IMG-LOGO

2025 නොවැම්බර් මස 29 වන සෙනසුරාදා


ඡන්ද දිනය තීන්දු කරන්න කොමිසම 20 වැනිදා රැස්වෙයි

(අජන්ත කුමාර අගලකඩ සහ දයාසීලි ලියනගේ)  

කොරෝනා වයිරසය හේතුවෙන් කල්දමා ඇති පාර්ලිමේන්තු මහ මැතිවරණය පැවැත්වෙන දිනය සම්බන්ධයෙන් තීන්දුවක් ගැනීම සඳහා මැතිවරණ කොමිෂන් සභාව ලබන 20 වැනිදා රැස්වීමට නියමිත බව වාර්තා වේ.  


මැතිවරණ කොමිෂන් සභාව එදිනට පෙර, රටේ පවතින තත්ත්වය සම්බන්ධයෙන් සෞඛ්‍ය අංශ බලධාරීන්ගේ නිර්දේශ ද ලබා ගැනෙනු ඇතැයි දැනගන්නට තිබේ.  

කල්දමා ඇති මැතිවරණය පැවැත්වෙන දිනය තීරණය කිරීම සම්බන්ධයෙන් ශ්‍රේ‍ෂ්ඨාධිකරණයෙන් විමසීමක් කරන ලෙස හා ව්‍යවස්ථාමය අර්බුදය සම්බන්ධයෙන් නීතිපතිවරයාගේ මතය විමසන ලෙස දන්වමින් මැතිවරණ කොමිෂන් සභාව ජනාධිපති ලේකම්වරයාට යැවූ ලිපි දෙකම ජනාධිපති ලේකම්වරයා විසින් එවන ලද පිළිතුරු ලිපිය සම්බන්ධයෙන් ද ලබන 20 වැනිදා පැවැත්වෙන රැස්වීමේ දී සාකච්ඡා කිරීමට නියමිත බව පැවසේ.  


මැතිවරණය පැවැත්වෙන දිනය කල්දමමින්, මැතිවරණ කොමිෂම විසින් පාර්ලිමේන්තු මැතිවරණ පනතේ 24 ජේදය ප්‍රකාරව ඉකුත් මාර්තු මස 21 වැනිදා නිකුත් කරන ලද ගැසට් නිවේදනයට අනුව, මැතිවරණය පැවැත්වෙන දිනය තීරණය කිරීමට කොමිසම බැඳි සිටින බවත්, ඒ පිළිබඳව ශ්‍රේ‍ෂ්ඨාධිකරණයෙන් විමසීමේ අවශ්‍යතාවක් නැති බවත් ජනාධිපති ලේකම්වරයා සිය ලිපියෙන් දැනුම් දී තිබිණි.  පාර්ලිමේන්තු මහ මැතිවරණය ලබන 25 වැනිදා පැවැත්වීමට නියමිතව තිබුණත් එය කල්දමනු ලැබූවේ රට තුළ ව්‍යාප්ත වෙමින් තිබෙන කොරෝනා වසංගත තත්ත්වය හේතුවෙනි.  


ඡන්ද විමසීම අප්‍රේල් 25 වැනිදා කළ නොහැකි බවත්, අප්‍රේල් 30 වැනිදා සිට දින 14කට පසු එළඹෙන දිනයක් ඡන්ද විමසන දිනය ලෙස නම් කරන බවත්, මැතිවරණ කොමිෂන් සභාව ඡන්දය පැවැත්වෙන දිනය කල් තබමින් නිකුත් කළ ගැසට් නිවේදනය සඳහන් කර තිබිණි.  


ඒ අනුව ඡන්දය පැවැත්වෙන දිනය, අප්‍රේල් මස 25 වැනිදාට පෙර ප්‍රකාශයට පත්කිරීමේ වගකීම මැතිවරණ කොමිෂන් සභාවට පැවරී ඇති බැවින්, කොමිෂන් සභාව 20 වැනිදා රැස්වී ඒ සම්බන්ධයෙන් සාකච්ඡා කර තීරණයක් ගැනෙනු ඇති බව වාර්තා වේ.  



අදහස් (0)

ඡන්ද දිනය තීන්දු කරන්න කොමිසම 20 වැනිදා රැස්වෙයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 191 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 255 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1147 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site