(රංජිත්රාජපක්ෂ)                       

කොරෝනා පැතිර යාමේ අවදානමත් සමඟ සෞඛ්‍ය අංශ සහ ආරක්ෂක අංශ නිකුත් කර ඇති උපදෙස් උල්ලංඝනය කරමින් වටවල ටෙම්පල්ස්ට්‍රෝ ජන පදයේ ප්‍රජා ශාලාවේ පැවති රැස්විමක් විසුරුවා හැරිමට අඹගමුව ප්‍රාදේශිය සභාවේ සභාපති ජයසංඛ පෙරේරා මහතා සහ වටවල පොලිසියේ නිලධාරින් (11) දින පස්වරුවේ කටයුතු කළහ.
 
වටවල මවුන්ජින් ප්‍රදේශයේ මැණික් ඉල්ලම් සහිත ඉඩමක නිත්‍යනුකුලව මැණික් ගැරිම සදහා වටවල ප්‍රදේශයේ ප්‍රදේශවාසින් එක්ව  පිහිටුවාගත් සමිතියකට ගිනිගත්හේන ගොවිජනසේවා මධ්‍යස්ථානය මගින් ලබා ගැනිමට එම රැස්විම (11) දින පස්වරුවේ කැදවා තිබුණි.
 
ගිනිගත්හේන ගොවිජන සේවා මධ්‍යස්ථානයේ ගොවිජන සංවර්ධන නිලධාරිවරයාගේ ප්‍රධානත්වයෙන් පැවැත් වු එම රැස්විම සදහා වටවල මහජන සෞඛ්‍යය පරික්ෂකවරයාගේද අවසරය ලබාගෙන තිබුණද එම අවසරයේ අනුමත ප්‍රමාණයට වඩා නිසි සෞඛ්‍යය ආරක්ෂිත ක්‍රමවේද නොපිලිපදිමින් අදාල රැස්විම පැවැත් වු නිසා එම රැස්විම විසුරුවා හැරිමට තමන් පොලිසිය සමඟ එක් ව කටයුතු කළ බව  අඹගමුව ප්‍රාදේශිය සභාවේ සභාපති ජයසංඛ පෙරේරා මහතා  පැවසීය.
 
එම රැස්විම සංවිධානය කළ වටවල ටෙම්පල්ස්ට්‍රෝ ජනපදයේ ප්‍රදේශවාසින් චෝදනා කර සිටියේ තමන් සෞඛ්‍යය උපදෙස් පිළිපදිමින් රැස්විම පැවැත් වු බවත්, අඹගමුව ප්‍රාදේශිය සභාවේ සභාපතිවරයා මවුන්ජින් ප්‍රදේශයේ වතු කම්කරුවන් විශාල පිරිසක් සමග පැමිණ තම රැස්විම විසුරුවා හැරිමට කටයුතු කළ බවත්ය.
 
රැස්විම විසුරුවා හැරිමේදි දෙපාර්ශවය අතර දැඩි උණුසුම් තත්ත්වයක්ද ඇති විය.