2018 ජුලි මස 20 වන සිකුරාදා

විශ්වාස භංගයෙන් අගමැති ජයගනී

අග්‍රමාත්‍ය රනිල් වික්‍රමසිංහ මහතාට එරෙහිව ඒකාබද්ධ විපක්ෂය විසින් ගෙන එනු ලැබූ විශ්වාස භංග යොජනාව අද වැඩි ඡන්ද   46කින් පරාජයට පත් විය.

විශ්වාස භංග යෝජනාවට පක්ෂව ඡන්ද  76  ලැබුණු අතර විශ්වස භංග යෝජනාවට විරුද්ධව ඡන්ද 122 ලැබිණි.

ඡන්දය විමසන අවස්ථාවේ මන්ත්‍රීවරු 26ක් සභා ගැබේ නොසිටියහ.

10:01 PM අග්‍රමාත්‍ය රනිල් වික්‍රමසිංහ මහතාට එරෙහිව ඒකාබද්ධ විපක්ෂය විසින් ගෙන එනු ලැබූ විශ්වාස භංග යොජනාව අද වැඩි ඡන්ද   46කින් පරාජයට පත් විය. විශ්වාස භංග යෝජනාවට පක්ෂව ඡන්ද  76  ලැබුණු අතර විශ්වස භංග යෝජනාවට විරුද්ධව ඡන්ද 122 ලැබිණි. ඡන්දය විමසන අවස්ථාවේ මන්ත්‍රීවරු 26ක් සභා ගැබේ නොසිටියහ.
 

09:58 PM වැඩි ඡන්දයෙන් විශ්වාස භංග යෝජනාව පරාජය වෙයි.

09:56 PM විශ්වාස භංග යෝජනාවට අදාළ ඡන්ද විමසීම අවසන්. 

09:54 PM ජනතා විමුක්ති පෙරමුණේ මන්ත්‍රීවරු  විශ්වාස භංගයට පක්ෂව ඡන්දය ප්‍රකාශ කරති. 

09:48 PM කුරුණෑගල දිස්ත්‍රික් පාර්ලිමේන්තු මන්ත්‍රී සහ හිටපු ජනපති මහින්ද රාජපක්ෂ මහතා විශ්වාස භංග යෝජනාවට පක්ෂව ඡන්දය භාවිත කළේය.

09:30 PM ශ්‍රී ලංකා නිදහස් පක්ෂයේ මහ ලේකම් දුමින්ද දිසානායක මහතා සහ එක්සත් ජනතා නිදහස් සන්ධාන මහ ලේකම් මහින්ද අමරවීර මහතා විශ්වාස භංග යෝජනාව වෙනුවෙන් පැවැත්වෙන ඡන්ද විමසීමට සහභාගී නොවූහ.

09:26 PM එක්සත් ජනතා නිදහස් සන්ධාන මහ ලේකම් මහින්ද අමරවීර ඡන්දයට සහභාගී නොවීය. 

09:26 PM ඡන්ද විමසීම ඇරැඹේ

09:22 PM විශ්වාස භංග යෝජනාවට අදාළ ඡන්ද විමසීම සඳහා මන්ත්‍රීවරු අසුන්වලට එති.

09:21 PM   මේ ආණ්ඩුව දිගටම ගෙනියනවා. හොරු මිනීමරුවන් නීතිය හමුවට ගෙන එනවා. - රාජිත සේනාරත්න

09:20 PM ගිය ආණ්ඩුව සමයේ සිදු කළ බව කියන ආපරාධ ලැයිස්තුවක් සෞඛ්‍ය ඇමැති රාජිත සේනාරත්න මහතා සිය කතාවේදී ඉදිරිපත් කළේය.

09:11 PM පාර්ලිමේන්තුවේ දැඩි ඝෝෂා.

09:04 PM ලසන්ත මිග් ගනුදෙනුව ගැන ලිව්වා. මිග් ගනුදෙනුව ගැන නඩුවෙදි අදාළ ගිවිසුම් ඉදිරිපත් කරන්න ඉන්දි තමයි  හෙට නඩුව කියලා අද ලසන්ත වික්‍රමතුංග  මැරුවේ.    - රාජිත සේනාරත්න

09:01 PM පාර්ලිමේන්තුවේ දිගටම ඝෝෂා. නිශ්ෂබ්ධ වන්නැයි කතානායක මන්ත්‍රීවරුන්ගෙන් ඉල්ලයි.

08:56 PM ‘තමුන්නාන්සෙටත් විරුද්ධව අල්ලස් එකේ නඩු තියෙනවා.‘ යැයි පාර්ලිමේන්තු මන්ත්‍රී  සිසිර ජයකොඩි මහතා රාජිත සේනාරත්න මහතාට බාධා කරමින් කීවේය.

08:56 PM අද රෑ ආණ්ඩුව ඉවර කරලා මිනීමැරුම් ආදී චෝදනා අයින් කර ගන්නයි මේ විශ්වාස භංගය ගෙනැවිත් තිබෙන්නේ. - රාජිත සේනාරත්න

08:53 PM සෞඛ්‍ය ඇමැති දොස්තර රාජිත සේනාරත්න මහතා සභාව අමතයි. 

08:52 PM විශ්වාස භංගයට පක්ෂව ඡන්දය භාවිත කරනවා. - තිලංග සුමතිපාල

08:48 PM මම මුලසුනේදී ස්වාධීනව කටයුතු කළා. - තිලංග සුමතිපාල

08:46 PM නියෝජ්‍ය කතානායකගේ කතාවට දිගටම බාධා. ඔහුට කතා කිරීමට ඉඩ දෙන්නැයි කතානායකවරයා ඉල්ලයි.

08:44 PM නියෝජ්‍ය කතානායක තිලංග සුමතිපාල මහතා සභාව අමතයි. ආණ්ඩු පක්ෂ මන්ත්‍රීන්ගේ දැඩි විරෝධය.

