chandima Monday, 02 March 2020 07:09 PM

වී අලෙවි මණ්ඩලය ණය අරන් තියෙන්නේ අනිත් අමාත්‍යංශ මණ්ඩල වල වගේ ලොක්කන්ට යානවාහන ගන්න වත් රට සවාරි යන්නවත් නොවෙයි, ගොවීන්ගෙන් වී මිලදී ගන්න. ඇත්තම කියනවනම් මේ මුදල අපේ ගොවින් ආරක්ෂා කිරීමට රජයෙන් යෙදවූ මුදලක් හා සමානයි. එමගින් වීමෝල් හිමියන් ඉතා අඩු මුදලකට ගොවීන්ගෙන් වී මිලදී ගැනීම තරමක් හෝ වළකින්නට ඇති. වරද ඇත්තේ ඒ සහනාධාරය ගොවින් අතටම නොයාමයි. ජපානයේ වී වගාව ආරක්ෂා කරගැනීමට රජයෙන් විශාල මුදලක් යොදවනවා. ගොවීන්ගෙන් වී මිලදී ගන්නේ වෙළඳපොලේ මිලට වඩා ඉතා ඉහල මිලකට. ඒ ගොවීන්ගේ අදායම රටේ සාමාන්‍ය ඒකපුද්ගල හා සමානව තබාගැනීමට. නොඑසේනම් ගොවින් ගොවිතැන අත්හැර දමා වෙනත් වැඩි වැටුප් සහිත රැකියා වලට යන නිසා. වෙන එකක් තබා ඇමෙරිකාව කොපමණ අඩුමිල සහල් අපනයනය කලත් ජපානයේ වී ගොවිතැන පවත්වාගෙන යන්නේ මේ ක්‍රමයෙන්. අපේ රටෙත් එවැනි ක්‍රමයක් ඇති නොකලොත් නුදුරු දිනයක රට කාර්මික රටක් වීමේදී ගොවින් ගොවිතැන අත්හරිනු නියතයි.