එසැණ පුවත්

ඇමෙරිකාවේ සම්මානලාභී නාට්‍ය රචක ටෙරන්ස් වයිරසයෙන් මියයයි

සම්මානලාභී අඇමෙරිකානු නාට්‍ය රචක ටෙරන්ස් මැක්නලී මහතා කොරෝනා වයිරසයෙන් ඇතිවූ සංකූලතා හේතුවෙන් මරණයට පත්වී තිබේ.

25 March 2020

බදුල්ලේ රාජ්‍ය සේවකයන්ට සහනයක්

ඇදිරිනීතිය පැවතියද අත්‍යාවශ්‍ය රාජකාරි කරන රජයේ නිලධාරින් සදහා අද (25)බදුල්ල සතොස වෙළදසැළ විවෘත පවතී .

25 March 2020

ආරක්ෂිත සිරුරු ආවරණ තොගයක් රේගුවෙන් අයි.ඩී.එච්.රෝහලට

රුපියල් ලක්ෂ 05 ක් පමණ වටිනා ආරක්ෂිත සිරුරු ආවරණ තොගයක් අයි.ඩී.එච්.වසංගත රෝග රෝහල වෙත අද 25 උදෑසන පරිත්‍යාග කෙරිණි.

25 March 2020

දාන මාන-අග හිඟකම් ඇති විහාරස්ථාන ඇත්නම් දැනුම්දෙන්න

කොරෝනා වයිරසය හේතුවෙන් රට පුරා ඇතිව තිබෙන තත්වය හමුවේ, දාන මාන ප්‍රත්‍ය පහසුකම් නොමැති, අග හිඟකම් ඇති විහාරස්ථාන ඇත්නම් ඒ සම්බන්ධ තොරතුරු ප්‍රාදේශීය සාසනාරක්ෂක මණ්ඩල ගරු ලේඛකාධිකාරී ස්වාමීන් වහන්සේලා මගින් දැනුම් දෙන්නැයි සමස්ත ලංකා සාසනාරක්ෂක මණ්ඩලයේ ප්‍රධාන ලේඛකාධිකාරී ගෝනදූවේ ගුණානන්ද හිමියෝ දන්වා සිටිති.

25 March 2020

යාපනයේ තාවඩි ගම්මුන්ට නිවාසවලින් පිටතට යාම තහනම්

යාපනය, උඩුවිල් ප්‍රාදේශිය ලේකම් කොට්ඨාසයේ තාවඩි ගම්මානයේ ජනතාවට නැවත දැනුම් දෙනතුරු එම ගම්මානයෙන් පිටතටයාම හෝ නිවාසවලින් පිටතටයාම තහනම් කර ඇතැයි යාපනය දිස්ත්‍රික් ලේකම් කාර්යාලය පවසයි.

25 March 2020

ධීවරයෝ සුපුරුදු රාජකාරීවල

ඇඳිරි නීතීය ක්‍රියාත්මක කරන කාලය තුළ මාළු ප්‍රවාහනයට සහ ධීවර කටයුතු කරගෙන යෑමට රජයෙන් ඊයේ(24) අවසර ලබාදීමෙන් පසුව තංගල්ල සහ කුඩාවැල්ල ධීවර වරායවල ධීවරයන් අද දින සිය දෛනික කටයුතු ආරම්භ කර ඇති ආකාරය දක්නට හැකිවිය.

25 March 2020

කන්දකාඩු-පුනානි නිරෝධායනය වු 219 නිවෙස් බලා යති

පුනානි සහ කන්දකාඩු නිරෝධායන මධ්‍යස්ථානවල දින 14ක කාලයක් පුරා නිරෝධායනය වු තවත් 219 ක පිරිසක් අද (25) පෙරවරුවේ සිය නිවෙස් බලා පිටත් වු බව හමුදාව පවසයි.