08:43 PM අපි අද විශ්වාස භංගයෙන් ජයග්‍රහණය කරනවා. අප ජනාධිපතිගෙන් සහ අගමැතිගෙන් එකක් ඉල්ලනවා. මේ කුම්භාණ්ඩයෝ පෙරේතයෝ මූසලයො එළවලා ආණ්ඩුව සුද්ධ කරන්න කියා ඉල්ලනවා. ඔවුන්ට ඇමැතිකම් දරන්න දෙන්න එපා. –  හරීන් ප්‍රනාන්දු

08:34 PM විශ්වාස භංගය  ගෙනාවට හේතු කිහිපයක් නිසා ස්තුති වන්ත වනවා. එජාපයේ පොඩි පොඩි කචල් නැති කරලා හැමෝම එකතු කළාට ස්තුතියි. අපිට පක්ෂයේ ප්‍රතිසංවිධානවලට පාර කපලා දුන්නා. ඊළඟට එන ඡන්දයේ පොහොට්ටුවේ පෙති ටික ගලවන්න පාර කපලා දුන්නා. ලෙඩා මැරුණත් බඩ සුද්ධයි කියනවානේ. මේකේ හිටපු පෙරේතයො, කුම්භාණ්ඩයො ඔක්කොම ගියා.  - හරීන්

08:26 PM විශ්වාස භංගය ගෙනාපු අයවත් සභා ගැබේ නැතැයි හරීන් ප්‍රනාන්දු මහතා කියයි.

08:25 PM ඇමැති හරීන් ප්‍රනාන්දු මහතා පාර්ලිමේන්තුව අමතයි.

08:21 PM  ශ්‍රී ලංකා නිදහස් පක්ෂයේ මන්ත්‍රීවරු බහුතරයක් විශ්වාස භංග යෝජනාවට පක්ෂව ඡන්දය භාවිත කරන බව ශ්‍රීලනිප මැති ඇමැතිවරු 15 දෙනෙක් පාර්ලිමේන්තු සංකීර්ණයේ මාධ්‍ය හමුවක් කැඳවමින් කීහ.
 
ශ්‍රීලනිපයේ කිහිප දෙනකු පමණක් තම මතයට එරෙහි වූ බවත්, පාර්ලිමේන්තුවට පැමිණීමටවත් ඔවුන්ට කොන්දක් නොවූ බවත් එම මැති ඇමැතිවරු කීහ.

08:08 PM අජිත් පී පෙරේරා නියෝජ්‍ය ඇමැතිවරයා පාර්ලිමේන්තුව අමතයි.

08:02 PM පාර්ලිමේන්තු මන්ත්‍රී චතුර සේනාරත්න මහතා සභාව අමතයි.

08:01 PM විශ්වාස භංගයට පක්ෂව ඡන්දය භාවිත කරන බව ඉඩම් රාජ්‍ය ඇමැති ටී බී ඒකනායක මහතා කියයි.

07:56 PM ආණ්ඩුවේ සිටිමින් ආණ්ඩුවට එරෙහිවීම ගැන ටිබී ඒකනායක රාජ්‍ය ඇමැතිවරයාට ආණ්ඩු පක්ෂ මන්ත්‍රීන්ගේ විරෝධය.

07:54 PM ටී බී ඒකනායක මහතා සභාව අමතයි.

07:49 PM පාර්ලිමේන්තු මන්ත්‍රී නලීන් බණ්ඩාර මහතා විවාදයට එක් වෙයි.

07:35 PM පාර්ලිමේන්තු මන්ත්‍රී හෙක්ටර් අප්පුහාමි මහතා පාර්ලිමේන්තුව අමතයි.

07:10 PM පාර්ලිමේන්තු මන්ත්‍රී රෝහිත අබේගුණවර්ධන මහතා සභාව අමතයි. 

07:06 PM විශ්වාස භංගය ගෙනත් තියෙන්නේ ආණ්ඩුවට එරෙහිව බව විශ්වාස භංග යෝජනාවේ තිබෙනවා.  තමන්ට තමන් ගැන විශ්වාසයක් නැති බව ක්‍රීඩා ඇමැති දයාසිරි ජයසේකර මහතා අද පෙන්නුවා. තමන් ඉන්න ආණ්ඩුවට විරුද්ධව ඡන්දෙ දීලා තවදුරටත් රැඳී ඉන්නේ කොහොමද කියලා ප්‍රශ්නයක්. කොන්දක් තියෙනවා නම් කියන්න ඕනා මම පක්ෂව ඡන්දෙ දීලා විපක්ෂයට යනවා කියලා. රැවුලයි කැඳයි දෙකම බලං වැඩ කරන්න බැහැනේ. - හර්ෂ ද සිල්වා

07:02 PM ආචාර්ය හර්ෂ ද සිල්වා නියෝජ්‍ය ඇමැතිවරයා පාර්ලිමේන්තුව අමතයි.

06:58 PM ‘අපි එජාපයට ගිහිනුත් නෑ. පොදුජන පෙරමුණට ගිහිනුත් නෑ. අපි තවම ශ්‍රීලනිපයේ.‘ - දයාසිරි ජයසේකර

06:54 PM විශ්වාස භංගයට පක්ෂව ඡන්දය දෙන්න දෙවැනිදා රාත්‍රී අපි තීන්දු කළා. සමහරු අද පාර්ලිමේන්තු එන්නේ නැතිවෙන්න තීරණය කරලා තියෙනවා. කොන්දක් තියන මන්ත්‍රීවරුන් විදියට අපිට එහෙම කරන්න බෑ. 

06:51 PM ක්‍රීඩා ඇමැති දයාසිරි ජයසේකර මහතා පාර්ලිමේන්තුව අමතයි.

06:43 PM විජේපාල හෙට්ටිආරච්චි පාර්ලිමේන්තු මන්ත්‍රීවරයා සභාව අමතයි.

06:35 PM වජිර අබේවර්ධන අමාත්‍යවරයා සභාව අමතයි.

06:34 PM මේ විශ්වාස භංගය එනවට මම කැමතියි. නැවත නැවත විශ්වාස භංග ඇවිත් හොරුන් අහුවෙයි. මෙච්චර කල් හොරු එළියට ආවේ හොරා සහ බිරිඳ ගහගත්තමයි. දරුවෝ කරපු දේට තාත්තා පළි නෑ. අපි හොරු ආරක්ෂා කරන්නේ නෑ. හොරු හොරකම් කළේ ලංකාවේ මිනිස්සුන්ගේ සල්ලි. ඔවුන්ට හරි යන්නේ නෑ. ලේ බඩ යනවා. - රංජන් රාමනායක

06:32 PM මේ පර්ලිමේන්තුවේ බොහෝ දෙනෙක් වාහන බලපත්‍රය විකුණුවට තමන් එය විකුණූ බව ඔවුන් පිළිගන්නේ නෑ.  මට ලැබුණු පර්මිට් එක දෙකෝටි ගණනකට වික්කා. විකුණලා අරමුදලක් හැදුවා. මම තවම ඉන්නේ කුලී ගෙදරක. - රංජන් රාමනායක
 

06:27 PM නියෝජ්‍ය ඇමැති රංජන් රාමනායක මහතා සභාව අමතයි.

