ඉඩකඩ නොමැතිවීම නිසාවෙන් දරුවන්ට ක්රීඩා කිරීම සදහා අවැසිවූ ධාවන පථය වහලය මත ඉදිකිරීමට සිදුවුණු පාසැලක් ගැන චීනයෙන් වාර්තා වේ.
චීනයේ සෙජියෑන්ග් ප්රදේශයේ පිහිටා තිබෙන මෙම පාසැලේ වහලය මත ඇත්තේ මීටර 200 ක් දිගු සම්පූර්ණ ධාවන පථයකි.එහි පසෙකින් තවත් ක්රීඩා පිටියක්ද ඇත.
ධාවන පථය වර්ගමීටර 3000 ක වපසරියකින් යුතුය.
ඉඩකඩ තිබුණේ නැත යැයි කියා පාසැල් දරුවන්ගේ අවශ්යතා නොසළකා හැරීමට නොහැකි හෙයින් මෙසේ වහලය මත ධාවන පථය ඉදිකිරීමේ අභියෝගය භාරගත් බව පාසැල් බළධාරීන් කියයි.
ධාවන පථයේ ඇතුළත හා පිටත ඉම අඩි 6 ක උසින් යුත් වීදුරු ප්රාකාර වලින් ආවරණය කර ඇත.මෙනිසා දරුවන් සුරක්ෂිතය.ඊට අමතරව ආරක්ෂක කැමරා වලින් ධාවන පථය නිරතුරුවම නිරීක්ෂණයද කෙරේ.
ධාවන පථය වහලය මත තිබෙන හෙයින් අලූත් අත්දැකීමක් නිසාදෝ පාසැලේ සිසුන් ක්රීඩාවට දැඩි ඇල්මක් දක්වන බව පාසැල් බළධාරීන් පවසයි.