25 March 2020

කළුතර කොරෝනා ආසාදිතයින් 13න් 7ක්ම බේරුවලින්

බේරුවල සෞඛ්‍ය වෛද්‍ය නිලධාරී කොට්ඨාසයේ පුද්ගලයන් 135 දෙනෙකු නිරෝධායන කටයුතු සම්පූර්ණ කර ඇති අතර ස්වයං නිරෝධායන කටයුතුවල පුද්ගලයන් 206 දෙනෙකු යොමුකර ඇති බවත් කොරෝනා ආසාදිත තත්ත්වයෙන් හඳුනාගත් රෝගීන් 7 දෙනෙකු රෝහල් ගත කර ඇතැයිද අද (25) බේරුවල සෞඛ්‍ය වෛද්‍ය නිලධාරි වෛද්‍ය වරුණ සෙනෙවිරත්න මහතා සඳහන් කරයි .

25 March 2020

ඉන්දියාවේ කොරෝනා මරණ සංඛ්‍යාව 10 වෙයි

කොරෝනා වයිරසය ආසාදනයෙන් ඉන්දියාවේ සිදුවූ 10 වැනි මරණය අද උදෑසන වාර්තා විය.

25 March 2020

දඹුල්ලේ ගොවීන්ට-මාධ්‍යවේදීන්ට-පොලිසියට මුඛ ආවරණ පරිත්‍යාගයක්

දඹුල්ල ආර්ථික මධ්‍යස්ථානයට පැමිණෙන ගොවීන්ට පොලිස් නිලධාරීන්ට සහ මාධ්‍යවේදීන්ට මුඛ ආවරණ ලබාදීමේ වැඩසටහනක් රංගිරි ඇක්වා නායකත්ව ආකල්ප සංවර්ධන හා ධාරිතා සංවර්ධන පුහුණු මධ්‍යස්ථානය හා නිෂු ඇපරල් ආයතනයේ අනුග්‍රහයෙන් ක්‍රියාත්මක කර තිබිණි.

25 March 2020

නිරෝධායනයට ලක්වු පිරිසක් ඇරලවා එමින් සිටි බස් රියක් අනතුරකට

කන්දකාඩු නිරෝධායන මධ්‍යයස්ථානයේ නිරෝධානයට ලක් වූ පිරිසක් අධිවේගී මාර්ගය ඔස්සේ කොළඹ බලා පැමිණෙමින් සිටි යුද හමුදාවට අයත් බස් රථයක් අනතුරට ලක්විමෙන් තිදෙනකු තුවාල ලබා හොරණ මුලික රෝහලට ඇතුළත් කල බව පොලිසිය පවසයි.

25 March 2020

වැලිගම ප්‍රාදේශීය ලේකම් කාර්යාලයෙන් සහන මිලට එළවළු

වැලිගම ප්‍රාදේශීය ලේකම් කොට්ඨාසයේ ජනතාවට අවශ්‍ය එළවළු සහන මිලට ලබාදිමට වැලිගම ප්‍රාදේශීය ලේකම් කාර්යාලය මගින් රුපියල් ලක්ෂ 12ක් වෙන්කල බව වැලිගම ප්‍රාදේශිය ලේකම් සුමිත් ශාන්ත මහතා පවසයි.

25 March 2020

කල්මුණේ සතොස ශාඛා 13 ක් වහයි

නැගෙනහිර පළාතේ කල්මුණේ ආශ්‍රීත ප්‍රදේශවල ස්ථාපිත කර ඇති ලක් සතොස අලෙවිසැල් 13 ක් වසා දමා තිබීමෙන් ජනතාව දැඩි අසීරුතාවට පත්ව ඇතැයි සමස්ත ලංකා රජයේ පොදු සේවක සංගමය කියයි.