06:26 PM  විශ්වාස භංගයට පක්ෂව ඡන්ය ලබා දෙන බව රාජ්‍ය පරිපාලන නියෝජ්‍ය ඇමැති සුසන්ත පුංචිනිළමේ මහතා කියයි.

06:23 PM මට අනිත් අයට වගේ උපාධි නෑ. අවුරුදු එක හමාරක් වැලිකඩ මහර හිටපු එකේ උපාධිය තිබෙනවා. - සුසන්ත පුංචි නිලමේ

06:19 PM සුසන්ත පුංචිනිලමේ ඇමැතිවරයා පාර්ලිමේන්තු අමතයි.

06:18 PM අදින් පස්සේ එජාපය ශක්තිමත්ව ඉදිරියට යන ගමනට අපි සූදානම් වෙනවා.  2020 මැතිවරණය ජයග්‍රහණය කිරීම ඉලක්ක කරගෙන වැඩකටයුතු කරනවා. හොරකමට තිත තියනවා. - අකිල විරාජ්

06:14 PM විශ්වාස භංගය ගෙන ඒමෙන් එජාපයට ඔක්සිජන් ලැබුණා. ඒ වෙනුවෙන් ස්තුති වන්ත වෙනවා. - අකිල විරාජ් කාරියවසම්

06:12 PM අධ්‍යාපන ඇමැති අකිල විරාජ් කාරියවසම් මහතා සභාව අමතයි.

06:11 PM අගමැතිවරයා කෝප් කමිටු සභාපතිකම විපක්ෂයට දුන්නා. අනිත් ආණ්ඩු එහෙම කළේ නෑ.  මෙය අගමැතිගේ විශ්වාසය සනාථ කෙරන යෝජනාවක්. - අජිත් මාන්නප්පෙරුම

06:04 PM පාර්ලිමේන්තු මන්ත්‍රී අජිත් මාන්නප්පෙරුම සභාව අමතයි.

06:04 PM විශ්වාස භංග යෝජනාවට ජනතා විමුක්ති පෙරමුණේ සහාය ලබා දෙන බව එහි නායක අනුර කුමාර දිසානායක මහතා කියයි.

05:51 PM මෛත්‍රීපාල සිරිසේන මහත්මයා තමන්ගේ දේශපාලන පැවැත්ම වෙනුවෙන් ජනවරමට පිටුපෑවා. දිල්රුක්ෂි ඩයස් ඉවත් කිරීම, ගෝඨාභය අත්අඩංගුවට නොගැනීම ආදිය ජනාධිපතිගේ දැනුම්වත් කමින් සිද්ධ වුණු දේවල්. - අනුර කුමාර දිසානායක

05:49 PM මේ විශ්වාස භංගය ඕපපාතික එකක් නෙමෙයි. මෙය පළමුකොටම කරලියට ගෙනාවේ ජනාධිපතිවරයා. ඔහු පළාත් පාලන මැතිවරණය මෙහෙයෙව්වේ එකට ආණ්ඩුවක් කළ නොහැකි ආකාරයටයි. අනේපේක්ෂිත ප්‍රතිඵලයක් ආවාම අගමැතිට අයින් වෙන්න කිව්වා. එය අසාර්ථක වුණාම අයින් කරන්න උත්සාහයක් දැරුවා. එයත් අසාර්ථක වුණාම අයින් කරන්න මෙහෙයුමක් දියත් කළා. එය මෑත දේශපාලනයේ නරකම දේශපාලන ගනුදෙනුවකට යන්න උත්සාහ කළා. - අනුර කුමාර 

05:37 PM බැඳුම්කර වංචාවේ ප්‍රධාන චූදිතයා ලෙස අගමැතිවරයා පත්වී තිබෙනවා. අර්ජුන මහේන්ද්‍රන් වෙනුවෙන් ඇපකරු ඔහුයි. බැඳුම්කර සිද්ධියෙන් පසු ඔහු ආරක්ෂා කළා. අර්ජුන් සහ අගමැති යනු මේ ගනුදෙනුවේදී එකම කාසියේ දෙපැත්ත වගෙයි. - අනුර කුමාර දිසානායක

05:30 PM කැබිනට් ඇමැතිවරුන් පත් කළ යුත්තේ අගමැතිගේ නිර්දේශයෙන් බවත්,  සුසිල් ප්‍රේමජයන්ත , එස් බී දිසානායක සහ  අනුර ප්‍රියදර්ශන යාපා වැනි චෝදනා ලාභීන්ට ඇමැතිකම් දීමට අගමැතිවරයා නිර්දේශ කර ඇති බවත් ජවිපෙ නායකයා පවසයි.

05:22 PM ජනාධිපති ආර්යාවක් අධිකරණයට ගෙන යෑම රටට අපකීර්තියක් සේ සලකා කැබිනට් මණ්ඩලයේ කතා කර සිරිලිය සවිය ගිණුම සම්බන්ධයෙන් හිටපු ජනපති ආර්යාවට නඩු නොපැවරූ බව අනුර කුමාර දිසානායක මහතා කියයි. 

05:18 PM සහල් මිල විශාල ලෙස  ඉහළ දැම්මා.  ඒ නිසා ගොවි ජනතාවගෙන් විශ්වාස භංගයක් එල්ල වීමට නියමිතව තිබෙනවා.  මහජනයාගේ ධනය අත්තනෝමතිකව පාලනය කළා.  සාමකාමී රාජ්‍යක් නිර්මාණය කරනවා වෙනුවට අපරාධකාරී රාජ්‍යයක් නිර්මාණය කළා.  මේ රටේ නීතිය හා සාමය ඇති කරන්න අසමත් වෙලා තිබෙනවා. - අනුර කුමාර දිසානායක

05:08 PM මහනුවර සිද්ධිය සම්බන්ධයෙන් පොදුජන පෙරමුණේ මන්ත්‍රීවරුන් හය දෙනකු ගැන පොලිසිය පරීක්ෂණ පවත්වන බව අනුර කුමාර දිසානායක මහතා කියයි.

