ගිනි අවියක් අතින් ගත් පුද්ගලයෙකු ඕස්ට්රේලියාවේ සිඩ්නි නුවර තේපැන් හලක සිටි 20 දෙනෙක් පමණ ප්රාණ ඇපයට ගෙන සිටින්නේයැයි එරට මාධ්ය වාර්තා කරයෙ
අයිඑස් අන්තවාදීන් නියෝජනය කරන බවට සැකකෙරෙන ධජයක් තේපැන් හලේ ඉදිරිපස වීදුරුව මත ප්රදර්ශනය කර ඇත.පිටුපසින් සිටින තුවක්කුකරු කරන නියෝගයන්ට අනුව ප්රාණ ඇපකරුවන් කිහිපදෙනෙක් එම ධජය වීදුරුව මත තබාගෙන අල්ලාගෙන සිටිනු දැක්වෙන වීඩියෝවක් හා ඡායාරූප ඕස්ට්රේලියා මාධ්ය වලට මුදා හැර ඇත.
තුවක්කුකරුගේ ඉල්ලීම් මොනවාදැයි මේ දක්වාම ප්රකාශයට පත්ව නොමැත.
ප්රදේශයට පොලිසිය අනුයුක්ත කර තිබෙන අතර ඔවුන් ගොඩනැගිල්ලේ වෙනත් මහල්වල රැදී සිටි පුද්ගලයින් මේ වන විට ඉවත් කර ඇත.ප්රදේශයේ පාසැල් වලද හදිසි අවස්ථාවක් ප්රකාශයට පත්කර තිබෙන අතර රජයේ කාර්යාලවල ආරක්ෂාව තරකිරීමට පියවර ගෙන තිබේ.
මේ අතර අගමැති ටෝනි ඇබට් විශේෂ ප්රකාශයක් සිදුකරමින් කලබල නොවී තම තමන්ගේ දෛනික රාජකාරි වල යෙදෙන්නැයි ඕස්ට්රේලියා ජනතාවගෙන් ඉල්ලා ඇත.
ප්රාණ ඇපකරුවන් ගලවා ගැනීම සදහා මෙහෙයුමක් මේ වන විට සැළසුම් කෙරෙමින් පවතින බව සදහන්ය.
