කියනා දෙය නාහා ගසක් උඩ නැගගෙන සිටි චීටා පැටවෙකුට දිවි මවගේ උදහසට ලක්වීමට සිදුවිය.
පහළට බසින ලෙස ඇය ගෙරවුම් කරමින් ඉල්ලා සිටියද පැටවා එ කිසිත් ගණනකට නොගත්තේය.
ඉවසීමේ සීමාව ඉක්මවා ගිය තැන ඇය මීටර 3 ක් පමණ ඉහළට පැන තම පැටවාට පහරක් එල්ල කළාය.සමබරතාවය ගිලිහුණු දිවි පැටවා දැන් ඉදිරි පා දෙකෙන් ගසේ එල්ලීගෙනය.
ඇය තවත් වරක් ඉහළට පැන පහරක් එල්ල කළාය.පැටවා බිමට ඇද වැටුණි.
බිමට වැටුණු පසු ඇය නැවත වරක් ගොරවමින් අවවාද කළාය.එවර නම් පැටවා තම මවට ඇහුම්කන් දෙන බවක් පෙනුණි.
දකුණු අප්රිකාවේ සාබි සෑන්ඩ්ස් වනෝද්යානයේ දැකගත හැකිවූ මේ අපූරු දසුන ඡායාරූප ගත කරන්නට වන නිළධාරී ඩැනියෙල් ෂින්ච්හැම් කටයුතු කළේය.
මේ මවට තවත් පැටවෙක් සිටින බවත් පැටවුන් දෙදෙනාගේ මෙවන් නාඩගම් මේ දිනවල වනෝද්යානයට පැමිණෙන සංචාරකයින්ගේ ඉහළම ආකර්ෂණයක් දිනාගෙන තිබෙන බවත් ඔහු පවසන්නේය.