04:59 PM විශ්වාස භංගය ජයග්‍රහණයෙන් කෙළවර වුණොත් රාජපක්ෂ කඳවුරට යම් උත්තේජනයක් ලැබෙන බව අපි දන්නවා. එය නොදැන අපි සහාය දෙනවා නෙමෙයි. රාජපක්ෂ කදවුරට උත්තේජනයක් ලැබෙන්න ආරක්ෂා කර දුන්නෙත් අගමැතිවරයා. - අනුර කුමාර දිසානායක

04:55 PM ජනතා විමුක්ති පෙරමුණේ නායක අනුර කුමාර දිසානායක මහතා සභාව අමතයි.

04:51 PM දිගන සිද්ධි ගැන අගමැතිට විතරක් චෝදනා කරන්නේ ඇයි? ජනාධිපති ආරක්ෂක ඇමැතිවරයා. ඇයි එතුමා ගැන කතා කරන්නේ නැත්තේ? අද එතුමා එක්ක ඩීල් එකේ ඉන්න නිසා එතුමාට බනින්නේ නෑ. මෙතන කතා කළ සමහර මන්ත්‍රීවරු ජනාධිපති එක්ක ඩීල් දාලා පරීක්ෂණ යට ගහ ගත්තා. සුසිල් ප්‍රේමජයන්ත මහතාත් පරීක්ෂණ යට ගහ ගත්තා. - මුජිබර් රහුමාන්

04:47 PM ‘අක්‍රෝදේන ජින කෝදං‘ ආදී වන ධම්මපදයෙන් මුජුබර් රහුමාන් මන්ත්‍රීරයා සිය කතාව අමතයි.

04:42 PM තිලකරාජා මන්ත්‍රීවරයා සභාව අමතයි.

04:38 PM

ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා සහ සමාජ සුබසාධන  අමාත්‍ය එස් බී දිසානායක මහතා විශ්වාසභංග විවාදය සඳහා පාර්ලිමේන්තුවට පැමිණ නැතැයි  ආරංචි මාර්ග පවසයි.

04:29 PM

විශ්වාස භංගය යෝජනාව ගැන ඡන්ද විමසීමේදී තමන් වහන්සේ ඡන්දය දීමෙන් වැලකී සිටින බව අතුරලියේ රතන හිමියෝ පාර්ලිමේන්තුවේදී පැවසූහ.

රතන හිමියන් එලෙස කීවේ පාර්ලිමේන්තුවේදී දැන් පැවැත්වෙන මාධ්‍ය හමුවකට එක්වෙමිනි.

04:21 PM යුද්ධෙ කළ හමුදාපති හිරේ දැම්මා. ජෙනරාල්ලා 10ක් ගෙදර යැව්වා. දැන් කියනවා රණවිරුවන් දඩයම් කරනවා කියලා.  - ෆොන්සේකා

04:21 PM මිලියන 90ක් හොරකම් කර සොහොනක් හදපු එක්කෙනෙක් තමයි තමුන්නාන්සෙලාගේ අනාගත ජනාධිපති අපේක්ෂකයා. - සරත් ෆොන්සේකා

04:20 PM ලලිත් වීරතුංග හිරේ ගියේ මිලියන 600ක සිල්රෙදි බෙදලා. නියෝග දුන්නු මිනිහා එළියේ. මිලියන 600න් 400ක් හොරකම් කළා. 200ක සිල් රෙදි බෙදුවා. ලිත් බෙදන්න මිලියන 200ක් වියදම් කළා. ඒ පවුලේම ඉන්න සාටකයන් දාගත්තු පුද්ගලයෙක්. මේවා කරනකොට සද්ධ නැතිව හිටපු අය දැන් හිතේ අමාරුවට කෑගහනවා.  - ෆොන්සේකා

04:16 PM පාර්ලිමේන්තුවේ ඝෝෂා.

04:15 PM පසුගිය කාලේ හෙජින් ගිවිසුම අත්සන් කළාට විශ්වාස භංග ගෙනාවා නම් කඳ, බඩ , හිස විවිධ තැන්වල දමනු ඇතැයි ෆොන්සේකා මහතා කියයි.

04:13 PM ඇවන්ඩ්ගාඩ්වලින් පමණක් ගෝඨාභය රාජපක්ෂ අහිමි කළ මුදල රුපියල් බිලියන 11ක් - සරත් ෆොන්සේකා

04:06 PM මහනුවර සිදුවීම්වලට සැකපිට දැනට අත්අඩංගුවට අරගෙන ඉන්න අය අතර පොහොට්ටුවේ ප්‍රාදේශීය සභා මන්ත්‍රීවරුන් තුන් දෙදෙනක් ඉන්නවා. - සරත් ෆොන්සේකා

04:05 PM මහනුවර සිද්ධියේ සම්පූර්ණ වගකීම අගමැති මත තැබීම අසාධාරණයි. එහි වගකීම ජනාධිපතිතුමාගේ සිට පල්ලෙහාට ගේනවා මිසක් එක පුද්ගලයෙකුට දොස් කීම අසාධාරණයි.  - සරත් ෆොන්සේකා

04:00 PM අගමැතිගේ නායකත්වය පිළිගන්නා බව ෆීල්ඩ් මාර්ෂල් සරත් ෆොන්සේකා කියයි.

03:57 PM ෆීල්ඩ් මාර්ෂල් සරත් ෆොන්සේකා මහතා සභාව අමතයි.

03:55 PM නිල ඇඳුම් ඇඳගත්ත පමණින් අපරාධ කළ නොහැකියි. රණවිරුවන්ට අපරාධ කරන්න අණ දුන්නේ රාජපක්ෂ පාලනයයි - සිඩ්නි ජයරත්න

03:49 PM සිඩ්නි ජයරත්න මහතා පාර්ලිමේන්තුව අමතයි.

03:45 PM ජාතීන් අතර වෛරිය ඇති කළේ එජාපයයි - රමේෂ් පතිරණ

03:42 PM ගිංතොට, දිගන සිදුවීම්වලදී ආණ්ඩුව නිද්‍රා ශීලී පිළිවෙතක් අනුගමනය කළා. පොලිසිය අකාර්යක්ෂමව කටයුතු කළා. - රමේෂ් පතිරණ

03:40 PM රමේෂ් පතිරණ මහතා සභාව අමතයි.

