13 හැවිරිදි ස්ටෙෆනිගේ පියා ගගනගාමියෙකි.මේ දිනවල ඔහු සිටින්නේ අන්තර්ජාතික අභ්යාවකාශ මධ්යස්ථානයේය.
පියා නිවසේ නැති සොව ස්ටෙෆනිට තදින් දැනිනි.. අභ්යාවකාශ මධ්යස්ථානයේ සිට ඔහු නිතර ඇමතුවද එය ඇයට මදි විය. පියාට තම ආදරය පෙන්වීමට ඊට වඩා දෙයක් කිරීමට ඇයට වුවමනා විය.
අවසානයේ ඇයට අදහසක් පහළ විය.
මෝටර් රථ නිෂ්පාදක සමාගමක් වන හයුන්ඩායි සමාගම වෙත ලියූ ඇය තම අදහස ඔවුන් හා පැවසුවාය. ස්ටෙෆනිට සහය වීමට ඔවුහුද කැමති වුහ.
සැළසුම් කර ගත් දිනයකදී ස්ටෙෆනි ඇයගේ පවුලේ සාමාජිකයින් සමග ඇමරිකාවේ නෙවාඩාහි වියළී ගිය විලක් අසලට පැමිණියාය. හයුන්ඩායි සමාගම එවා තිබුණු මෝටර් රථ 7 ක් ඒ වන විටත් එහි විය.
සියලූ දෙනා සූදානම් වූ පසු ස්ටෙෆනි තම අදහස කි්රයාවට නැංවූවාය. මෝටර් රථ යොදාගෙන වියළී ගිය විල වැසී තිබුණු වැල්ලේ විසල් පණිවුඩයක් ලිවීම ඇයගේ සැළසුම විය.
මෝටර් රථ හත රටාවකට ධාවනය වෙමින් ඇයගේ පණිවුඩය වැල්ලේ සටහන් කළේය.
ස්ටෙෆනි ඔයාට ආදරෙයි යැයි යේ වැල්ලේ සටහන්ව තිබිණ.
පණිවුඩය අන්තර්ජාතික අභ්යාවකාශ මධ්යස්ථානයේ සිටි ස්ටෙෆනිගේ පියාට දැකිය හැකි තරමට විශාල විය.ඔහු එය ඡායාරූපයට නැගීය.තම දුවණියට තමන්ද ආදරය කරන බව සදහන් කර එම ඡායාරූපය ඔහු ඇය වෙත එවීය.
ස්ටෙෆනිගේ පණිවුඩය ගිනස් වාර්තා පොතටත් එක්වී ඇත.ඒ මෝටර් රථ යොදාගෙන මෙතෙක් නිර්මාණය කර තිබෙන විශාලම සිතුවම ලෙසය.
