IMG-LOGO

2025 නොවැම්බර් මස 30 වන ඉරිදා


තිස්සේ තවත් රක්ෂිතයක් එළි කර හෝටලයක් හදලා

(අමිල සම්පත් ශ්‍රී)

තිස්සමහාරාම ජුල්පල්ලම ග්‍රාමසේවා වසමට අයත් වනසංරක්ෂණ ප්‍රදේශයක මහා පරිමාණයෙන් කැලෑව එළිපෙහෙළි කොට නිවාඩු නිකේතනයක් හා කොඩිගහ වැවට ජලය සැපයෙන ආර හරස් කොට බැකෝ යන්ත්‍ර යොදා  අක්කර කාල පමණ භූමියක වැවක් ඉදි කර ඇතැයි ප්‍රදේශවාසීහු පවසති.

ප්‍රදේශයේ ගොවීන් බියවද්දා පොලිසියේ උසස් නිලධාරීන්ගේ සහ ලුණුගම්වෙහෙර වන සංරක්ෂණ නිලධාරීන්ගේ සහාය ඇතිව බලහත්කාරයෙන් මෙම කටයුතු සිදුකරන බවට ප්‍රදේශවාසීහු චෝදනා කරයි.

අංක 18 34 /14 ගැසට් පත්‍රය අනුව කඳුළුගලකන්ද, කුරුකූඹියා කන්ද,සාම කුලිය, බෙරලිහෙල කන්ද යන ප්‍රදේශවලට මායිම්ව විශාල ඝන කැලෑ ප්‍රදේශයක් ලෙස 2013 වසරේ නොවැම්බර් 15 වන දින ගැසට් කරන ලද මෙම සාම කුලිය රක්ෂිතය මේ වන විට ඉඩම් ජාවාරම්කරුවන්ගේ තෝතැන්නක් බවට පත්ව

බුරුත, කොහොඹ, අගිල් සහ ටර්පන්ටයින් වැනි ඉහළ වටිනාකමක් ඇති විශාල ගස් මෙම ඝණ කැලෑවේ දකින්නට ඇත.

මෙම පුද්ගලයා අක්කර 15ක පමණ ප්‍රදේශයක් එළිපෙහෙළි කොට එවැනි ඉහළ වටිනාකමක් ඇති ගස් කපා අනවසර ඉදිකිරීම් සිදුකර ඇති අයුරු එහි කළ සංචාරයකදි අපට දැක ගත හැකි විය. 

මෙම භූමියේ තැනින් තැන ගොඩගසා තිබෙන ආකාරය දැක ගැනීමට හැකිය. මීට අමතරව උගුලා දැමිය නොහැකි මයිල සහ විශාල කටුතොල්ලන් ගස් තැනින් තැන ගිනි තබා ඇති ආකාරය ද ඒවා ගිනි ගනිමින් විනාශ වන ආකාරය අප එහි යන විටත් දැක ගැනීමට හැකි වීය.

මෙලෙස හෙළිපෙහෙළි කළ විශාල ඉඩමේ එක් පසෙක කාමර කීපයකින් සමන්විත නිවාඩු නිකේතනයක් ඉදිවන අතර එම නිවාඩු නිකේතනය ඉදිරිපිට අඩි පහළොවක් පමණ ගැඹුරට හාරා විශාල වේල්ලක් ඉදි කොට වැවක් සාදා තිබෙන ආකාරයත් දැකගැනීමට හැකිවීය.

මෙලෙස කොඩිගහයට ජලය සැපයෙන්නේ මාර්ග සියල්ල අවහිර වීම හේතුවෙන් මේ වනවිට කොඩිගහ වැවේ ඉතා සුළු භූමි ප්‍රමාණයක පමණක් ජලය රැඳී ඇති ආකාරය දැක ගැනීමට හැකිය .ගොවි පවුල් දෙසීයකට වැඩි ප්‍රමාණයක වී වගාව සිදු කරන අතර මේ හේතුවෙන් එම ගොවීන් පත්ව ඇත්තේ ද දැඩි අසීරුතාවකට පත්ව ඇත .



අදහස් (2)

තිස්සේ තවත් රක්ෂිතයක් එළි කර හෝටලයක් හදලා

ලුම්බිණි Wednesday, 20 October 2021 03:12 PM

ඔය තියෙන්නේ අපට ඉන්න රටක්.

:       0       15

ජනතාව Wednesday, 20 October 2021 10:55 PM

‘හොරු සමග නිරුවතෙන්’ කියන නාට්‍යය අපි බලමින් ඉන්නවා කියල හිතෙනවා. තම ප්‍රදේශයේ සම්පත් රැකගැනීම ජනතාව නොකලොත් මෙවැනි හොරු තමන්ට ඉන්න හිටින්න තැනක්වත් තියන එකක් නැහැ වගෙයි.

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 209 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 266 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1171 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site