03:38 PM විශ්වාස භංගයෙන් අගමැතිවරයා පරාජය කිරීමට නොහැකි වන බව ඇමැති චම්පික රණවක කියයි.

03:34 PM විශ්වාස භංගයට මුල් වී කටයුතු කළේ පොහොට්ටු පක්ෂයේ බැසිල් රාජපක්ෂ කොන් කිරීමට උත්සාහ කරන පිරිසක් - ඇමැති චම්පික

03:32 PM එන්ට්‍රස්ට් ආයතනය හදලා රටේ අර්ථ සාධයක රුපියල් මිලියන 12,000ක් වංචා කර තිබෙනවා. නමුත් අද ඔහු නිදැල්ලේ සිටිනවා. පොල් ගෙඩි පහට හිරේ ගිය රටක මිලියන 12,000ක් වංචා කළ පිරිස් එළියට ගිහින් තිබෙනවා. - චම්පික රණවක

03:30 PM චම්පික රණවක මහතා පාර්ලිමේන්තුව අමතයි.

03:29 PM රාජිත සේනාරත්න හෙට අනිද්දා හිරේ යන්න ඉන්නේ - මහින්දානන්ද අලුත්ගමගේ

03:29 PM මේ ආණ්ඩුවේ දෙදරීම පටන් ගන්නේ අද රෑ 9.30ට - මහින්දානන්ද අලුත්ගමගේ

03:12 PM මෙය අගමැතිට මඩ ගහන්න ගෙන ආ විශ්වාස භංගයක් නොවේ. –  මහින්දානන්ද අලුත්ගමගේ

03:11 PM මේ විශ්වාස භංගය පරාජය කරන්න එජාපය වැය කළ මුදල දෙවැනි නොවන්නේ බැඳුම්කර මංකොල්ලයෙන් ගත් මුදලට පමණයි. - මහින්දානන්ද අලුත්ගමගේ

03:09 PM මහින්දානන්ද අලුත්ගමගේ මහතා සභාව අමතයි.

03:05 PM ශිව ශක්ති ආනන්දන් මහතා සභාව අමතයි.

03:00 PM ආනන්ද අලුත්ගමගේ මහතා පාර්ලිමේන්තුවේදී කවියක් කියයි.

03:00 PM විශ්වාස භංගය නිසා එක්සත් ජාතික පක්ෂයේ විශ්වාසය අගමැති කෙරෙහි ගොඩනැගුණා. - ආනන්ද අලුත්ගමගේ

02:58 PM ආනන්ද අලුත්ගමගේ මහතා පාර්ලිමේන්තුව අමතයි.

02:58 PM විශ්වාස භංගයේ අර්ථය බොහෝ දෙනා නිරුවත් කිරීමයි. මේ විශ්වාස භංගයේ අර්ථය ආණ්ඩුව දෙකඩ කිරීමයි. – වාසුදේව නානායක්කාර

02:54 PM අර්ජුන අලෝසියස් ඉන්න විත්ති කූඩුවේ අගමැති රනිල් වික්‍රමසිංහ මහතාත් හිටගත යුතු යැයි වාසුදේව නානායක්කාර මහතා කියයි.

02:49 PM අගමැති සිංගප්පූරුවට ගිය අවස්ථාවේ තානාපති කාර්යාලයට ගෙන්වා අර්ජුන් මහේන්ද්‍රන් හමු වූ බවට සැකයක් තිබෙනවා. අර්ජුන් මහේන්ද්‍රන් ගෙන ඒමේ වගකීම ඇත්තේ අගමැතිටයි. - වාසුදේව නානායක්කාර

02:47 PM අගමැතිවරයා සමඟ පෞද්ගලිකව කිසිම තරහක් නෑ. - වාසුදේව නානායක්කාර

02:45 PM විශ්වාස භංගය විපක්ෂයෙන් ගෙන ආවත් ආණ්ඩු පක්ෂයේ සහායත් ඊට ඇති බව ඇමැති සුසිල් ප්‍රේමජයන්ත මහතාගෙන් කතාවෙන් පෙනී යන බව වාසුදේව නානායක්කාර මහතා කියයි. 

02:44 PM මන්ත්‍රී වාසුදේව නානායක්කාර මහතා සභාව අමතයි.

02:39 PM මෙම විශ්වාස භංගයට අත්සන් තබා ඇත්තේ ලසන්ත වික්‍රමතුංගලා මරා දැමූ,  ඩේසි ආච්චිගේ මැණික්මල්ල ගැන කතා කළ අයයි - ඇමැති කබීර්

02:37 PM මෙම විශ්වාස භංග යෝජනාව අපි දකින්නේ රාජ්‍ය විරෝධී කුමන්ත්‍රණයක් ලෙසයි - කබීර් හෂීම්

02:35 PM ඇමැති කබීර් හෂීම් සභාව අමතයි.

02:35 PM ශ්‍රී ලංකා නිදහස් පක්ෂයේ ලේකම් නෙමෙයි පක්ෂය කියන්නේ. ජෝන් සෙනවිරත්න, මම, ඩිලාන් ඇමැතිතුමාලා වගේ පරණ අය ගියාම ඔතනින් ගියාම ශ්‍රීලනිපයක් නෑ ඔතන. - සුසිල් ප්‍රේමජයන්ත

02:33 PM අර්ජුන ගෙනාවේ කවුද? එයාට ඇප වුණේ කවුද? විත්තිකාරයා නැතිනම් ඇප කාරයට වරෙන්තු කරනවා.  මේ තියෙන්නේ ඇප කාරයට නිකුත් කළ වරෙන්තුව. - සුසිල් ප්‍රේමජයන්ත

02:32 PM අපි තනතුරු කෑදර  නෑ. අපි පිං මන්ත්‍රීකම් අරගෙන නෑ. අපි එක් ලක්ෂ ගණනක් අරගෙන පාර්ලිමේන්තුවට ආවේ. අපි පිං මන්ත්‍රීලට උත්තර දෙන්නෙත් නෑ.  - ඇමැති සුසිල් ප්‍රේමජයන්ත

02:28 PM සභාවේ යළිත් ඝෝෂා.

02:26 PM ජනපතිවරයා විසින් ලේකම්වරුන් දෙදෙනා තහනම් නොකළා නම් අද එජාපය ඉන්නේ ආණ්ඩු පක්ෂයේ නොවන බව ජනපති පැවසීයැයි ඇමැති සුසිල් කියයි.

