මියගිය සැමියා වෙනුවෙන් යැයි කියා ඔහුගේ මළගම දවසේදී අවමංගල්‍ය ශාලාවට නාටිකාංගනාවන් කැදවාගෙනවිත් සංදර්ශනයක් පැවැත්වූ කාන්තාවක ගැන තායිවානයෙන් වාර්තා වේ.

අවමගුලට සහභාගීවීමට පැමිණ සිටියෝ සෝ සුසුම් හෙළීම පසෙකලා අනග රැගුම් පාමින් සිටි නාටිකාංගනාවන් ඡායාරූප හා වීඩියෝ ගත කිරීමට කටයුතු කර තිබේ.

මියගිය පුද්ගලයාගේ ඥාතීන් සිදුවීම පිළිඹද මවිතය පළ කර තිබෙන අතර එසේ වුවත් ඉතාම භක්තිමත් කාන්තාවක වන මියගිය තම ඥාතියාගේ බිරිද මෙවැන්නක් කරන්නට ඇත්තේ ඔහු ගැන සිතා වන්නට හැකි බව ඔවුන්ගේ අදහස වී ඇත.

තායිවානයේ අවමගුලකට සහභාගී වන පුද්ගලයින් සංඛ්‍යාව වැඩි වන තරමට මියගිය පුද්ගලයාට එය ගෞරවයක් බව සැළකෙන අතර එනිසා බොහෝ දෙනා කවර උපක‍්‍රමයක් යොදා හෝ අවමගුලකදී සෙනග අද්දවාගැනීමට කටයුතු කරති.

මෙසේ නාටිකාංගනාවන් කැදවා ගැනීමද එවැනි එක් උපක‍්‍රමයකි.