IMG-LOGO

2025 ජුලි මස 05 වන සෙනසුරාදා


“මැතිවරණය දිනන්න නම් සජිත් එජාපයේ නායකයා කරන්න ඕනෑ”

(නිමල කොඩිතුවක්කු)
 
ඉදිරි මැතිවරණ ජයග‍්‍රහණය කිරීම සඳහා එක්සත් ජාතික පක්ෂයට සහ  පාක්ෂිකයන්ට ආදරය කරන සජිත් පේ‍්‍රමදාස මහතා වහාම පක්ෂ නායකත්වයට පත් කළ යුතුව ඇතැයි එක්සත් ජාතික පාක්ෂිකයින් සුරැකීමේ ජාතික සංවිධානයේ   ජාතික සංවිධායක රංජිත් ශාන්ත කහවල මහතා පැවැසීය.
 
පක්ෂයේ සහ පාක්ෂිකයන්ගේ බහුතරයට කන් දෙමින් රනිල් වික‍්‍රමසිංහ මහතා පක්ෂ නායකත්වයෙන් ඉවත්ව සජිත් පේ‍්‍රමදාස මහතාට මෙම අවස්ථාව ලබාදිය යුතුව ඇතැයිද ඔහු  සඳහන් කළේය.
 
ඇතුල්කෝට්ටේ එක්සත් ජාතික පාක්ෂිකයින් සුරැකීමේ ජාතික සංවිධානයේ   කාර්යාලයේ අද(19) පැවති මාධ්‍ය හමුවකට එක්වෙමින්  ඔහු මේ බව පැවැසීය.
 
එහිදී වැඩිදුරටත් අදහස් දැක්වූ කහවල මහතා මෙසේද කීය.
 
 ‘‘පාක්ෂිකයන් ආරක්ෂා කරමින්  පක්ෂයට ආදරය කරන නායකයෙකු පත්කරගැනීම අපේ අරමුණයි. ඒ අනුව  පක්ෂ නායකත්වයෙන් ඉවත්ව  සජිත් පේ‍්‍රමදාස මහතාට එම අවස්තාව ලබා දෙන ලෙසට අපි රනිල් වික‍්‍රමසිංහ මහතාගෙන් ඉල්ලා සිටිනවා. රනිල් වික‍්‍රමසිංහ මහතා ප‍්‍රජාතන්ත‍්‍රවාදයට ගරු කරමින් අගමැතිකම පරිත්‍යාග කලා වගේ පක්ෂ නායක කමත් සජිත් පේ‍්‍රමදාස මහතාට ලබා දීමට කටයුතු කළ යුතුයි.
 
රනිල් වික‍්‍රමසිංහ මහතා දිගින් දිගටම සජිත් පේ‍්‍රමදාස මහතාට නායකත්වය ලබාදීම ප‍්‍රතික්ෂේප කරමින් සිටිනවා. නායකතුමන් ඇතුළු ඇතැම් පිරිස් සිතා සිටිනවා එක්සත් ජාතික පක්ෂය ඒ අයගේ පවුලේ බූදලයක් කියලා.
 
නායකත්වය ගැන සාකච්ඡා කරන්න 9 වැනිදා රැස්වෙලා 16 වැනිදාට කල් දානවා. 16 වැනිදාට යළිත් කල් දානවා. මේ නායකත්වය සජිත් පේ‍්‍රමදාස මහතාට ලබාදීම ප‍්‍රමාද කිරීම ගැන එක්සත් ජාතික පාක්ෂිකයින් සුරැකීමේ ජාතික සංවිධානය විදියට අපිට තවත් බලා සිටින්න බැහැ. සජිත් පේ‍්‍රමදාස මහතාට  නායකත්වය දෙනතෙක් අපි  ගම් මට්ටමින්, ආසන මට්ටමින්, දිස්ත‍්‍රික් මට්ටමින් මේ සටන මෙහෙයවනවා.

ජනාධිපතිවරණයේදී සජිත් පේ‍්‍රමදාස මහතාට තිබූ ජයග‍්‍රහණය කමිටු දදා කල් දමා රනිල් වික‍්‍රමසිංහ මහතා වැළැක්වුවා. මේ නිසා එතුමන්ට අවශ්‍ය සංවිධාන කටයුතු කරන්න ප‍්‍රමාද වුණා.
 
ජනාධිපතිවරණය ප‍්‍රකාශයට පත්කළාට පස්සෙත් ජනාධිපතිවරණයෙන් පස්සේ  තවදුරටත් අගමැති ඔහුයි කියලා  රනිල් වික‍්‍රමසිංහ මහතා ප‍්‍රකාශ කළා.  ඒ වගේම සජිත් පේ‍්‍රමදාස මහතා හිතවත් නොතිබූ එම්. සී. සී. ගිවිසුම  අත්සන් කරන බව පැවසුවා.  මේ නිසා අපිට විශාල ඡන්ද ප‍්‍රමාණයක් අහිමි වුණා.
 
අද මේ ආණ්ඩුව ජනතාවට බොරු පොරොන්දු ලබා දෙමින් ජනතාවගේ විශ්වාසය බිඳගෙන තිබෙනවා.  ජනාධිපතිවරණයේදී වූ වැරුද්ද නිවැරදි කරගැනීමට  ජනතාවට දැන් අවශ්‍ය වෙලා තියෙනවා. ඒ සඳහා සජිත් පේ‍්‍රමදාස මහතා ජයග‍්‍රහණය කරවීමට ජනතාව බලා සිටිනවා. ඒ ජයග‍්‍රහණය වැලැක්වීමට රනිල් වික‍්‍රමසිංහ මහතා රාජපක්ෂවරුන් සමග එක්ව කරන කුමන්ත‍්‍රණයකටද මේ නායකත්වය ලබාදීම ප‍්‍රමාද කරන්නේ කියලා  අපිට සැක සිතෙනවා.
 
සජිත් පේ‍්‍රමදාස මහතාට සියලුම පාර්ශව හවුල් කරගෙන ඉදිරි මහමැතිවරණය මෙහෙයවීමට හැකියාව තිබෙනවා. ඒ සඳහා අවස්ථාව ලබාදෙන ලෙසට අපි පක්ෂ නායක රනිල් වික‍්‍රමසිංහ මහතාගෙන් ඉල්ලා සිටිනවා’’ යැයිද ඔහු එහිදී පැවැසීය.



අදහස් (1)

“මැතිවරණය දිනන්න නම් සජිත් එජාපයේ නායකයා කරන්න ඕනෑ”

jayarathna jayasingha Sunday, 19 January 2020 11:02 AM

ජනාධිපතිවරණය ජයග‍්‍රහණය කිරීම සඳහා එක්සත් ජාතික පක්ෂයට සහ පාක්ෂිකයින්ට ආදරය කරන සජිත් පේ‍්‍රමදාස මහතා පත් කරගෙන ඉල්ලගෙනම නෑවා මදිවට තව ගේමක් ඉල්ලනවා. එ්කත් ඉල්ලගෙන කන්න හදන්නේ. පිස්සු නැතිනම් ෂෝක්...

:       3       28

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 48 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 438 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 875 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site