02:24 PM අහිකුංටකයා පොල්ල වනනකොට රිලව් නටනවා. රිලව් නටන තැනක් නොවෙයි පාර්ලිමේන්තුව. - සුසිල් ප්‍රේමජයන්ත්

02:16 PM සුසිල් ප්‍රේමජයන්ත මහතාගේ කතාව අතරතුර පාර්ලිමේන්තුවේ ඝෝෂා. 

02:15 PM සුසිල් ප්‍රේමජයන්ත මහතා සභාව අමතයි.

02:14 PM යහපාලනය කියලා මේ ආණ්ඩුව පහුගිය ආණ්ඩුව විවේචනය කළා. පහුගිය ආණ්ඩුව ගැන විවේචන මට තවම තියෙනවා. ඊට වඩා දේවල් මේ ආණ්ඩුව කරලා තියෙනවා. මේ ආණ්ඩුව ගැන විවේචන තිබෙනවා. - රතන හිමි

02:09 PM  රට පවතින්නේ අස්ථාවර භාවයක - රතන හිමි

02:06 PM හොරකම අනුමත කිරීම භික්ෂුවකට පාරාජිකාවක්.   විශ්වාස භංගයට එරෙහිව ඡන්දය භාවිත කළ නොහැකියි. - රතන හිමි

02:04 PM අතුරලියේ රතන හිමියෝ පාර්ලිමේන්තුව අමතති.

01:50 PM ‘අසාරේ සාර මතිනෝ‘ දහම් පදයක් ප්‍රකාශ කරමින් උදය ගම්මන්පිල මහතා සභාව ඇමැතීම ආරම්භ කරයි.

01:50 PM විශ්වාස භංගයෙන් පසු ආණ්ඩුවේ දිශානතිය වෙනස් කළ යුතුයි. - ජයම්පති වික්‍රමරත්න

01:44 PM ‘අපේ ආණ්ඩුක්‍රම ව්‍යවස්ථාව අනුව ආණ්ඩුවේ ප්‍රධානියා වන්නේ ජනාධිපතිවරයා. ජනාධිපතිතුමා තමයි කැබිනට් මණ්ඩලයේ සභාපති. මෙය අගමැතිවරයාට විතරක් නෙමෙයි මුළු ආණ්ඩුවට විරුද්ධවම ගෙන ආ යෝජනාවක්.‘ - ජයම්පති වික්‍රමරත්න

01:42 PM ජයම්පති වික්‍රමරත්න මහතා සභාව අමතයි.

01:41 PM ජනතාව බලාපොරොත්තු වූ දේ තමයි අද විශ්වාස භංගයෙන් පාර්ලිමේන්තුවට ඉදිරිපත් කර තිබෙන්නේ.   - චමල් රාජපක්ෂ   

01:35 PM  විශ්වාස භංග යෝජනාවක් ගෙන එන්නේ පෞද්ගලික පලිගැනීමකට හෝ ඊර්ෂ්‍යාවකට නොවන බව පාර්ලිමේන්තු මන්ත්‍රී චමල් රාජපක්ෂ මහතා කියයි. 

01:31 PM පාර්ලිමේන්තු මන්ත්‍රී චමල් රාජපක්ෂ මහතා සභාව අමතයි.

01:22 PM පාර්ලිමේන්තු මන්ත්‍රී තුෂාර ඉඳුනිල් මහතා පාර්ලිමේන්තුව අමතයි.

01:05 PM පාර්ලිමේන්තුවට විශ්වාස භංග යෝජනා 46ක් ඉදිරිපත් වෙලා තියෙනවා. එස් ඩබ්ලිව් ආර් ඩී බණ්ඩාරනායක, සිරිමාවෝ මැතිනිය හා රනිල් වික්‍රමසිංහ මහතාට එරෙහිව විශ්වාස භංග යෝජනා ගෙනැවිත් තිබෙනවා. අමිර්තලිංග මහතාට එරෙහිව විශ්වාස භංග යෝජනාව විතරයි දිනලා තියෙන්නේ. විශ්වාස භංගය නිසා ඇති වන සමාජ දේශපාලන බලපෑම කිසි සේත් ලඝු කොට දක්වන්න බෑ.  - බන්දුල ගුණවර්ධන

01:02 PM ආචාර්ය බන්දුල ගුණවර්ධන මහතා සභාව අමතයි.

12:58 PM  විශ්වාස භංගය අත්සන් කළ ඇතැමුන් තවමත් පාර්ලිමේන්තුවට පැමිණ නැතැයි ඇමැති නවීන් දිසානායක කියයි.
‘නඩු හබවලට මුහුණ දීලා තියෙන පිරිසක් තමයි මේකට මුල් වෙලා ඉන්නේ. ඒ චෝදනා වලට විසඳුමක් හැටියටයි විශ්වාස භංගය ඔවුන් බලන්නේ. යටින් තිබෙන්නේ වෙනම ගේම් එකක්.‘

12:55 PM ඇමැති නවීන් දිසානායක මහතා පාර්ලිමේන්තුව අමතයි.

12:54 PM හිටපු ජනාධිපති සහ කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා සභාවට පැමිණ නැතැයි ආරංචි මාර්ග කියයි.

12:39 PM පාර්ලිමේන්තුව අවට ආරක්ෂාව තර කරයි.  පාර්ලිමේන්තු පාරත් තාවකාලිකව වහයි.

12:26 PM දෙමළ ජාතික සන්ධානයේ මන්ත්‍රී එම් ඒ සුමන්තිරන් මහතා පාර්ලිමේන්තු විවාදයට එක්වෙමින් සභාව අමතයි.

12:25 PM විශ්වාස භංග යෝජනාව වෙනුවෙන් පැවැත්වෙන ඡන්දයේදී  විශ්වාස භංග යෝජනාවට විරුද්ධව ඡන්ද 122ක්  ලැබෙනු ඇති බවත්, වැඩි ඡන්ද 40කින් විශ්වාස භංග යෝජනාව පරාජය වනු ඇති බවත් ඇමැති ජෝන් අමරතුංග මහතා පැවසීය.

12:22 PM විමල් වීරවංශ මහතාගේ කතාවෙන් පසු ඇමැති ජෝන් අමරතුංග මහතා කතාව අරඹයි.

