ඇමරිකාවේ නිව්යෝර්ක් නගරයේ උමං දුම්රියවල,බස් රථවල, වීදිවල පසුගියදා ගමන් කළ ඇතැමකුට ඔවුන්ගේ කලිසම් ඇඳ ගැනීමට අමතකව ඇති බවක් පෙනිණි.
ඔවුහු සියලූදෙනා යට ඇදුම් වලින් පමණක් යටි කය ආවරණය කරගෙන සිටියෝය.
ඔවුන් දෙස විස්මයෙන් බැලූම් හෙළුවද ඔවුන්ට එය ගණනක් නොවීය.
ඇතැමෙක් උඩු කයට සම්පූර්ණ කාර්යාල ඇදුමින් සැරසී යටි කය යට ඇදුමකින් පමණක් වසාගෙන සිටියහ.
මෙය නිව්යෝරක් නගරයේ මෙන්ම ලොව පුරා ප්රධාන නගරවල වාර්ෂිකව සැමැරෙන අවස්ථාවකි.එය හැඳීන්වෙන්නේ කලිසම් නැති ගමන ලෙසය.
2002 වසරේදී ඉම්ප්රොව් නම් විනෝදාස්වාද කණ්ඩායමක් මුල්ම වරට දියත් කළ මේ කලිසම් නැති ගමනට එදා සහභාගීව සිටියේ හත් දෙනෙකු පමණක් වුවත් අද දිනයේ ඊට දහස් ගණනක් දෙනා සහභාගී වෙති.
හුදෙක් හාස්ය දනවන වැඩසටහනක් ලෙස ඉම්ප්රොව් කණ්ඩායම මෙය හඳුන්වාදුන්නද අද දිනයේ එය ලෝකය පුරාම සැමරෙන්නක් තරමට වර්ධනයව තිබේ.
කලිසම් නැතිව යන්නන්ට නීති රීති කිහිපයක්ද ඇත.අන් අයට බාධා වන සේ හැසිරීම තහනම්ය.කලිසම නැති වුවත් සාමාන්ය දිනයකදී මහමග ගමන් කරන ආකාරයට, කාර්යාලයේ වැඩකටයුතු කරන ආකාරයට වැඩ කටයුතු වල නිරත විය යුතුය.කලිසම නැතිය කියා වුවමනාවට වඩා නැටීමද නොකළ යුත්තකි.
