවන් ආරක්ෂක මධ්යස්ථානය වෙත දුරකථන ඇමතුමක් දී නත්තල් සීයා තමන් වෙසෙන ස්ථානය වෙත පැමිණෙන වේලාව දැනගත හැකිය. තෑගි ලැබීමට සුදුස්සෙක් වීමට තමන් මේ වසරේ යහපත් පුද්ගලයෙක් ලෙස හැසිරුනාදැයි යන්නද දැනගත හැකිය. මධ්යස්ථානයේ සිටින නිලධරයෝ ඒ සියල්ලටම පිළිතුරු සැපයීමට සැදී පැහැදී සිටිති.
‘නොරාඩ් ට්රැක්ස් සැන්ටා‘ නම් මේ වැඩසටහනේ ආරම්භය 1955 වසරේය. ඇමරිකාවේ පිහිටි සෙල්ලම් භාණ්ඩ අලෙවිසළක ප්රදර්ශනය කර තිබූ දැන්වීමක නත්තල් සීයාගේ රූපයත්, ඊට යටින් දුරකථන අංකයකුත් සඳහන්ව තිබූ අතර දැන්වීමෙන් කියැවුනේ දුරකථන අංකයෙන් නත්තල් සීයා අමතා තමන්ට වුවමනා තෑගි වෙන්කර ගත හැකි බවයි.
දැන්වීමේ අරමුණ වී තිබුණේ දුරකථන ඇමතුමක් දී අලෙවි සැළෙන් සෙල්ලම් භාණ්ඩ වෙන්කර ගත හැකි බව පෙන්වා දීම නමුත් වැරදීමකින් එක් අංකයක් වෙනස්වීම නිසා අලෙවිහළේ දුරකථන අංකය වෙනුවට දැන්වීමේ සඳහන්ව තිබුණේ ඇමරිකා ගුවන් ආරක්ෂක මධ්යස්ථානයේ (නොරාඩ්) දුරකථන අංකයයි. එදින රැයේ නොරාඩ් පාලක මැදිරියේ සේවය නියුතුව සිටි නිලධාරීන්ට කුඩා දරුවන්ගෙන් නත්තල් සීයා ගැන විමසමින් පිට පිට දුරකථන ඇමතුම් ලැබුණු බව සඳහන්ය.
එම ඇමතුම් බැහැර නොකළ නිලධාරීහු දරුවන්ගේ ගැටළුවලට ඔවුන්ට හැකි පමණින් පිළිතුරු දුන්හ. මෙය විශේෂ මෙහෙයුමක් ලෙස සෑම වසරකම 25 වැනිදා කි්රයාත්මක කළ යුතුයැයි අදහස නොරාඩ්හි පාලනාධිකාරියට ඇතිව තිබෙන්නේ මේ සිදුවීමෙන් පසුවය.
එදා සිට දෙසැම්බර් මස 25 වැනිදාට නොරාඩ් පාලක මධ්යස්ථානය නත්තල් සීයාගේ මෙහෙයුම් මැදිරියට බවට පත්වේ. එදා මෙන්ම අදත් එකසේ කුඩා දරුවන් නත්තල් සීයා ගැන විමසමින් දුරකථන ඇමතුම් ලබා දේ. ඒවාට පිළිතුරු දීමට ස්වේච්ඡාවෙන්ම ඉදිරිපත් වන සිවිල් වැසියන්ගේ කණ්ඩායමක්ද දැන් අලූතින් නත්තල් මෙහෙයුමට එක්ව සිටී.
නත්තල් සීයා කොහේ සිටින්නේදැයි දැනගැනීමට නොරාඩ් වෙබ් අඩවියට පිවිසීමෙන් දැනගත හැකිය.
වොෂින්ටන් අගනුවරට පැමිණ සිටින ඊශ්රායල අග්රාමාත්ය බෙන්ජමින් නෙදන්යාහු සහ ඇමෙරිකන් ජනාධිපති ජෝ බයිඩන් අතරේ හමුවක්, ධවල මන්දිරයේ දී පැවැත්විණි.
ඇමෙරිකා උප ජනාධිපතිනි කමලා හැරිස් සහ ඊශ්රායල අග්රාමාත්ය බෙන්ජමින් නෙදන්යාහු අතරේ හමුවක් පැවැත්වුණු අතර, එහිදී ඇමෙරිකන් උප ජනාධිපතිනිය, ඊශ්රායල
ඇමෙරිකන් ජනාධිපතිවරණය නොවැම්බර් පස් වැනිදා පැවැත්වෙන අතර ප්රතිවාදී රිපබ්ලිකන් පක්ෂයෙන් ඊට ඉදිරිපත් වන හිටපු ජනාධිපති ඩොනල්ඞ් ට්රම්ප් සහ වත්මන් උ
රාජකීය නිල සංචාරයක් සඳහා ග්රීන්ලන්තයට ගිය ඩෙන්මාර්කයේ මේරි කුමරිය විදුලි යතුරු පැදියක හැපීමෙන් අකරතැබ්බකට මුහුණ දුන්නාය. යතුරු පැදියේ හැපුණු 52 හැව
වසර පහක විරාමයකින් පසු ඉන්දියාවත් ලිපියාවත් අතර යලිත් වරක් රාජ්ය තාන්ත්රික සබඳතා ආරම්භ වී තිබේ. රාජ්ය තාන්ත්රික සබඳතා ආරම්භ වූයේ ඉන්දියාව, යළිත්
බටහිර අප්රිකාවේ වෙරළේ මොරිෂානියාවට ඔබ්බෙන් මුහුදේ දී අනවසර සංක්රමණිකයන් රැගත් බෝට්ටුවක් අනතුරට පත් විය. එයින් 15 දෙනෙකු මියගිය බවත්, 150 කට වැඩි පිරිස
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
ගුවන් ආරක්ෂකයෝ නත්තල් සීයාට අඳිති