2023 පෙබරවාරි මස 04 වන සෙනසුරාදා
(දසුන් රාජපක්ෂ)
ශ්‍රී ලංකාවේ ප්‍රථම වතාවට මෙම වර්ෂයේ පෙබරවාරි 20 වැනි දා සහශ්‍රය සැමරීම සඳහා විශේෂ මුද්දරයක් නිකුත් කිරීමට තැපැල් දෙපාර්තමේන්තුව තීරණය කර ඇතැයි නියෝජ්‍ය තැපැල්පති මෙහෙයුම් රාජිත රණසිංහ මහතා අද (18) පැවසීය.
සහශ්‍රය සැමරීමේ මුද්දරය අගමැති මහින්ද රාජපක්ෂ මහතාට තැපැල් දෙපාර්තමේන්තු මූලස්ථානයේ දී හෙට (20) නිල වශයෙන් පිරිනැමෙන බව ද රාජිත රණසිංහ මහතා සඳහන් කළේය.
රුපියල් 35 ක වටිනාකමකින් යුත් නේපාලයේ සහ ශ්‍රී ලංකාවේ රූපයන් ඇතුළත් මෙම මුද්දර හෙට දින සිට දිවයිනේ සියලු තැපැල් කාර්යාල සහ උප තැපැල් කාර්යාලවලින් ලබාගත හැකි බවද රණසිංහ මහතා කියා සිටියේය.
අනිද්දා (20) සිට 23 වැනිදා දක්වා කොළඹ ඩී ආර් විජයවර්ධන මාවතේ පිහිටි තැපැල් දෙපාර්තමේන්තු මුද්දර කාර්යාංශයේ දී විශේෂ මුද්දර දැක්මක් සංවිධානය කර ඇති බවද ඒ මහතා කීය.
නියෝජ්‍ය තැපැල්පතිවරයා මෙම අදහස් ප්‍රකාශ කර සිටියේ රජයේ ප්‍රවෘත්ති දෙපාර්තමේන්තුවේ අද (18) පැවැති මාධ්‍ය හමුවකදීය.
