IMG-LOGO

ගමනාගමන සේවකයෝ ජනපතිගෙන් ප්‍රසාද දීමනාව ඉල්ලති

(බිඟුන් මේනක ගමගේ)

 
ප්‍රසාද දීමනා හා දරුවන්ට පාසල් උපකරණ ගැනීම වෙනුවෙන් රුපියල් 25,000 මුදලක් ලංකා ගමනාගමන මණ්ඩල සේවකයන්ට ලබාදෙන්නැයි ඉල්ලමින් සමස්ත ලංකා ප්‍රවාහන සේවක සංගමය ජනාධිපතිවරයාට ලිපියක් යොමු කර ඇත.
 
රුපියල් බිලියන 2.1ක මෙහෙයුම් ලාභයක් ශ්‍රී ලංගමය ලබාගත් බව ප්‍රවාහන බලධාරීන් මාධ්‍යට ප්‍රකාශ කර ඇතැයි ද රුපියල් 10 000 ක ප්‍රසාද දීමනාවක් දෙන බවට ප්‍රවාහන ඇමැතිවරයා පොරොන්දු වී යැයි ද එහි කැඳවුම්කරු සේපාල ලියනගේ මහතා පවසයි.
 
රුපියල් බිලියන 2.1ක මෙහෙයුම් ලාභයක් ශ්‍රීලංගමයට ලබාගැනීමට හැකිවුණේ සේවකයින්ගේ ඉමහත් කැපකිරීම නිසා යැයි ද එමනිසා සේවකයන් දැඩි ආර්ථික පීඩනයකට මුහුණ දී ඇති මොහොතක ප්‍රසාද දීමනාවක් දීම අසාධාරණ නොවන්නේ යැයි ද සමස්ත ලංකා ප්‍රවාහන සේවක සංගමය පවසයි. 
 
ශ්‍රී ලංගම සේවකයින්ට 2018 වර්ෂය සඳහා රුපියල් දස දහසක ප්‍රසාද දීමනා මුදලක් ලබාදීමටත් 2010 සිට බැංකු ගතකිරීම පැහැර හැර ඇති සියලූම අර්ථසාධක අරමුදල් ද බැංකුගත කිරීමටත් මැදිහත් වන ලෙස ඉල්ලා පසුගිය මැයි මාසයේදී ජනාධිපතිවරයාගෙන් ලිඛිත ඉල්ලීමක් කළේ යැයි ද එම ලිපියේ සඳහන් වේ.  
 
ඒ අනුව සේවකයින්ගේ දරුවන්ට පාසල් උපකරණ ගැනීම සඳහා රුපියල් 10 000.00 ක මුදලක් වැටුපෙන් අයකර ගැනීමේ පදනම මත ලබාදී රුපියල් 15 000.00 ක් ප්‍රසාද දීමනා වශයෙන් ලබාදීමට මැදිහත්වන්නැයි ජනාධිපතිවරයාගෙන් ඉල්ලා සිටින්නේ යැයි ද එම ලිපියේ වැඩිදුරටත් සඳහන් වේ.
 
එම ලිපියේ පිටපත් ප්‍රවාහන අමාත්‍යංශ ලේකම්වරයාට හා ශ්‍රීලංගම සභාපතිවරයාට යොමු කර ඇත.
 



අදහස් (4)

ගමනාගමන සේවකයෝ ජනපතිගෙන් ප්‍රසාද දීමනාව ඉල්ලති

menna Tuesday, 11 December 2018 12:00 PM

ප්‍රසාද දීමනාත් දෙන්න, හොඳ බසුත් ගන්න. හැමදාම බසුයි කෝච්චියි ගේන්නේ ඉන්දියාවෙන්. ඒවායේ ගියාට පස්සේ හොඳ පණ ගීහිල්ලා.

:       0       0

wssantha Tuesday, 11 December 2018 12:48 PM

25000ක් නෙමෙයි, රපියල් 50000ක් දෙන්න වටිනවා.

:       0       0

prasad Tuesday, 11 December 2018 09:45 PM

මිනිසුන්ට ජිවන බර උහුලන්න අමාරුයි. මහන්සි වෙලා වැඩ කරලා ඔවුන් මේ මුදල් ඉල්ලන්නේ ආර්ථික අපහසුතා නිසානේ. මේක දුන්නම එන වසරේ තව මහන්සි වෙයි.

:       0       1

Chanak los angeles Tuesday, 11 December 2018 11:17 PM

එදා ඔහුගේ මැතිවරණයට බස්රට අරගෙන නොගෙවා ලංගමයට වංචා කර තිබෙන මිලියන ගණන අරගෙන ඔය සේවකයන්ට ගෙවන්න පුළුවන් නේද ? ඒ නඩුවට වුණ දෙයක් නැහැ ? ඔය වගේ රජයේ දේපොළ අවභාවිත කරපු නායකයන් නේද රටේ පාලනයට නැවත ගෙනෙන්න වලිකන්නේ ? ලැජ්ජයි ලැජ්ජයි

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 64 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 274 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site