25 March 2020

කොරෝනා මඬින්න බලපිටිය ප්‍රා.සභාවෙන් ලක්ෂ 50 ක්

දැනට උද්ගතවී තිබෙන කොරෝනා උවඳුර සිය බල ප්‍රදේශයේ ව්‍යාප්තිය මර්ධනය කිරීමේ අරමුණින් රුපියල් ලක්ෂ 50ක් වෙන්කළ බව බලපිටිය ප්‍රාදේශීය සභාපති එන් .සමන් ද සිල්වා මහතා අද (25) පැවසීය.

25 March 2020

බෙන්තොට - බලපිටියේ පුද්ගලයින් 336 ක් නිරෝධායනයේ

බෙන්තොට සහ බලපිටිය ප්‍රාදේශීය ලේකම් කොට්ඨාස දෙකෙහි පුද්ගලයන් 336 දෙනෙකු මේ වනවිට සිය නිවෙස් තුළ ස්වයං නිරෝධායනය සඳහා යොමු කර ඇති බව ඉඳුරුව පරිපාලන මහජන සෞඛ්‍ය පරීක්ෂක නිහාල් රනසූරිය මහතා පවසයි.

25 March 2020

ගාල්ලේ පුද්ගලයින් 845 ක් ස්වයංනිරෝධායනයට

ගාල්ල දිස්ත්‍රික්කය තුළ මේ වනවිට පුද්ගලයින් 845 දෙනෙකු ස්වයං නිරෝධනයට ලක්වෙමින් සිටින බැව් ගාල්ල දිස්ත්‍රික් සෞඛ්‍ය අංශ පෙන්වා දෙයි.

25 March 2020

වීරකැටියේදී වෙඩි වැදුණු පුද්ගලයා මරුට

වීරකැටිය වෑකඳවල ප්‍රදේශයේදී සිදු වූ වෙඩි තැබිමකින් බරපතල තුවාල පුද්ගලයා රෝහලට ඇතුළත් කිරිමෙන් පසු මියගොස් ඇතැයි වීරකැටිය පොලිසිය පවසයි.

25 March 2020

කොරෝනා ආසාදිත ශ්‍රී ලාංකිකයෙක් ඉතාලියේදී මිය යයි

කොවිඩ් නයින්ටීන් හෙවත් නව කෙරෝනා වෛරසය ආසාදනය වීමෙන් ඉතාලියේ වෙසෙන ශ්‍රී ලාංකිකයෙකු ජීවිතක්ෂයට පත්ව ඇතැයි ඉතාලියේ තානාපති ආරංචි මාර්ග සඳහන් කර සිටී.

25 March 2020

වීරකැටියේදී වෙඩි තැබීමකින් පුද්ගලයෙකු රෝහලේ

වීරකැටිය පොලිස් වසමේ ගෝනදෙනිය කෙමෙගල ප්‍රදේශයේ දී අද(24) මීට සුළු වේලාවකට පෙර පුද්ගලයෙකුට වෙඩි තබා ඇතැයි වීරකැටිය පොලීසිය පවසයි.

24 March 2020

’හන්ටා’ වයිරසයෙන් චීනයේ පුද්ගලයෙක් මරුට

කොරෝනා වයිරසය ගෝලීය වසංගතයක් බවට පත්ව තිබියදී, හන්ටා නමැති වයිරසයක් ආසාදනය වීමෙන් චීනයේ යුනාන් පළාතේ පුද්ගලයෙකු මියගොස් තිබේ.

24 March 2020

වැලිගම ප්‍රාදේශීය සභාවෙන් ලක්ෂ 120ක්

වැලිගම ප්‍රාදේශීය සභා බල ප්‍රදේශයේ සියලුම පුරවැසියන්ට සහන සැලසීම සදහා වැලිගම ප්‍රාදේශීය සභාවේ අරමුදල මගින් ලක්ෂ එකසිය විස්සක මුදලක් වෙන්කල බව වැලිගම ප්‍රාදේශීය සභාවේ සභාපති පුෂ්පකුමාර බැටිටගේ මහතා පවසයි .

