ඉන්දියාවේ මුම්බායි නුවර සිට කිලෝමීටර් 150ක් දුරින් පිහිටි රෙයිගාඩ් ග්රාමයේ ජිවත්වන අමිත් මෝර් හා අක්ෂේයා පල්කාර් ඊයේ දින මුම්බායි පරෙයි බහුජන විහාරයේදී යුගදිවියට පිවිසුණේය. බහුජන විහාරයේ විහාරාධිපති කොහිලවත්තේ ලංකානන්ද හිමියන්ගේ ආරාධනයෙන් එහි ගිය අපි මංගල උත්සවයේ විශේෂ අවස්ථාද ඡායාරූප ගත කළෙමු.
අවුරුදු 32ක් පුරා ඉන්දියාවේ ජීවත්වන ලංකානන්ද හිමියන් ඉන්දියා රජයේ අවසරය මත මෙවැනි විවාහ සිදුකරන බවත් දහස් ගණනක් මේ ආකාරයට උන්වහන්සේ විවහා කරදී ඇති බවත් පැවසූහ. ‘‘අද දවසට විතරක් විවාහ ලියාපදිංචි හතරක් තියෙනවා. පිරිත් ටිකක් ජයමංගල ගාථා කියවාගෙන පිරිත් නුලක් බැදගන්න මේ අය හරිම ආසයි. මේ ඔක්කොම හරිම දුප්පත් අය මහත්තයෝ. අනිවාර්යෙන්ම මනමාලයත් මනමාලියත් සුදු ඇදුමෙන් සැරසී එන්න ඕනෑ. වයිවාරන ඇඳුම් අඳින්න මම දෙන්නේ නැහැ. විවාහයෙන් පස්සේ ඕනෑ ඇඳුමක් එයාලට අදින්න පුළුවන්. මේ සියලු දෙනාම බෞද්ධයෝ.“ යනුවෙන්ද උන්වහන්සේ පැවසූහ.
