රජ සැප අතහැර සාමය වෙනුවෙන් අයිඑස්අයිඑස් අන්තවාදීන් හා සටන් වැදීමට සෞදි රජකුමරුවෙක් එක්ව සිටී.
කලේඞ් බින් සල්මාන් කුමරු සෞදි අරාබි රජ කිරුළට උරුමක්කාරයෙකි.නමුත් ඔහු සෞදි අරාබියා ප්රහාරක ගුවන් නියමුවන් කණ්ඩායමක් හා එකතුව අන්තවාදීන්ට එරෙහිව ගුවන් ප්රහාර එල්ල කරමින් සිටී.
මේ ගුවන් නියමු කණ්ඩායමේ එක්සත් අරාබි එමිීර් රාජ්යයේ පළමු කාන්තා ගුවන් හමුදා නියමුවරිය වන මේජර් මේරියම් අල් මන්සූරිද සිටින්නීය.උපාධිධාරිනියකද වන ඇය තම කාලය අයිඑස්අයිඑස් ත්රස්තයින් මැඞීම සදහා කැපකර ඇත්තීය.
අන්තවාදීන්ට සහය දක්වන්නේයැයි එක්සත් ආරාබි එමීර් රාජ්යය ඇතුළු බලවත් මැදපෙරදිග රටවලට චෝදනා නැගී තිබියදී මෙසේ රජකුමරුවෙකුද,තම පළමු ගුවන් නියමුවරියද අන්තවාදීන්ට එරෙහිව සටන් වදිමින් සිටීම ලොව රටවල් අරාබිකරය ගැන ඇති දුර්මතයන් ඉවත් කර ගැනීමට මග පාදනු ඇතැයි අරාබි නායකයින් විශ්වාසයෙන් සිටී.
ගුවන් නියමු කණ්ඩායම එල්ල කර තිබෙන ප්රහාරයන්ද මේ දක්වාම ඉතා සාර්ථක ප්රතිඵල අත්කරගෙන තිබෙන අතර ඒ නිසාවෙන්ම කණ්ඩායමේ සාමාජිකයින්ට ලැබෙන මරණ තර්ජනයන්ගේද නිමක් නොමැති බව සඳහන්ය.
මැදපෙරදිග උද්ගතව ඇති තත්ත්වය තෙවන ගල්ෆ් යුද්ධය ලෙස යුධ විචාරකයෝ හඳුන්වති.දැනටමත් ඇමරිකාව අන්තවාදී ඉලක්ක වලට ගුවන් ප්රහාර එල්ල කරමින් සිටින අතර නුදුරේදීම බි්රතාන්යයද ඇමරිකාව හා හවුල් වීමට නියමිතය.
ගුවන් ප්රහාර එල්ල කළද හමුදා භටයින් අරාබිකරයේ මෙහෙයුම්වලට අනුයුක්ත කිරීමේ අදහසක් නැතැයි දෙරටම නිවේදනය කර ඇත.