12:12 PM එක්සත් ජාතික පක්ෂය දැන් වුවත් විශ්වාසභංගය පිළිබඳ ඡන්ද විමසීමකට සූදානම් බව ඇමැති ගයන්ත කරුණාතිලක මහතා කැබිනට් රැස්වීමේදී කීවේය.

12:07 PM විශ්වාස භංගයට විරුද්ධ වෙන්න ඡන්දය ගන්න මන්ත්‍රීවරුන්ට සල්ලි දුන් බවට වීරවංශ මහතා කරන ප්‍රකාශ අසත්‍ය බව ඇමැති මරික්කාර් කියයි.

12:05 PM විශ්වාස භංගයත් සමඟ ආණ්ඩුවේ තුනෙන් දෙකේ බලය නැතිවී ඇතැයි පාර්ලිමේන්තු මන්ත්‍රී විමල් වීරවංශ මහතා කියයි. 

12:03 PM ‘මුදල් කතා කරද්දී සත්‍ය නිහඬ වන බවට කියමනක් තියෙනවා. සල්ලි කතා කරන සද්දෙ මට ඇහුණා. අගමැතිට පක්ෂව කතා කරන්නේ සල්ලි.‘   - විමල් වීරවංශ

12:02 PM වීරවංශ මහතාට කතාව කරගෙන යෑමට අවස්ථාව දෙන්නැයි කතානායකවරයා මන්ත්‍රීවරුන්ගෙන් ඉල්ලයි. 

12:01 PM පාර්ලිමේන්තු මන්ත්‍රී විමල් වීරවංශ මහතා කතාව අරඹයි. පාර්ලිමේන්තුවේ ඝෝෂා.

11:55 AM රනිල් වික්‍රමසිංහ සංකේතාත්මක ඉලක්කයක් විතරයි. මෙය ආණ්ඩුව ඉලක්ක කරගත් එකක්.  මහින්ද රාජපක්ෂ මහතා මේකට අත්සන් කරලා නෑ. විමල් වීරවංශ කියනවා ඒක කියලා ආතල් එකක් ගන්න කියලා. ආතල් එකට එයා ගිය දෙයක් තියෙනවා.  ශ්‍රීලනිපය තුළ කල්ලි තුනක් තිබෙන බව පේනවා. රාජපක්ෂවරුන් දුරදිග බලලා කටයුතු කරන බව මෙයින් පේනවා. - ඇමැති හකීම්

11:47 AM මගේ පාර්ලිමේන්තු දිවියේ විශ්වාස භංග කිහිපයක් දැකලා තියෙනවා. පටන් ගන්නකොටම හුළං බැස්ස විශ්වාස භංගයක් දැක්කේ මෙවරයි. - ඇමැති හකීම්

11:43 AM බිමල් රත්නායක මන්ත්‍රීවරයාගේ කතාවෙන් පසු ශ්‍රී ලංකා මුස්ලිම් කොන්ග්‍රසයේ නායක ඇමැති රාහුෆ් හකීම් මහතා කතාව අරඹයි.

11:40 AM ‘විශ්වාස භංගය ගෙන ආවේ මෛත්‍රීපාල සිරිසේන සහ ගොඨාභය රාජපක්ෂ කල්ලියයි. විශ්වාස භංගයට වැඩ කළේ ගෝඨාභය කල්ලියයි. මහින්ද රාජපක්ෂ මහතා ලොකුවට වැඩ කළේ නෑ. ‘-  ජවිපෙ මන්ත්‍රී බිමල් රත්නායක

11:38 AM ‘‘මේ රටේ ලොකුම ජනවරම පාවා දීලා තියෙන්නේ ජනාධිපති මෛත්‍රීපාල සිරිසේනයි. රනිල් වික්‍රමසිංහ වගේම ඔහු හොරු රැක්කා.  රනිල් වික්‍රමසිංහ මහතා දූෂිතයන් 50ක් ආරක්ෂා කළා නම් මෛත්‍රීපාල සිරිසේන මහතා 50ක් හෝ 51ක් ආරක්ෂා කළා. දූෂණයට එරෙහිව ජනවරම ලැබුණේ මෛත්‍රීපාල සිරිසේන මහතාටයි.   එතුමා තමයි දෙවැනි ජුදාස්. තුන්වැනි පාවාදීම කළේ මහින්ද රාජපක්ෂ මැතිතුමා.‘‘ - බිමල් රත්නායක
 

11:36 AM විශ්වාස භංගයේ අත්සන් 56ක් තිබෙනවා.  ඔබතුමාලා දීලා තියෙන එකේ තියෙන්නේ අත්සන් 55යි. පළමු වැනි අත්සන මෛත්‍රීපාල සිරිසේන මහතාගේ. මේ විශ්වාස භංගය ජනාධිපතිවරයාගේ. මහින්ද රාජපක්ෂ මහතාවත් කවුරුවත් විශ්වාස භංගයට ගෙනාවේ නෑ. මේ විශ්වාස භංගය ගෙනාවේ පෙබරවාරි මස ඡන්දයෙන් පස්සේ මෛත්‍රීපාල සිරිසේන මහතා. මුලින් කිව්වා අගමැතිට ඉල්ලා අස්වෙන්න කියන්න. වෙනම 113ක් හදාගන්න පුළුවන්ද කියලා බැලුවා. දූෂිතයො එකතු වෙලා 113ක හදාගන්න හැදුවා. ඒක බැරිවුණා. එතැනින් පස්සේ තමයි විශ්වාස භංගය ආවේ.  - බිමල් රත්නායක

11:28 AM මහින්ද රාජපක්ෂ රජයේ සිටි දූෂිතයන් ආරක්ෂා කිරීමට අගමැති කටයුතු කිරීමෙන් ඔහු ජනවරම පාවා දුන් බව බිමල් රත්නායක මන්ත්‍රීවරයා කියයි. විශ්වාස භංගයට තව එකතු විය යුතු කරුණු ඇතැයි ද මන්ත්‍රීවරයා පවසයි. 

11:22 AM විශ්වාස භංග යෝජනාවට පක්ෂව ඡන්දය පාවිච්චි කරන බව ජනතා විමුක්ති පෙරමුණේ මන්ත්‍රී බිමල් රත්නායක මහතා කියයි.

11:21 AM ඇමැති මංගල සමරවීර මහතා පාර්ලිමේන්තුව ඇමැතීමෙන් පසු ජනතා විමුක්ති පෙරමුණේ පාර්ලිමේන්තු මන්ත්‍රී බිමල් රත්නායක මහතා කතාව අරඹයි.