24 March 2020

හම්බන්තොට 611ක් ස්වයං-නිරෝධනයේ

හම්බන්තොට දිස්ත්‍රික්කය තුළ මෙතෙක් කිසිදු කොරෝනා තත්වයේ රෝගියෙකු හමුවී නොමැති බවත් එහෙත් ස්වයං-නිරෝධයේ යෙදෙන්නට 611 දෙනෙකු අද(24) සවස් වන විට යොමුකර ඇති බවත් හම්බන්තොට දිස්ත්‍රික් සෞඛ්‍ය සේවා අධ්‍යක්ෂිකා වෛද්‍ය දීපිකා පටබැදිගේ මහත්මිය පැවසුවාය.

24 March 2020

ඉන්දියාව අද මැදියම් රැයේ සිට සම්පූර්ණයෙන් වසාදමයි

ඉන්දියාව ද ‘ටෝටල් ලොක්ඩවුන්’ හෙවත් රට සම්පූර්ණයෙන් වසා දැමීමේ ක්‍රියාමාර්ගය අනුගමනය කරන බව එරට අග්‍රාමාත්‍ය නරේන්ද්‍ර මෝදි මහතා අද (24) ප්‍රකාශ කළේය.

24 March 2020

තායිලන්තය හදිසි තත්ත්වයක් ප්‍රකාශ කරයි

කොරෝනා වයිරසය මැඩපැවැත්වීම සඳහා තායිලන්තයේ මාසයක කාලයක් සඳහා හදිසි තත්ත්වයක් ක්‍රියාත්මක කිරීමට තීරණය කර තිබේ.

24 March 2020

යුද ගැටුම් නවතාලන්නැයි එක්සත් ජාතීන්ගේ මහලේකම් ඉල්ලයි

ලොවපුරා තිබෙන යුද ගැටුම් නවතා දමන්නැයි ද සටන් විරාම ප්‍රකාශයට පත් කර යුද ගැටුම් තිබෙන ප්‍රදේශවල සිටින ජනතාව ආරක්ෂා කරන්නැයි ද එක්සත් ජාතීන්ගේ මහ ලේකම් ඇන්ටෝනියෝ ගුටරෙස් ලෝක ප්‍රජාවගෙන් ඉල්ලා සිටියේය.

24 March 2020

කොරෝනා ආසාදිතයින්ගේ සංඛ්‍යාව 102 දක්වා ඉහළට

ශ්‍රී ලංකාවෙන් සොයාගත් කොරෝනා ආසාදිත පුද්ගලයින්ගේ සංඛ්‍යාව 102 දක්වා ඉහළ ගොස් ඇතැයි සෞඛ්‍ය අමාත්‍යංශය නිවේදනය කරයි.

24 March 2020

ලංකාවට එන්න බැරිව ලාංකික වෛද්‍ය සිසුහු 100 ක් නේපාලයේ හිර වෙති

කොරෝනා වයිරසයේ ව්‍යාප්තිය හේතුවෙන් නේපාලයේ පොක්කාරා හි පිහිටි මනිපායි වෛද්‍ය පීඨයේ අධ්‍යයන කටයුතු තාවකාලිකව නවතා දැමීම නිසා එම වෛද්‍ය පීඨයේ ඉගෙනුම ලබන ලාංකික සිසුන් 88 දෙනෙකු සහ කත්මන්ඩු වෛද්‍ය පීඨයේ ඉගෙනුම ලබන තවත් සිසුන් පිරිසක් ඇතුළු 100 කට ආසන්න සංඛ්‍යාවක් දිවයිනට පැමීණීමට නොහැකිව සිටින බව ලංකාදීපයට අද (24) වාර්තා විණි.

24 March 2020

හවායි දුපත්වලට එන අය නිරෝධායනයට

ඇමෙරිකාවේ හවායි ප්‍රාන්තයට පැමිණෙන සියලු පුද්ගලයින් දින 14 ක කාලයක් නිරෝධායනයට ලක් කිරීමට තීරණය කර ඇත.

24 March 2020