ඉක්වදෝරයේ ගලාපගොස් දුපත් සමූහයට අයත් දූපතක් වන සැන්ටා කෘස් හි මාළු ලෑල්ලකට දිනපතා පැමිණෙන පාරිභොගිකයින් අතරේ එක් සුවිශේෂි අයෙකු සිටී.
පසුපස වරලින් සිටගෙන දෙපා සතුන් මැද තම වාරය එනතෙක් බලා සිටින්නේ මුහුදු සිංහයෙකි.
මාළු ලෑල්ලේ හිමිකරු පවසන්නේ තම ‘‘සේවාලාභියා‘‘සංචාරකයින්ට අමුත්තෙකු වුවද අවට වෙසෙන්නන්ට නම් දැන් ඔවුන්ගේම කෙනෙකු වැනි බවයි.
මාළු ලෑල්ල මුහුද අයිනේම පිහිටීම නිසා මේ මුහුදු සිංහයා වැඩි අපහසුවකින් තොරව මසුන් ‘‘මිලදී‘‘ ගැනීම සදහා පැමිණේ.
මේ අපූරු පාරිභෝගිකයාගේ විශේෂම දෙය පෝලිම් නොපැන, මුවින් නොබැන සන්සුන්ව තම වාරය එනතෙක් සිටීමයි.
වාරය පැමිණි පසු මාළු ලෑල්ලේ හිමිකරු නොමිලයේම දෙන මසුන් හා කපා ඉවත් කරන ලද මත්ස්ය කොටස් රිසි සේ ගිල දමනා මුහුදු සිංහ තෙමේ කුස පුරවා ගෙන නැවත දියඹට යයි.