11:08 AM බැඳුම්කර සම්බන්ධයෙන් වංචාවක් සිදුවී ඇතැයි තමා විශ්වාස කරන බව ඇමැති මංගල සමරවීර මහතා පැවසීය.  

11:07 AM ජනාධිපති මෛත්‍රීපාල සිරිසේන මහතාට සහ අගමැති රනිල් වික්‍රමසිංහ මහතාට 2015 ලැබුණු ජන මතයට එරෙහිව නොයන ලෙස විපක්ෂ නායක ආර් සම්පන්දන් මහතා පාර්ලිමේන්තු මන්ත්‍රීවරුන්ගෙන් ඉල්ලා සිටියේ.

11:04 AM ‘ප්‍රධාන පක්ෂ දෙකෙන් බොහෝ දෙනෙක් ජනාධිපති වෙන්න කැමතියි. මහින්ද රාජපක්ෂ මහත්මයා 2005දී මට කිව්වා මංගල කොහොම හරි අපි මේක ගන්න ඕනෑ. මේවගේ පක්ෂයක අපේක්ෂකයා වුණාම දිනුවත් දිනුම්. පැරදුනත් දිනුම් කියලා. මම ඇහුවා ඇයි එහෙම කියන්නේ කියලා. එයා කිව්වා ප්‍රධාන පක්ෂ දෙකේ අපේක්ෂකයන්ට හොඳට සල්ලි හම්බෙනවා ඉතින් දිනුවත් දිනුම් පැරදුනත් දිනුම් කියලා. ‘ - ඇමැති මංගල

11:01 AM ඇමැති ලක්ෂ්මන් යාපා අබේවර්ධන මහතා ප්‍රකාශ කළේ   විශ්වාස භංගයට පක්ෂව ඡන්දය භාවිත කිරීමට අද පැවැති ශ්‍රීලනිප රැස්වී‍මේදී තීරණය කළ බවයි.
 

11:00 AM විශ්වාස භංගය ගැන ඡන්ද විමසීමේදී ඡන්දය ප්‍රකාශ කිරීමෙන් වැලකී සිටීමට ශ්‍රීලනිපය තීරණය කළ බව ඇමැති ඒ එච් එම් ෆවුසි මහතා කියයි.

10:57 AM ඇමැති  මංගල සමරවීර මහතා කතාව අරඹයි.

10:29 AM විපක්ෂ නායක සහ දෙමළ ජාතික සන්ධානයේ නායක ආර් සම්පන්දන් මහතා සභාව අමතයි.

10:27 AM ‘දිගන ප්‍රශ්න පිටුපස සිටින්නේ පොහොට්ටුවේ මන්ත්‍රීවරුන් දෙදෙනෙක්. පොලිසියෙන් දැනගෙන සිටියා පිටස්තර පුද්ගලයන් මහනුවර ඇවිත් ඉන්නවා කියලා. මමත් දුරකතනයෙන් කතා කරලා කිව්වා බලන්න කියලා. නමුත් පොලිසිය ක්‍රියාත්මක වුණේ නෑ. මේ සිද්ධිය පත්තු කළේ පොහොට්ටුවේ මන්ත්‍රීවරුන්.

10:26 AM සභාවේ ඝෝෂා. ගෝඨාභය රාජපක්ෂ මහතා විදෙස් පුරවැසියෙක් නොවේදැයි ඇමැති ලක්ෂ්මන් කිරිඇල්ල ප්‍රශ්න කරයි. 

10:24 AM හිටපු මහ බැංකු අධිපති අර්ජුන මහේන්ද්‍රන් මහතාගේ පත්වීම නීති විරෝධී පත්වීමක් නොවන බවට බැඳුම්කර කොමිෂන් සභා වාර්තාවේ සඳහන් වෙන බව සභා නායක සහ රාජ්‍ය ව්‍යවසාය සංවර්ධන ඇමැති ලක්ෂ්මන් කිරිඇල්ල මහතා කියයි.

10:19 AM ‘දිනේෂ් ගුණවර්ධන මහතා බොහෝම අමාරුවේ අද තමන්ගේ මිත්‍රයට විරුද්ධව කතා කළා. විවාද ආරම්භයේදිම අද හුළං බැහැලා. රනිල් වික්‍රමසිංහ මහතා අගමැති වූ හැම විටම කෝප් කමිටුවේ සභාපති ලෙස පත් කළේ විපක්ෂයේ මන්ත්‍රීවරයෙක්. අනිත් ආණ්ඩුවල පත් කළේ ආණ්ඩුවේ මන්ත්‍රීවරයෙක්මයි. ‘ - ලක්ෂ්මන් කිරිඇල්ල

10:17 AM දිනේෂ් ගුණවර්ධන මහතා විසින් ඉදිරිපත් කරනු ලැබූ විශ්වාස භංග යෝජනාව පාර්ලිමේන්තු මන්ත්‍රී ඩලස් අලහප්පෙරුම මහතා ස්ථිර කරයි.

10:16 AM විශ්වාස භංගය යෝජනාව ගෙනෙමින් දිනේෂ් ගුණවර්ධන මහතා ඉදිරිපත් කළ කතාව අවසන් කරයි.

10:14 AM පාර්ලිමේන්තුවේ ඝෝෂා.  ‘ෆුට් නෝට් කට්ටිය තමයි කෑ ගහන්නේ‘ මන්ත්‍රී දිනේෂ් කියයි. 

10:12 AM ‘සිංගප්පුරු ගියාම එක්සත් ජාතික පක්ෂ මන්ත්‍රීවරුන්  අර්ජුන මහෙන්ද්‍රන් හමුවෙනවා. ඒත් තවම ලංකාවට ගේන්න ගන්න බැරි වුණා. ‘ - දිනේෂ් ගුණවර්ධන

10:11 AM මන්ත්‍රීවරුන්ගේ සාකච්ඡා නිසා සභාවේ කටයුතුවලට බාධා ඇති වෙන බැවින් පිටතට ගොස් සාකච්ඡා කරන ලෙස කතානාකවරයා ඉල්ලා සිටියි.

Views ({{hitsCtrl.values.hits}}) | Comments (0)

විශ්වාස භංගයෙන් අගමැති ජයගනී

ඔබේ අදහස් එවන්න.

ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.